Dodadi 14:5 - Ma Jou ai Demo-demo o Totobelohoka

^5-6 Masara doka to ona manga tonakoka o koano o Kedoro-Lomere gea woihenoka abe ma titi iwioluku ho wahokino ai dodiawo o koano abe yomakokadateke. Ho ona yomatoomuino de wahigaro onangika wato, “Ahi dodiawo naa, abeika ona o Kananioka inaoluku. Ho kiani ngone naa nanga tentara mata-mata hatoomuino de hoiki haparangi hiadono o nyawa gea ko inalawanokaua.” Masara ona abe o Kedoro-Lomere iwioluku ngade-ngade adonoka o taongo moiino ma dekana de ahao o Kedoro-Lomere de ai dodiawo de manga tentara yomahidiai la yoiki yaparangi. Ho ona o koano yaiata yosoboka de manga tentara ato o koano yamotoa yaparangi. Masara manga tentara ma doomu ma amoko gea ko yomahiadonuahi o Kanani ma tonakika de o nyawa mata-mata abe yomakamake manga dodagi ma goronaka de gea onangikahi yaparangi. De ka ihikaika o Kedoro-Lomere de ai dodiawo yolaku. Ho yahikala o Refaimi ma nyawa abe yogogere o Asitorete-Kanaimi ma tonakoka, de ahao o Susimi ma nyawaoo yahikalali abe yogogere o Haama ma tonakoka. De ahao o Emimi ma nyawaoo yahikalali abe yogogere o Sawe-Kirataimi ma tonakoka, de ahao o Hori ma nyawaoo yahikalali mata-mataika abe ona yogogere o Seiri ma loku-lokuoka. Abe o Hori ma nyawa gea manga ngi o Ela-Paranoka abe o tonaka ma kakaaha ma datekoka.

Dodadi 14:5 ပူးပေါင်းရင်းမြစ်များ

2 Samuele 5:18

De ahao ma oraha o Filistina ma nyawa yomahitigino o Yerusaleemino de yomatogumuku o Refaimi ma dolaka de yomahikabarihi ma dola mata-mataika gea.

2 Samuele 5:22

De ipahaino de ma moiukuoli o Filistina ma nyawa ko manga ngoeoli yoboaino. De abe imaketero hoka ma dihirali ona yomahikabarihi o Refaimi ma dola mata-mataika.

Higiriiri 105:23

De ahao adonoka ma oraha o Yusupu ai baba o Isiraele de ona ai tauoka yokokiboa, To una ai romanga hinooto abe ma dihira iwihiromanga o Yakubu, De naa unangoo wogogere hoka o homoaino ma nyawa o Haama ai tonakoka. Abe ma dihira o Nuhi ai ngofaka o Haama ai gogere o Mesiiri ma tonakoka.

Higiriiri 105:27

La ona yahinooto ihitunguu de Ma Jou ai heheranga o Mesiiri ma nyawaika, Hiadono o heheranga ma ngoe yamake o Haama ai tonakoka gea.

Higiriiri 106:22

Igoungu, duru o nyawa yatomomonoka de manga heranga genangika, Abe Ma Jou wodiai o Haama ai tonakoka, de ka utuohi wodiai, Abe o Bongo-bongo ma gahino yoboa de yatomomonokali ai heherangika, Angamoi Una wotobadiai abe o nyawa duru ko yakunua yodiai hokogea.

Gegetongo 32:37

De o Rubene ma nyawa onangoo ihiputurungoli o kota muruono naga manga tonaka ma hungioka. De ma kota gea ma romanga o Hesebono de o Eleale de o Kiriataimi de o Nebo de o Baala-Meono de o Sibima. Masara ma kota gea utu ihiromangoli ho naga ma romanga ma hungi.

Higalioli 3:11

De o Basanoka manga koano o Ogo gea una o Refaimi ma nyawa manga totofora duru ma baha angamoi ona utu mata-mata yohiraka yokokihonengoka. De abe hoka ai gogianongoru ma dodihiraino, to ma koano gea ai badanga duru ma amoko. Angamoi abeika hafikiri dika to una ai hohonenge ma ngi ma amoko. Abe ma ngi gea yodiai o hakaruino de to ena ma gurutu o metere iata ifoloi de ma ngoata ngade-ngade o metere hinooto. De ai hohonenge ma ngi gea ka nagahi hiadono ma oraha naa naga abe ma ade-ade tohitulihuku. De nako o nyawa yoiki o Raba ma kotaika abe o Amono ma nyawa manga tonakoka de ka idadiohi yamake ai hohonenge ma ngi duru ma amoko gea.”

Higalioli 3:13

De ahao o Gileada ma regu moioli de o Basana ma tonaka mata-mataika, abe ma dihiraino de o Ogo wahikoano genangoka, ma tonaka gea tahidoaka o Manase ma nyawaika.” De o Basana ma tonaka ma dobiki abe ihiromanga o Agobo, ma dihiraino de gea mata-mata o nyawa ihiromanga dika o Refaimi ma nyawa manga tonaka.

Higalioli 3:20

De ahao ma oraha yomaketeparangi ipaha de Ma Jou wonahidoaka o hilaku nia gogianongoru mata-mataika, gea de ahao ngini ka idadi niogilio nia tonakino naa. Angamoi gea de ahao ngini de nia gogianongoru mata-mata niakokimakeoka nia tonaka abe Ma Jou winihidoaka ngini homoi-homoiika. Abe nia gogianongoru yamake manga tonaka doka o Yorodani ma akere ma honongaka de ti nginioli nia tonaka naangoka.’ Hokogea ma huhuloko ma demo abe ihidumutu nginika.”

Higalioli 3:22

Ho ngaro ufa dika de ngini niamodongo ma nyawa genangoka, angamoi to ngona ani Jou ahao Una ma hirete wahimanga de waparangi onangika.’ Hokogea ahi huhuloko ma demo o Yosuaika.”

Yosua 9:10

De nagali ma ade-ade abe hokokia wodiai o Amori ma nyawa manga koano yahinootoika gea doka o Yorodani ma akere ma honongaka. Abe ma koano gea naga womatengo ai romanga o Sihono abe wahikoano ai nyawa o Hesebono ma kotaka. De womatengoli ai romanga o Ogo abe wahikoano o Basana ma tonakoka de ai kota o Asitaroto.