Dodadi 14:19 - Ma Jou ai Demo-demo o Totobelohoka

¹⁹ De ahao o Abaraama o Mekisedeke wigahoko Ma Jouika wato, “Ma Jou Nokokurutiye ngohi tigahoko o Abaraama naa la nihiowa, Ngona abe o Horoga de o dunia natulaada de togahoko la nihiowa.

Dodadi 14:19 ပူးပေါင်းရင်းမြစ်များ

Dodadi 14:22

Masara o Abaraama wipaluhu o Sodomoka manga koanoika wato, “Ngohi naa kanganoinohi tihibehehongokau ahi Baluhu o Yaweika, Una Ma Jou Wokokurutiye, Una abe o Horoga de o dunia wotulaada, gea Unangika ahi giama tagorakiyeoka la tohitunguu ahi behehongo ma gou-goungu naa.

Dodadi 24:3

De kiani notemo de Ma Jou o Yawe ai romanga napake, abe Una o dunia de o Horoga mata-mataika wapareta. Abe kiani nohihibehehongo ngohino ahao ahi ngofaka o Isaka kiani nilingiri ngoi fekata. De ngaro ngone hogogere o Kanani ma tonakoka ma, ko idadiua o Kanani ma nyawaino nilingiri ngoi fekata.

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 47:10

Hokogea o Yakubu womahingahu de gea ko woliouahi de wihiowali o Firaunika ma titi ai demoino.

Dodadi 47:7

De ahao o Yusupu ai baba o Yakubu unangoo wiaoino la yomarihimanga de o Firaunu. Ka de woboaino de o Yakubu wotemo wihiowa o Firaunika.

Dodadi 49:28

Hokogea o Yakubu wahiowa ai ngofa-ngofaka yangimoi de yahinootoika de o hiowa ma demo abe duru imakataana de ona homoi-homoiika. De gea wohioriki itigioka wohonenge de wapake manga oara ma behehongo ma demo abe wahitaana onangika la wahingahu homoi-homoiika abe hokokia idadi onangika abe ma oraha manga totoforauku ahao yolape-lapeuku. De ona yangimoi de yahinooto homoi-homoiika ahao yodadi o Isiraele ma nyawa manga dutu.

2 Samuele 2:5

De ma abari gea woihene ipaha de ahao una wohidingoto ai demo o Yabese ma nyawaika, abe una wato, “Ngohi tonganono la Ma Jou o Yawe winihiowa nginika ma titi nia hininga ma rorahai nia hidimono o Saulika ma oraha to una ai honenge ngini nialungunu.

1 Tawari 29:11

O bobuturungu de o kuaha Ngona ma dutu mata-mataika, De o medebini ma dararono, de o gogere abe duru kohagurutiye, De o Horoga ma hohailoa ena mata-mata ihititi Ngonaka, Mata-mata abe naga o Horogaka de o duniaka gea ka to Ngona. Ngaro o koano abe wahikoano o Isiraele ma nyawa masara, O koano ma kuaha gea duru ka Ngonaka abe ani giama ma hoatoka, Ngona mia Baluhu idodutu ho duru itiai abe ngomi o nyawa mata-mata minigorakiye.

Higiriiri 24:1

O dunia naa de ma dola mata-mata, gea ma dutu Ma Jou o Yawe dika. De ai dulaada ka ma moi de ngone o nyawa mata-mata abe homanoa naanguku, duru mata-mataika idadioka to Una dika ai kuahaka.

Mika 6:6

Ho mangale ma titi to ngone nanga howo-howono duru ifoloioka Ma Jou o Yawe ai himangoka, ho done hokokia ka idadi homahitigi Unangika? De koaho o kia ka idadi homahihuba Ma Jou Wokokurutiyeika la hiadono wosanangi wonaapongo de wonadafongoli? Bote ngone hohiboaino / haoino o hapi ma ngofaka la genangino homahihuba de homamotumuku ai himangoka.

Matiusu 11:25

De ipaha de o Yesusu womaniata ai Babaiye wato, “O Baba, o dunia naa de o Horogaoo to Ngona ani giamoka ho Ngona dika to ena ma Baluhu idodutu. De Ngohi totarimakase Ngonaika ma titi ma dodihirainohi de nohikaaturu la ngaro o nyawa abe manga sosawaro ikuranga ma ka idadi yataoko itiai o dodotoko ma gou-goungu ma titi Ngona. Masara abe ona yomahiromanga ato yososawaro de manga tobahioriki ilamoko, ona gea ikuranga yataoko ma gou-goungu angamoi Ngona nagogonoka la nato ufa ona yamake.

Maruku 10:16

Hokogea wotemo ipaha de ahao o ngofa-ngofaka watoomuino wakokikooino de wakokifokumu de gea wagahoko ma owa Ma Jouino.

Lukasa 10:21

De abe ma oraha gea de o Yesusu iwilufungoka de o garago abe Ma Jou o Womahoka de aino iboa. Ho Una witemo ai Babaika wato, “Ahi Baba Ngona o Horogaka ma Baluhu de o duniaka naa enangoo ma Baluhu idodutu. De naa duru totarimakase Ngonaika ma titi ma dodihirainohi de nohikaaturu la abe ani hingahu ma demo ma gou-goungu gea nagogono onangino abe yomagorakaholi la ufa ihioriki ani demo gea. Abe ngaro ona yomahiromanga ato yososawaroka masara Ngona nohikaaturu la ko idadiua yataoko. Masara ona gea abe yomahitipokouku imaketero hoka o ngofa-ngofakoli manga hininga ma dodipokouku, onangika gea ma gou-goungu ma demo gea nahimatokoka la ka idadi yataoko irahai. De tohioriki abe ma dodihiraino de nohideeoka la hokogea nodiai de abe ani hidee gea duru inihisanangi Ngonaika.”

Hidingoto 16:17

De muna gea mia poretino momihidoduruino de mopoa-poaka mato, “O nau-nauru gea ona iwitobaleleani Ma Jou Wokokurutiye, de yoboaino naa la inihingahu-ngahu nginika abe hokokia ka idadi Una winiduhunu nia howo-howonino.”

Efesusu 1:3

Ahi gogianongoru, naa ngohi tinihigaro ma titi ma hidoaka ma owa mata-mata abe ngone hamakeoka. De nanga hidoaka ma owa gea ikokiboa Ma Jouoka de aino, abe Una gea to nanga Baluhu idodutu o Yesusu Kristusu ai Baba. De ai owa gea o Horogaka de auku iboa ngoneuku. De gea wonahiowa ma titi abe ngone hodadioka o Kristusu ai nyawa. Ho mangale ma titi Ma Jou wonahiowaka ngoneino de to Una ai owa mata-mata ho duru itiai abe ngone ka ihikaika hihigiriiri Unangika.

Efesusu 1:6

Abe Una wipake ai Ngofaka gea abe duru widora Unangika la ma titi Unangino de duru wonahiowa hiadono ngoneoo hodadioka ai ngofa-ngofaka. Ho mangale ma titi ai hidoaka ma owa duru ihohailoa gea hiadono ngone naa koaho hotarimakase de hihigiriiri Unangika ka hiado-adonika!

Ruutu 3:10

Ka de ami demo gea woihene de o Boasa duru de ai garago wato, “Ngaro Ma Jou o Yawe wonihiowa ngonaika ahi gianongoru! Ma dihira de tonihioriki abe ani hininga ma igo nomahidutu ngomino masara naa ka utuohi ngona nodiai itiai la nomahitunguu ani dora ngomino abe noigo nomahidutu ngomino! Ngona ka idadi nomamake ani rokata ka o goohi de ngaro una o kaya ma nyawa eko ko wokayaua ma iti ngona niiriki. Masara abeika ngohi ko o gooua de noboa ngohino de ani horomati ma amoko.

1 Samuele 15:13

De ma oraha o Samuele woboa o Gigalino de o Saulu wimake ho wibuhuku de ai garago, wato, “Duru tonigahoko la Ma Jou o Yawe wonihiowa ngonaika. De Ma Jou o Yawe ai behehongo ngohino taniiki hiadono tabooto todiai mata-mata gea abe Una wohihibehehongoka la todiai.”