Dodadi 11:4 - Ma Jou ai Demo-demo o Totobelohoka

⁴ Hokogea manga hidee de hokogea yodiai. De ahao yomakoketemoli ato, “Abeika, koaho howoe homatoomuino de nanga tau homadiai hiadono nanga kota idadi. De irahai moi ma tau hodiai duru kohagurutiye hiadono imahitigi-tigiye o dihangiye. Abe nako hokogea homadiai de ka ihikaika o nyawa mata-mataika inahioriki hiadono inahigiriiri ma titi nanga tau gea abe kohagurutiye! De ngone gea ahao duru homaketerimoi abe homatoomuino dika la ufa hiadono ngone homahikokabarihika o dunia ma amokika.”

Dodadi 11:4 ပူးပေါင်းရင်းမြစ်များ

Dodadi 6:4

De ona abe yahiromanga Ma Jou ai ngofa-ngofaka ahao yomakitigi de manga fekata abe yomangirikoka onagonaino dika iti yorahai, de to onangoo manga ngofa-ngofaka yomamake. De ma oraha to ona manga ngofaka gea yobalu-baluhiyeoka de duru ko yohawa-hawanua hiadono o nyawa utu yahiade-ade yahikurutiye ma titi duru yonauru ho duru yotomoroini. De ona gea yahiromangoli o Nefilimi ma nyawa. De ngaro o nguihi ipahaka ma naga o nyawa utuoli abe ahao onangoo yahiromanga o Nefilimi ma nyawa.

2 Samuele 8:13

De ipahaino de o Dautu de ai tentara ona yoiki o Tonaka ma Magahi ma Dola la yomaketeparangi de o Edomo ma nyawa genangoka. De manga parangi ma gogiriaka de o Dautu de ai nyawa yahohonenge o Edomo ma nyawa yasana ngimoi de tufange manga ngoe, ho o Dautu ai romanga idadi utuohi ilamoko o nyawa mata-mata manga hiningaka.

Higiriiri 107:26

Ho imaketero de o gahi ma lulu ihitaili imagorakiye o dihangiye, De ahao iuti-uti dau o gahi ma goronauku, de ona o kapaka yokangela, Manga domoroini ihihangoka de yalufungoka de manga hawana ma dorou.

Sosawaro 10:7

Ngone o nyawa duru hosanangi ma oraha hahininga onangika abe ma dihira to ona manga wowangoka yao ma totiaiika. Masara o nyawa abe ma dihira ka yowangohi de manga datoro ka ihikaika itorou ka de hahininga onangika de nanga hiningaka manga romanga ikorofuoka.

Lukasa 1:51

Abeika hokokia o nyawa wahiaturu de ai buturungu! Ona yomasade-sade wahikabarihoka de ai kuaha, De wohiwedere manga hidee itotorou.

Yohanese 5:44

Ngini naa duru nisanangi nimakokogorakiye angamoi o nyawaino dika manga higiriiri nimalingiri. Masara ko nimalingirua o higiriiri ma gou-goungu Unangino gea abe Una dika Ma Jou. Ho nako hokogea ti ngini nia hininga, done sarakia de ka idadi nihingaku Ngohi naa?”

Higalioli 1:28

Ho done hokokia ahao idadi ngoneino? Angamoi nanga gogianongoru abe yatobatailako gea manga demoino de ihihihanga nanga domoroini. Abe ona yoade-ade ma titi ma nyawa duru ko manga ngoe ma tonakoka gea de hongoli nako ona de ngone masara ka onangohi manga badanga ma gogurutiye. De nagali to ona manga kota ma ago-agomo abe homoi-homoi de ma dadaduhu duru ikokurutiyeholi, hiadono ngade-ngade ma dadaduhu gea imahiadono daku ma dihangiye! De nanga gogianongoru inahingahuoo ato o Anaka ai totoforauku naga ma tonakoka gea, de ona manga badanga duru ilago-agomo!’

Higalioli 4:27

Abe Una ahao duru winihikabarihi o tonaka ma ngoeika la kiani ngini nimadioniki dika o homoa ma nyawa-nyawaka, de gea ngini nia ngoe nihutuloka ma tona-tonakoka gea.