Dodadi 10:6 - Ma Jou ai Demo-demo o Totobelohoka

⁶ De o Haama ai ngofa-ngofakuku de ai totoforauku hokonaa manga romanga: o Kusi, o Mesiiri, o Puutu, de o Kanani.

Dodadi 10:6 ပူးပေါင်းရင်းမြစ်များ

Dodadi 10:5

De o Yafete ai totoforauku naga utu yomahikokabarihi o tonaka ma ngoeika abe naa yogogere o gahi ma date-datekoka. Ho naa ibooto ma titi o Yafete ai totoforauku abe o kiaka manga tonaka amomoi de to ona manga demo amomoi de manga fam de manga dutu homoi-homoi.

Dodadi 2:13

De o akere ma jaga moioli o Gihono ma romanga, de gea ena abe ihahuru ijiko-jiko o Kusi ma tonakika.

Dodadi 5:32

De o Nuhi ai ngumuru adonokau ai taongo o ratuhu motoa de ahao wamake ai ngofa-ngofaka o Seeme, de o Haama, de o Yafete.

Dodadi 9:18

O Nuhi ai ngofa-ngofaka abe youti o kapaino ka ma moi de manga baba, yahange dika de manga romanga o Seeme, o Haama, de o Yafete. Ho o dunia ma nyawa mata-mataika yomaboa o Nuhi ai ngofa-ngofakino ngaro o dunia ma amokika o nyawa yomahikokabarihika ma, yahangeino gea to ona manga tofora mata-mata. De o Haama to una ai ngofaka womatengo ai romanga o Kanani ho o Kanani ma nyawa manga tofora o Haama.

Dodadi 9:22

De ahao o Kanani ai baba o Haama wowohama o Nuhi ai tau ma goronaika de wimake ai baba ka ai bululunoka. Ho ka de wohupuino de wihiade-ade ai ria-riakika.

Higiriiri 105:23

De ahao adonoka ma oraha o Yusupu ai baba o Isiraele de ona ai tauoka yokokiboa, To una ai romanga hinooto abe ma dihira iwihiromanga o Yakubu, De naa unangoo wogogere hoka o homoaino ma nyawa o Haama ai tonakoka. Abe ma dihira o Nuhi ai ngofaka o Haama ai gogere o Mesiiri ma tonakoka.

Higiriiri 105:27

La ona yahinooto ihitunguu de Ma Jou ai heheranga o Mesiiri ma nyawaika, Hiadono o heheranga ma ngoe yamake o Haama ai tonakoka gea.

Higiriiri 106:22

Igoungu, duru o nyawa yatomomonoka de manga heranga genangika, Abe Ma Jou wodiai o Haama ai tonakoka, de ka utuohi wodiai, Abe o Bongo-bongo ma gahino yoboa de yatomomonokali ai heherangika, Angamoi Una wotobadiai abe o nyawa duru ko yakunua yodiai hokogea.

Yesaya 11:11

De ma oraha gea de nanga Baluhu idodutu ahao watoomuinoli ai nyawa manga hou, abe naa ma hinooto ibooto ai nyawa watoomuino. De gea ai nyawa wale de wahigilio o tonaka iwoe-woeino. Abe utu o Asuroka de nagali o Mesiiri ma tonakoka, de utu o Patorosoka, o Etiopia ma tonakoka, o Elamoka, o Babeloka, o Hamatoka, de o nuuhu utuino abe imanoa kohagurutika.