Dodadi 10:1 - Ma Jou ai Demo-demo o Totobelohoka

¹ O nguihi ipahaika de o Nuhi ai ngofa-ngofaka o Seeme, de o Haama, de o Yafete, onangoo ahao manga ngofa-ngofaka yamake. Ho naa o Seeme, o Haama, de o Yafete manga totoforauku manga ade-ade ma titi hokokia yolape-lapeuku.

Dodadi 10:1 ပူးပေါင်းရင်းမြစ်များ

Dodadi 10:2

O Yafete ai ngofa-ngofakuku de ai totoforauku hokonaa manga romanga: o Gomere, o Magogo, o Madai, o Yawana, o Tubala, o Meseke, de o Tirasa.

Dodadi 2:4

De abe ma oraha Ma Jou o Yawe wotulaada o dunia de o dihanga mata-mataika de ko kia-kiauahi iwangoiye o tonakino. De hokogea ko iwahi mangale Ma Jou ko wohigutiuahi o awana de ko watulaadauahi o nyawa abe ahao yomakarajaanga o tonakoka gea.

Dodadi 5:1

Naa o Adama de ai totoforauku manga ade-ade ihitulihukuoka o bukuoka abe ma titi hokokia yolape-lapeuku. Ma dodihiraka abe ma oraha Ma Jou o nyawa watulaada ona ngade-ngade hoka Unangoli.

Dodadi 5:32

De o Nuhi ai ngumuru adonokau ai taongo o ratuhu motoa de ahao wamake ai ngofa-ngofaka o Seeme, de o Haama, de o Yafete.

Dodadi 6:9

Hokonaa o Nuhi ai ade-ade. Una gea ai hininga irahai, abe ma oraha gea nako o nyawa mata-mataika yomakokutuono de o Nuhi ka unangohi ai wowango ma datoro itiai hiadono ko moiua ka idadi iwitae iwihitaana. De o Nuhi gea ka ihikaika yomaketedodiawo una de Ma Jou.

Dodadi 9:1

De ahao Ma Jou wahiowa o Nuhi de ai ngofa-ngofaka abe wahibehehongo onangika wato, “Ngohi toigo la ngini naa ningofa-ngofakuku de nidano-danonguku la nidogo-dogo hiadono duru niwoe o dunia ma amokika.

Dodadi 9:29

Ho ai wowango ma dekana o duniaka ai taongo o ratuhu hiwo de moritoa de ahao wohonenge o Nuhi.

Dodadi 9:7

Abe to Ngohi ahi mau nginika la gea ningofa-ngofakuku de nidano-danonguku la nidogo-dogo o dunia ma amokika. Ho kiani nifaa-faatuku o dunia ma lokuoka la hiadono niwoe.” Hokogea Ma Jou wihibehehongo o Nuhika.

Matiusu 1:1

Ahi gogianongoru, ahi demoino naa de tinihingahu nginika ma titi o Yesusu Kristusu ai totofora. Abe Una to Dautu nanga koano ma dihiraino ai toforauku, de ngaro o Abarahaama abe una gea nanga tofora duru ma dodihiraka, masara o Yesusu Unangoo to Abarahaama ai toforauku. De ma dodihirainohi de Ma Jou wonahibehehongoka ngoneino wato wohidingoto nanga Koano ngoneuku, de naa ma duru de wihidingotoka o Yesusu la wodadi nanga Koano gea. Ho naa tinihingahu ma titi to Una ai totofora la ngini duru nihioriki abe Una to Abarahaama de to Dautu manga toforauku idodutu.