Dodadi 1:6 - Ma Jou ai Demo-demo o Totobelohoka

^6-7 De ahao Ma Jou womatemoli wato, “Ngohi toigo la o akere ma ngooto naa idadioka o regu hinooto abe imakitingaka la ma hidogoronaka naga ma hoana.” Hokogea Ma Jou waregu la o ngooto ma akere ma regu moi atumungu daku ma hoana ma lokuiye de ma akere ma regu moioli gea dau ma hoana ma timiuku. Hokogea wotemo de hokogea idadi.

Dodadi 1:6 ပူးပေါင်းရင်းမြစ်များ

Dodadi 1:14

De ahao o wange ma iatokali Ma Jou womatemoli wato, “Ngohi toigo la naga ma kiahonanga igogere daku o dihangoka abe ihitararonuku o duniauku la ihikatingaka o fufutu de ma dawange, de ena gea ihiaturu o wange de o taongo abe to ena ma hoana ma dekana. De gea ena o dihangoka ahao ihitunguu o popariamiye, de mata-mata abe de ma orahoka abe ena gea o dihangoka ihitunguu ma gahe. De Ngohi toigo la ena gea ihitararonuku o duniauku la ngaro o wange-wangeoka eko o futu-futuoka ma naga ma dararono.” Hokogea Ma Jou wotemo de hokogea idadi.

Dodadi 1:20

De ahao o wange ma motoakali Ma Jou womatemoli wato, “Ngohi toigo la naga iwango o akeroka de o gahioka ena de ma rupa ma ngoe la igogere genangoka. De toigo la naga o totaleo ma rupa ma ngoe ihoo-hoho daku o dunia ma lokuino.”

Higiriiri 104:2

De o dararonino abe duru kohamodararono nohidadi ani baju ma guru-gurutuku. De o dihanga de ma muru-murumu nohiwoata imaketero abe hoka o tau o ngoerino hohiwoatika, Hokogenangoli nomahidiai to Ngona ani gogere daku duru kohagurutiye.

Higiriiri 19:1

Ma dihanga mata-mata inahingahu ma titi Ma Jou ai medebini ma dararono, de daku ma hoanino hamake ai giama ma hasili.

Higiriiri 19:2

O wange-wangeiye gea mata-mata inatemo-temo, O futu-futuiye yoade-ade ma titi Una Wokokurutiye.

Higiriiri 33:6

Mangale ma titi Ma Jou o Yawe ai uru ma demo dika de ma dihanga imadadi, o demo moi dika ipaata ai uruino de o murumu mata-mata watulaada.

Higiriiri 33:9

Angamoi Una gea ka wotemo dika de idadioka, ma titi ai huhuloko ma demo dika de ka itodokanino naga abe hoka wahulo-hulokoka.

Yesaya 40:22

De ai demoino de itararonoka gea Ma Jou abe wogogere ai kaderaka o dunia ma lokuiye la wohipareta mata-mataika. De ngone o nyawa naa o dunia ma lokuino Una wonalegauku de ngone homaketero o kabotara ma hohumuduru! De Una gea abe ka wakunu ma dihanga wataurika la idadi hoka to Una ai tau ma dadaduhu o ngoerino.

Yeremia 51:15

Ma Jou o Yawe, Una gea abe wotobatulaada o dunia naa de to Una ma hirete ai kuaha. De to Una ai sosawaroino hiadono o dunia naa wohidadi. Ngaro ma dihanga mata-mataika masara Una wakelenga daku ma titi to Una ai tobahiorikino.

2 Peturusu 3:5

Masara abe ona yomia-mia Ma Jou ai demoika de gea duru yangofuoka ma gurutika, de gea ma titi naga moi atamunuku manga hiningaka angamoi ona ato borotaua de yafikiri genangika. De gea ma titi abe hokokia ma amoko Ma Jou ai demo ma kuaha wonahimatokoka ma dodihiraino. Angamoi ngone hohiorikoka abe duru ma deka-dekanuku abe Ma Jou wohidadi o dunia naa de ma dihangoo, de gea wohidadi ma titi ai demoino dika ai uruoka de aino ihupu. De ma dunia naa wahuloko la o ngootoka de aiye ipuda, de ma ngooto gea wapake la ka idadi ma dunia ma rupa idadi.