Dodadi 13:9 - Ma Jou ai Demo-demo o Totobelohoka

⁹ Abeika o tonaka naa ma amoko nanga himangoka, sarakia, ko inawedonua? Koua, ka inawedono masara irahai ngona nomangiriki dika o tonaka abe ka enangohi noigo. De nako ngona nomadumutu ma tonaka o gubadioka, to ngohi tale o tonaka o nirakoka. Masara nako to ngona nomadumutu o nirakoka, to ngohi o gubadioka.” Hokogea o Abaraama wihidumutu o Lotika.

Dodadi 13:9 ပူးပေါင်းရင်းမြစ်များ

Dodadi 13:10

De ma oraha gea ona naga o lokuoka yomaokoino, ho o Loti wolega-lega o Yorodani ma tonaka ma dola mata-mataika, ka hiadono Soara ma kotaika. De ma dola gea wamake duru irahai abe naga o akere de ma ngairi ma ngoe imaketero hoka ma dodihiraka naga Ma Jou o Yawe ai redioka. Ngade-ngade o tonaka gea ma rahai imaketero hoka hamake o Mesiiroka. De ka irahaiohi o tonaka gea angamoi Ma Jou o Yawe ko wohibinaahauahi o kota hinooto genangoka ma romanga o Sodomo de o Gomora.

Dodadi 13:8

De o Abaraama wotemo o Lotika wato, “Mia ngofaka, ani baba de ngohi, ngomi o ria-dodoto ma dutu ho ufa hiadono homakangamo, ngohi de ngona. De ahi nyawa de to ngona ani nyawa abe yogoa-goana nanga aewani ma duduono, ufa hiadono yomakangamo.

Dodadi 20:15

De wihibehehongo unangika wato, “Abeika ahi tonaka naa, ngaro ma amokika ma ka idadi nomangiriki dika o kiaka noigo nogogere ahi tonakoka naa.”

Dodadi 34:10

De naa ka wogila-gilahi wahingahu onangika la wato wahisanangi wato, “Duru irahai nako ngini nigogere nenangoka la homaketedodiawo de ka idadi homaketeturuuru nanga kiahonanga la ngone houtumu mata-mata. Abeika ma tonaka ma homoa! De ma tonaka gea ngomi minihigunoa la ngini nimaija! Ho ka idadi ngini niaika niaino nia duduono niao-ao de ngaro ufa nitagi-tagiohi nimalingiri nia tonaka.” Hokogea o Hamoro wotemo ibooto.

Roma 12:18

De ngini kiani nihitaili de nia hininga ma gahumu la nimakao irahai de o nyawa mata-mataika. Ho ufa hiadono ma titi nginioka hiadono o ribuutu idadi.

1 Korintusu 6:7

De mangale ma titi naga nginioka nia gurubungu hiadono niato kiani o nyawa iniurusu, gea duru inihitaanoka abe ngini ko iniurusuahi de duru nikalakau! Abe koaho nia gogianongoru o Yesusoka manga howono nginika, koaho niamalaika dika. De ngaro naga inirusi, ma koaho enangoo nianoaika dika ma iti ufa o hiurusu ma ngiika niloiki!

Ibarani 12:14

De ngini kiani duru nimaribuutu la ka ihikaika nimakao irahai ngini de o nyawa mata-mataika la o hininga ma miriidi ilaku nginioka. De kiani nimaribuutuoo la o hininga ma debi-debini ka ihikaika nianiiki, angamoi nako hoka ngini ko nianiikua, gea ahao hatoli nimaketero hoka o nyawa abe ko yotebinua. De gea hohioriki ona gea ahao duru ko idadiua iwimake Ma Jou.