Dodadi 10:15 - Ma Jou ai Demo-demo o Totobelohoka

¹⁵ De o Haama ai ngofaka o Kanani ahao to unangoo ai ngofaka o riaka o Sidono de ai ngofaka o dodoto o Hete.

Dodadi 10:15 ပူးပေါင်းရင်းမြစ်များ

Dodadi 23:3

Gea o Abarahaama womigari ibooto de ahao womaokoiyeoka ami honenge ma datekoka de ahao wohupu woiki watutumu o Hete ma nyawaika abe yomatoomuinoka o kota ma ngoranoka la ka idadi wotemo onangika.

Dodadi 24:3

De kiani notemo de Ma Jou o Yawe ai romanga napake, abe Una o dunia de o Horoga mata-mataika wapareta. Abe kiani nohihibehehongo ngohino ahao ahi ngofaka o Isaka kiani nilingiri ngoi fekata. De ngaro ngone hogogere o Kanani ma tonakoka ma, ko idadiua o Kanani ma nyawaino nilingiri ngoi fekata.

Dodadi 49:13

O Sebulono de ai totoforauku manga tonaka o gahi ma ngigorino, De ka ihikaika ona yotobanganono o kapaika ma oraha iboa, De naga o kota o Sidono abe ma leleotiha itobatapu o kapa, Manga tonaka ma batingi ngade-ngade imahiadono o Sidonika.

2 Samuele 11:3

De o Dautu wihidingoto ai gilaongo womatengo la woiki woleha-leha o nyawaika abe muna gea o ngo kia. De una wolio o Dautika de wotemo, wato, “Marai muna gea o ngo Baseba abe ami baba o Eliama de ami rokata o Uria de una gea o Hete ma nyawa abe wodadi to ngone nanga tentara.”

Huhupu 3:8

Mangale gea, Ngohi o Horogaka de tauku touti la ona gea tahihupu o Mesiiri ma nyawa manga kuahaino. De ona tahihupuoka o Mesiirino de ahao Ngohi tao o tonaka moiikali abe duru ilamoko de ma joro duru ikutufuru genangoka. Ho manga inomo duru kohangoe ma tonakoka gea abe tahigogere genangoka. Naga o nyawa utu yogogere o tonakoka gea manga romanga o Kanani ma nyawa, de o Hete ma nyawa, de o Amori ma nyawa, de o Ferisi ma nyawa, de o Hewi ma nyawa, de o Yebusi ma nyawa.

Huhupu 34:11

De gea ti ngini nia tagongo kiani nihihingounu Ngohino de nianiiki ahi behehongo mata-mataika abe tinihidoaka o wange naa. Abeika ahi duduhunu nginika, Ngohi ahao tahihupu ona mata-mata abe yogogere ma tonakoka gea abe Ngohi tinihidoaka. Ho ngaro o Amori ma nyawa, de o Kanani ma nyawa, de o Hete ma nyawa, de o Ferisi ma nyawa, de o Hewi ma nyawa, de o Yebusi ma nyawa ona mata-mataika ahao Ngohi tahihupu ma tonakino gea.

Yosua 11:8

De gea Ma Jou o Yawe wahidoaka manga musu o Isiraele ma nyawa manga giamika, ho ona gea yoara dika masara ka yanii-niiki de yahohonenge onangika. Abe yanii-niiki o wange ma hiwarika ka hiadono o Misirefoto-maimi, de o Sidono ma Amokika de o Misipa ma dolaika. De ma bahauku de manga musu duru ko moiokaua abe ka yowangohi, ona mata-mata yokokihonengoka.

1 Samuele 26:6

De o Dautu womalega o Saulu ai ngingiduika de ahao waleha ai nyawa yahinooto abe yomakiniiki de una. Abe ona yahinooto gea naga o Ahimeleke abe o Hete ma nyawa de nagali o Abisai abe una o ngo Seruya ami ngofaka de o Yoaba ai dodoto. Ho o Dautu waleha ona yahinootoika wato, “Onagona yosanangi dika ihiniiki la homakutuono hangohama manga dodogumu ma ngi gea ma goronaika?” De gea o Abisai wipaluhu unangika wato, “Ngohi ka tomodeke toniniiki dokaika.”