Dodadi 1:4 - Ma Jou ai Demo-demo o Totobelohoka

⁴ De ma dawange gea Ma Jou wamake duru irahai de wosanangi enangika. De wohiaturu la o dawange naga de ma oraha, de ma fufutuoo enangoo de ma oraholi ho hokogea wohikatingaka o fufutu de o dawange.

Dodadi 1:4 ပူးပေါင်းရင်းမြစ်များ

Dodadi 1:10

Ka de o akere iowahoka de ahao o tonaka ma dudungu naga de Ma Jou wato, “Naa tohiromanga o dunia ma tonaka de ma ngooto abe itoomuinoka gea tohiromanga o gahi.” De mata-mata gea Ma Jou wamake duru irahai de wosanangi enangika.

Dodadi 1:12

Ho gea naga o tonakino iwangoiye ma rupa ma ngoe hoka o pine abe de ma hofokoka de nagali o joro, de o lubengana, de o gota irupa-rupa. De ena gea mata-mataika naga ma hofoko de ma muioka la ka idadi iwangoiyeoli de ma rupa imakadaene hoka ma ayoli. De mata-mata gea Ma Jou wamake duru irahai de wosanangi enangika.

Dodadi 1:18

Hokogea Ma Jou wotulaada ena abe de ma dararonoka la ihikaaturu o wange-wange de o futu-futu. De wohidadi la hiadono o wange ihitotararono ma wange-wangeoka, de o medeoli ihitotararono o futu-futuoka la ihikatingaka o futu de o wange. De mata-mata gea Ma Jou wamake duru irahai de wosanangi enangika.

Dodadi 1:25

Ho o aewani mata-mata abe Ma Jou wotulaada la iwango o duniaka naga imakokohowono abe o dofo, de o fuhuku, de abe imalia-liara o tonakoka. De mata-mata gea Ma Jou wamake duru irahai de wosanangi enangika.

Dodadi 1:31

De ai dulaada mata-mata Ma Jou wotulaadauku ibooto de wamake duru irahai de wosanangi enangika. De ahao naga o futu de ahao iboali o dawange de gea o wange ma butaanga ipahaika.

Tobadotoko 2:13

De tatailako ibooto de duru tohioriki abe nako o sosawaro de o bodo ma hininga masara koaho o sosawaro hatobanii-niiki nanga wowangoka. Abe gea ngade-ngade imakadaene hoka o dararono hohidotelega de o fufutu de hohioriki abe koaho hatobaniiki o dararono.