Dodadi 1:29 - Ma Jou ai Demo-demo o Totobelohoka

²⁹ De Ma Jou ka wotemohi onangika wato, “Abeika ahi dodiawo, ti ngini nia inomo. Naa ena tinihidoaka nginika mata-mataika abe de ma hofokoka o dunia ma lokuoka, abe naga o joro irupa-rupa hoka o pine, de nagali o lubengana, de o joro utu hiadono o gota-gota ma hofoko abe de ma muioka la mata-mata gea idadi nia inomo.

Dodadi 1:29 ပူးပေါင်းရင်းမြစ်များ

Dodadi 2:16

De Ma Jou wihibehehongo o naurika abe wihiahoko o Adama, wato, “O gota ma hofoko mata-mataika o redioka naa ka idadi naolomo.

Dodadi 6:21

De ti ngini nia inomo de o aewani ma inomo irupa-rupa abe naga, gea natoomuino de ka ma moi nanoa o kapa ma goronaka.” Hokogea Ma Jou ai behehongo o Nuhika.

Dodadi 9:3

De mata-mata de ma wowangoka gea ahao naa enangoo tinihidoaka ho ka idadi ti ngini nia inomo. Abe hoka ma dodihiraka tinihidoakoka o kia dika iwangoiye o tonakino de ma hofokoka abe o joroino de o lubenganino la idadi gea ti ngini nia inomo. De naa tinihidoakoli o aewani la ngaro o aewani ma roehe eko to ena ma hofoko abe o tonakino iwangoiye ma, ena mata-mataino idadi nia inomo.”

Higiriiri 24:1

O dunia naa de ma dola mata-mata, gea ma dutu Ma Jou o Yawe dika. De ai dulaada ka ma moi de ngone o nyawa mata-mata abe homanoa naanguku, duru mata-mataika idadioka to Una dika ai kuahaka.

Matiusu 6:11

De ngomi mimagahoko la Ngona o wange naa nomihidailako to ngomi mia inomo abe ka idadi imiwedono.

Hidingoto 14:17

De ngaro hokogea wahigunoa, masara duru ka ihikaika naga ai hohininga abe o nyawa mata-mata ka idadi yamake manga wowangoka. Abe hoka Una ka ihikaika winihidoaka o awana de o joro ma hasili nginika la ka idadi niamake nia inomo de nia hininga ma garago.”

Hidingoto 17:28

De ngohi ka idadi totemo abe Una ko wokurutikaua angamoi ngone homoi-homoi nanga wowango ma titi gea Unangoka de aino. De ngaro abe ngone ka idadi nanga badanga ma kiahonanga hohikelu-kelu masara enangoo ma titi Unangino dika. De nako ko Unangua, ngoneoo ko inaiwa, ho mata-mata abe naga ngoneoka gea ihititi ka Unangoka dika de aino.” “De ahi demo gea imakiniiki de ti ngini o Yunani ma nyawa nia gianongoru womatengo ai demoli. Abe ma dihiraino una gea wotemo wato, ‘Ngone mata-mata to Ma Jou ai ngofa-ngofaka.’

1 Timotiusu 4:3

De ona gea yadotoko o nyawaika ato ko idadiua o nyawa yoilaka de ko idadiua o inomo utu yaolomo. Masara ngone hingaku-ngakuoka Unangika de abe to Una ai gou-goungu hataoko itiai, ngone ka idadi ma inomo gea hohitarimakase Ma Jouika de haolomo dika. Angamoi ma inomo mata-mata Ma Jou watulaadauku.

1 Timotiusu 6:17

De nanga gogianongoruika abe duru de manga tiwioka o duniaka naa, onangika kiani ngona nahitiari. Nahitiari nato, “Ufa ngini nimasade de ufa nimahinganono nia tiwika. Angamoi ngone ko hohiorikua nako ka ihikaika naga de nanga tiwioka eko bote itebini dika de ihihangoka mata-mata. Ho ufa genangika nimahinganono, ma koaho Ma Jouika dika nimahinganono, angamoi Una duru wonahidailako mata-mata abe ngone hoperelu la howango hosanangi.” Hokogea ngona nahitiari onangika.