Dodadi 11:7 - Ma Jou ai Demo-demo o Totobelohoka

⁷ De Ma Jou ka womatemohi wato, “Ho naa koaho Ngone haguti onanguku la manga demo hohikapusakoka la imakokohowonoka. Hokogea hodiai la manga demo idadi o demo ma ngoe imaketemomomoi, la ngaro yomakoketemo ma ko yomaketemangaratiiokaua.” Hokogea Ma Jou wotemo.

Dodadi 11:7 ပူးပေါင်းရင်းမြစ်များ

Dodadi 1:26

De Ma Jou wotemoli o wange ma butaanga gea wato, “Naa, Ngone hodiai o nyawa, de hahidadi la ona ngade-ngade hoka Ngoneoli. De ona ahao de manga kuahaka hiadono ka idadi yapareta o dunia ma aewani mata-mataika. Ho ngaro o nawoko mata-mata de o kia dika de ma womahoka o akeroka de o gahioka ma ka idadi yapareta. De o dunia ma amokika o totaleo de o aewani mata-mataika o nyawa manga kuahaka, ho ngaro o dofo eko o fuhuku, de ngaro ma ago-agomo eko ma hohumuduru, masara, mata-mataika o nyawa manga kuahaka.”

Dodadi 10:20

Ho naa ibooto ma titi o Haama ai totoforauku abe o kiaka manga tonaka amomoi de to ona manga demo amomoi de manga fam de manga dutu homoi-homoi.

Dodadi 10:32

Hokogea o Nuhi ai ngofa-ngofaka manga totoforauku manga ade-ade abe hokokia yolape-lapeuku de yodadi o dutu-dutu. Ho o nguihi ma amoko gea ibooto de o dutu-dutuino gea ahao naga o nyawa yahikokabarihi o dunia ma amokika.

Dodadi 10:5

De o Yafete ai totoforauku naga utu yomahikokabarihi o tonaka ma ngoeika abe naa yogogere o gahi ma date-datekoka. Ho naa ibooto ma titi o Yafete ai totoforauku abe o kiaka manga tonaka amomoi de to ona manga demo amomoi de manga fam de manga dutu homoi-homoi.

Dodadi 11:5

De Ma Jou o Yawe womatemo wato, “Kiani tagutiohi dau o duniauku la talega ona abe yokarajaanga naa. Ona naa yodiai manga kota de manga tau ma gurutiye kiani tamakeohi. Abeika, ona naa duru yodadi o doomu moioka dika de mata-mataika manga demo ka moi. De naa duru ihititi ma rupa ma ngoe abe ahao ato yodiai. Ho ko itedekanokaua de ngaro o kia dika onangoka ato yodiai, ma gea ka yodiai dika angamoi to ona manga demo ka moi dika.”

Dodadi 3:22

De Ma Jou o Yawe wotemo wato, “Abeika, o nyawa naa ihiorikoka o kia ma owa de o kia ma dorou, ho ona yodadioka hoka Ngoneoli, de ufa hiadono yomadofioli o wowango ma gota ma hofoko de yaolomo done manga wowango ko ihonengua.”

Dodadi 42:23

Hokogea yomakoketemo o Yusupu ai himangoka angamoi ona ato bote una o Mesiiri ma nyawa ho ko wohiorikua to ona manga demo. De angamoi naga o Yusupu ai duduhunu womatengo abe to Yusupu ai demo wadofanga ai ria-riakika. De to onangoo manga demo waturuuru o Mesiiri manga demoika ma oraha wadofanga o Yusupika. Masara o Yusupu ka womangaratii ma oraha ai ria-riaka gea yomakoketemo.

Higiriiri 2:4

Masara Una abe wogogere daku manga demoika gea wogiete, Una Ma Jou wogiete angamoi ai kuaha mata-mataika Ho ngaro manga hininga hokogea masara, wato ona ko kia-kiaua.

Higiriiri 33:10

De abe ona ko iwingaku-ngakua, Una o Yawe duru wahikapusaka to ona manga hidee, abe ngaro hokokia manga hininga masara Una ka wakunu wodiai la ko idadiuali.

Huhupu 4:11

De Ma Jou o Yawe wihitararono unangika wato, “Musa, naa tonileha, onaguna yodiai o nyawa manga uru mata-mataika? De onaguna yodiai o nyawa utu yatopongono de o nyawa utu yomou? De onaguna yodiai la o nyawa utu yomahioriki de utu yorafioka? De gea ngona nato ko Ngohiua? Gea Ngohi Ma Jou o Yawe dika ahi kuaha la hokogea todiai!

Yesaya 6:8

De ahao ngohi toihene nanga Baluhu idodutu woleha wato, “Onagona ka idadi Ngohi tohidingoto? De done onagona yodadi to Ngomi mia hidingoto ma nyawa la mia demo yatotaka?” De ai leleha gea toihene ho ngohi topaluhu tato, “Ngohi naga. Ka idadi Ngona nohihidingoto ngohi!”

1 Korintusu 14:23

Ho, abeika, nako o Gareja ma wangeoka de ngini mata-mata nimatoomuinoka de nikokitemo-temo ka ma moi de masara nia demo imaketemomomoi abe nia demo moioli gea, done sarakia? Abe nako naga yamuruono naga yoboa yogareja masara ona ko abiahauahi de o gareja gea, eko naga utuoli o gareja ma nyawa masara ko iwa manga tobahioriki ma titi ma hiakunu gea Ma Jouoka de aino, de ona yowohamino ma garejaino, ona gea ka de yoihene nia demo mata-mata abe imaketemomomoi gea de bote yotemo ato, “Adoo, o nyawa nenangoka mata-mata de duru marai yakokitogohangoka!” Marai hokogea manga demo. De gea itaana abe ma hiakunu gea ho koaho ngaro ufa de hapake nanga doomu ma goronaka.