Dodadi 13:2 - Ma Jou ai Demo-demo o Totobelohoka

² De ma oraha naa o Abaraama duru wodadiokau o kaya ma nyawa, abe to una ai domba, de ai kabingi, de ai unta, de ai hapi duru ma ngoe, de nagaoo ai gurasi de ai haaka.

Dodadi 13:2 ပူးပေါင်းရင်းမြစ်များ

Dodadi 12:16

De angamoi o Firaunu gea wofikiri o Abaraama wodadioka ai geri ho woigo wiao irahai ho naga ai hidoaka ilamoko o Abaraamika. Abe wahuloko ai huhulokika yamuruono naga o ngo-ngofeka de o nau-nauru wato, “Ngini naa ngohioka ibooto nikarajaanga la ahi geriokali nikarajaanga.” De naga ai hidoaka utuohi o Abaraamika o aewani ma ngoe ma beka de ma nauru abe naga o domba, o hapi, o keledai de o unta ma ngoe. De hokogea o Firaunu wihidoaka mata-mata gea o Abaraamika la unangoli ma aewani gea wapaliara.

Dodadi 13:6

Masara angamoi o Loti de o Abaraama manga aewani o dofo duru kohangoe ho o ruruubu, abe manga aewani ma inomo, ko imakegetongua nako ka ihikaika yomakiniiki.

Dodadi 24:1

De ipahaino de o Abarahaama duru ai dekanoka hiadono iwiperekioka. De una Ma Jou wihihira-hira ai wowangoka hiadono wamakeokau ma owa irupa-rupa Ma Jou o Yaweino.

Dodadi 24:35

De ahi dutu gea duru Ma Jou o Yawe wihiowa ma ngoe hiadono wihidadi o kaya ma nyawa. Abe Ma Jou wihidoakoka unangika o domba ma duduono de o hapi ma duduono ma ngoe, de naga ai gurasi de ai haaka de ai gogilaongo o nau-nauru de o ngo-ngofeka. De utuohi ai kaya hiadono ai unta de ai keledai enangoo naga.

Dodadi 26:14

De to una ai aewani o dofo ma duduono abe hoka ai domba, de ai hapi, de ai unta enangoo ka ihikaika ifaa-faatuku. Hokogea ai aewani ma duduono idogo-dogo hiadono o Isaka ai duduono, de ai gogilaongo, de ai duduhunu yowoeholi ho hiadono o Filistina ma nyawa iwitaleana.

Dodadi 30:43

Ka ihikaika hokogea o Yakubu wodiai hiadono to una ai aewani duru itaiti idogo iwoe ho hiadono ika-ika una duru wokaya de ko manga ngoe ai nyawa abe iwiduhunu, de nagali ai keledai de ai unta kohangoe.

Sosawaro 10:22

Nako ngone o nyawa hiadono hokaya gea ma titi Ma Jou o Yawe ai hiowa ngoneino hiadono nanga kiahonanga ma ngoe gea duru houtumu. De nanga kaya gea nako duru Unangoka de aino ko iwa nanga toduba ma huha abe hamake genangino.

Matiusu 6:33

“Masara koaho ngini nia wowangoka de nihitihira de to Ma Jou dika ai mau de nimaribuutu la nianiiki to Una ai totiaiika. Ho nako ti ngini nia hininga hokogea ka hiadono Una niwihitihira, de gea Una ahao ka ihikaika winihidailako ti ngini nia perelu.”

1 Timotiusu 4:8

De igoungu nako nanga badanga, ka idadi homaribuutu la hiadono nanga buturungu idogo abe nanga roehe itotoomu, de genangino nanga utumu ma hohutulu hamake. De gea irahai, masara nanga utumu gea ma hohutulu dika hamake angamoi nanga badangoka dika ma utumu. Masara ka nenangohi ilamoko nanga utumu hamake nako homahiputurungu nanga ngongakuino la hiadono utuohi haniiki itiai to Una ai mau ngoneino. De genangino hamake nanga utumu iwoe. Abe utu ngaro nanga wowango o duniakahi naa ma hamakeoka nanga utumu. De ahao utuohi nanga utumu hamake daku o Horogaka.

1 Samuele 2:7

Ma Jou o Yawe wohiaturu la o nyawa utu yohuha o kiahonanga, De o nyawa utu wodiai la yokaya de o kiahonanga. Naga o nyawa abe Una wahitipokouku, Naga o nyawa utu abe wagorakiye.