Dodadi 10:2 - Ma Jou ai Demo-demo o Totobelohoka

² O Yafete ai ngofa-ngofakuku de ai totoforauku hokonaa manga romanga: o Gomere, o Magogo, o Madai, o Yawana, o Tubala, o Meseke, de o Tirasa.

Dodadi 10:2 ပူးပေါင်းရင်းမြစ်များ

Dodadi 10:1

O nguihi ipahaika de o Nuhi ai ngofa-ngofaka o Seeme, de o Haama, de o Yafete, onangoo ahao manga ngofa-ngofaka yamake. Ho naa o Seeme, o Haama, de o Yafete manga totoforauku manga ade-ade ma titi hokokia yolape-lapeuku.

Dodadi 10:21

De o Yafete ai riaka o Seeme unangoo naga ai ngofa-ngofakuku, de ai kuwewete womatengo ai romanga o Ebere. De o Ebere una gea wodadi o Ibarani ma nyawa mata-mataika manga tofora.

Dodadi 9:27

De ahao o Yafete unangoo ai baba wigahoko wato, “O Yafete de to una ai totoforauku manga tonaka Ma Jou wohiwoata, De hiadono ona de o Seeme ai totoforauku yomakuduhunu, De to onangoo manga huhuloko o Kanani ma nyawa, Abe manga huhuloko o Haama ai totoforauku gea.” Hokogea o Nuhi ai ngofa-ngofaka wagahoko Ma Jouiye.

2 Kokoano 17:6

De ma bahaika o Samaria ma nyawa wahikala de gea yadaene o Hosea ai taongo hiwo ibooto abe wahikoano o Isiraele ma nyawa. De gea o Hosea iwibuiokahi ho ai kuaha iwederoka de o Isiraele ma nyawa manga ngoe o Samanesere wataoko de wao to una ai tonakika. De o Asuru ma tonakoka wahigogere de manga doomu ma ngoe abe manga ngi homoi-homoiika ai tonaka ma honongaka abe ihiromanga o Halaha ma tonaka. De utu o Isiraele ma nyawa wao ai tonaka ma honongali ma romanga o Gosana de wahigogere o Haboro ma akere ma ngigoroka. De o Isiraele ma nyawa utu wao ka hiadono o Madai ma nyawa manga tonakika de wahigogere to ona manga kota-kota ma goronaka.

Himatoko 20:8

De gea ihupuoka de iloiki o dunia ma amokika la ato o nyawa mata-mata yabudi de yatoomuino la gea ona mata-mata yomakokuduhunu iwiparangi Ma Jouika. De ona abe o Ibilihi ma haeke yabudi de yatoomuino, o nyawa gea o doomu hinootoino abe yahiromanga onangika ato o Gogu de o Magogu ma nyawa, de ona gea duru ko manga ngoe abe gea yomaketero hoka o dowongi ma mui ma ngoe o gahi ma ngigorino.