Dodadi 1:31 - Ma Jou ai Demo-demo o Totobelohoka

³¹ De ai dulaada mata-mata Ma Jou wotulaadauku ibooto de wamake duru irahai de wosanangi enangika. De ahao naga o futu de ahao iboali o dawange de gea o wange ma butaanga ipahaika.

Dodadi 1:31 ပူးပေါင်းရင်းမြစ်များ

Dodadi 1:13

Hokogenangohi aika wotulaada ho ahao naga o futu de ahao iboali o dawange de gea o wange ma hange ipahaika.

Dodadi 1:19

Hokogenangohi aika wotulaada ho ahao naga o futu de ahao iboali o dawange de gea o wange ma iata ipahaika.

Dodadi 1:23

Hokogenangohi aika wotulaada ho ahao naga o futu de ahao iboali o dawange de gea o wange ma motoa ipahaika.

Dodadi 1:5

De abe ma titi ma dawange gea Una wato, “Naa tohiromanga o wange-wange de ma fufutu gea tohiromanga o futu-futu.” Hokogenangohi aika wotulaada ho naga o futu de ahao iboa o dawange de gea duru o wange ma dodihiraka.

Dodadi 1:8

De abe ma hoana daku Ma Jou wato, “Naa tohiromanga o dihanga.” Hokogenangohi aika wotulaada ho ahao naga o futu de ahao iboali o dawange de gea o wange ma hinooto ipahaika.

Dodadi 2:2

De gea ma wange butaanga dika de wabootoka ai karajaanga wotulaada ho ahao o wange ma tumidi de Ma Jou womahiaini wotulaada angamoi wakokibootokau mata-mata abe wotulaada.

Dodadi 2:3

Ho mangale gea o wange ma tumidi Ma Jou wohiowa abe womadingakoka la o minggu-mingguiye o wange ma tumidi gea o nyawaoo yomahiaini manga karajaangino. De gea ma ade-ade abe hokokia ai dulaada mata-mata idadi.

Higiriiri 104:24

Ma Jou o Yawe duru nomihiheranga de ani dulaada mata-mataika, Abeika to Ngona ani sosawaro abe nomihimatoko ani dulaadaino. Abe o dunia naa duru aomanga de o aewani irupa-rupa abe Ngona notulaada,

Higiriiri 104:28

De ma oraha to ena ma inomo nohidoaka de ena atoomuino, De utu to ena ma inomo ani giamoka, de ka de Ngona napidili, De ma aewani gea yaolomo de duru yawedono to ena ma inomo.

Higiriiri 104:31

Ngaro Ma Jou o Yawe ai medebini ma dararono duru ilaku ka hiado-adonika! Ma Jou o Yawe duru womahidogarago de mata-mata abe Una wotulaadoka.

Huhupu 20:11

Ngohi o wange butaangaino totulaada o dunia de o dihanga de o gahi, de ngaro to ena ma dola mata-mataika, masara gea mata-mata o wange butaangaino dika de tabootoka totulaada. Ho de ma wange ma tumidi gea ko totulaadokaua ho ma wange gea Ngohi tohiowa de duru tomadingakoka Ngohino ho ma wangeoka gea ona yamake ma owa abe manga hiaini ihititi manga horomatioka Ngohino.”

Huhupu 31:17

Abe o wange gea idadioka o dodunguu Ngohino de nginikaoo abe ngini naa tomadingakoka Ngohino de o Hiaini ma wange ihitunguu abe ngini nidadioka to Ngohi ahi nyawa. Ho o Hiaini ma wange ma behehongo naa kiani ngini o Isiraele ai totoforauku nianiiki ka hiado-adonika.” “De angamoi Ngohi Ma Jou o Yawe totulaada o dunia de o dihanga mata-mataika de o wange butaanga dika de tabootoka. Ho de o wange tumidoka de gea Ngohi Ma Jou o Yawe ko tokarajaangokaua ho tomahiaini.” Hokogea Ma Jou ai hingahu ma demo ma baha o Musaika.

Sosawaro 16:4

Ma Jou o Yawe wohikokiaturu mata-mataika la ma bahaika de to ena ma dumutu itaana. Ho ngaro ona abe manga datorino de yotobadiai o dorou, masara wahiaturu ona la ahao manga baha adonoka de manga bodito yadaene onanguku.

Tobadotoko 3:11

De igoungu abe Ma Jou wohiaturu mata-mata la nako to ena ma oraha adonoka de duru idadi irahai. De nagali abe wonahidoaka ngone o nyawaino la hohioriki utu ai karajaanga de ai datoro abe ahao itongohono ka hiado-adonika. De masara ngaro naga nanga tobahioriki gea, ma duru ko idadiua hataoko mata-mata abe Una wonahideeoka wodiai nanga wowangoka naa ka hiadono nanga bahaika.

Higalioli 32:4

De nanga Jou Una hoka o lokuhakaru moi abe ai datorino de duru ko iwa ma howono, de to Una ai hidee mata-mata ka ma totiai dika. Ho duru ka idadi homahinganono nanga Jouika, angamoi duru ko ma iwa abe waputuhu ihowono masara watobagou-goungu de wotobatotiai dika.

1 Timotiusu 4:4

De mata-mataika abe Ma Jou wotulaadauku, gea irahai mata-mata. Ho ngaro o inomo o kia dika ma ufa gea haoluku, masara koaho gea hodafongo de hohitarimakase Ma Jouika.

1 Timotiusu 4:5

Angamoi ma inomo gea ka ma dodihirakahi de Ma Jou wonadingakoka ngoneino abe wato ngone ka idadi haolomo. Ho mangale ma titi Una wonadingakoka de ngone hohitarimakase hiadono ngone ka idadi ma inomo gea haolomo. Ho ngone naa ngaro ufa dika de hohigihene manga dodotokika gea.