Dodadi 1:28 - Ma Jou ai Demo-demo o Totobelohoka

²⁸ De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”

Dodadi 1:28 ပူးပေါင်းရင်းမြစ်များ

Dodadi 1:22

Ho ai dulaadaika gea Ma Jou wohiowa wato, “Ngohi naa toigo la ngini abe niwango o akeroka de o gahioka nifaa-faatuku la nidogo-dogo nia ngoe. De nginioo o totaleo toigo la nifaa-faatuku hiadono ko nia ngoe nihoo-hoho o dunia ma lokuino.”

Dodadi 17:16

De Ngohi ahao tomihiakunu la muna de ami badangoka la gea Ngohi tonihidoaka ani ngofaka o nauru munangino. Hokogea o ngo Sara Ngohi tomihiowa la hiadono muna tomihidadi o kapongo ma ngoe manga meme. De ngaro o nyawa yomakokitingakika o nuuhu homoi-homoioka hiadono manga demo imalolihowono de manga gogeroo o tonaka ma ngoeoka, ma, yomeme munangika. De naga utu yodadi o kokoano abe ami totofora ahao yomaregu-regu hiadono o dutu homoi-homoiika de manga kokoanoka.” Hokogea Ma Jou ai behehongo abe ma titi o ngo Sarai.

Dodadi 17:20

De naa tonihingahu abe ma titi ani ngofaka o Isimaele. Abe ani gogahoko kangano tonigihenoka de igoungu ahao unangoo tihiowa abe tihidadi la ai ngofaka manga ngoe de ka ihikaika yowoe-woeuku. To una ai ngofa-ngofaka o nau-nauru yangimoi de yahinooto de ona yodadi o nyawa manga dutu homoi-homoiika. De yomahiromanga de o romanga moi dika ngaro manga dutu yangimoi de yahinooto o Isimaele ai totoforauku gea.

Dodadi 26:24

de o futu gea Ma Jou o Yawe womahimatoko o Isakika de wihingahu wato, “Ngohi Ma Jou abe ani baba o Abarahaama womahuba Ngohino ho tomahiromanga to Abarahaama to una ai Jou. Ho ngona ngaro ufa nohawana ngaro o kiaka dika naika angamoi Ngohi ka ihikaika toniniiki. De Ngohi ka ihikaika tonihiowa de ahao ani totoforauku tahidadi la yowoe-woeuku mangale ma titi tihohininga ahi gilaongo o Abarahaama.” Hokogea Ma Jou ai behehongo o Isakika.

Dodadi 33:5

De ahao o Esau womalega o ngo-ngofekaika de manga ngofa-ngofakika de wileha wato, “Ho ona abe ininiiki ngona naa onagona?” De o Yakubu wihingahu wato, “Naa abe ona Ma Jou ai doraka de aino wohihidoaka ani gilaongino ngohi naa.”

Dodadi 49:25

Ahi ngofaka ngaro Una gea ani totofora manga Jou abe woniduhunu, Ngaro Una Wokokurutiye gea ka ihikaika wonihiowa, Ani hiowa wohiboa o dihangino de o tonaka ma hakino, Winihiowa nia ngo-ngofekaino manga ngofaka ma ngiino, Hiadono manga ngofa-ngofaka ko manga ngoe yakokihuhu.

Dodadi 5:2

De ona gea watulaada o nauru de o ngofeka. Ho ka de yahinooto gea watulaada ibooto de ona wahiowa ho wahiromanga o nyawa.

Dodadi 6:1

Ka de uku de o nyawa yomulaenge yowoe yodogo-dogo de mata-mataika naga yomamake manga ngofa-ngofaka o nauru de o ngofeka.

Dodadi 8:17

De nohihupu mata-mata de ma wowangoka abe nimahidogogere moi o kapa ma goronaka ngaro o aewani eko o totaleo eko abe imalia-liara o tonakoka nohikokihupuoka. Mata-mata nohikokihupu la ka idadi ikokiwangoli o fara amomoiino la duru ifaa-faatuku o dunia ma lokuoka.” Hokogea Ma Jou ai behehongo o Nuhika.

Dodadi 9:1

De ahao Ma Jou wahiowa o Nuhi de ai ngofa-ngofaka abe wahibehehongo onangika wato, “Ngohi toigo la ngini naa ningofa-ngofakuku de nidano-danonguku la nidogo-dogo hiadono duru niwoe o dunia ma amokika.

Dodadi 9:7

Abe to Ngohi ahi mau nginika la gea ningofa-ngofakuku de nidano-danonguku la nidogo-dogo o dunia ma amokika. Ho kiani nifaa-faatuku o dunia ma lokuoka la hiadono niwoe.” Hokogea Ma Jou wihibehehongo o Nuhika.

Higiriiri 107:38

De ma titi Ma Jou duru wahiowa ma ngoe hiadono ona yofaa-faatuku, De manga hapi ma doduduonoo enangoo duru ifaa-faatuku ma ngoe.

Higiriiri 8:6

De ngaro hokogea ngomi, masara Ngona ani hiningaka nohiaturu la to ngomi mia gogere ngade-ngade hoka o malaekatoli manga gogere ma gurutiye, masara ka to onangohi hatoli ikurutiye ma hohutulu. De gea ngomi duru nomigorakiye hiadono ngomi o nyawa naga de mia horomatioka, de nagali mia medebini ma dararonoka,

Higiriiri 8:7

angamoi ani dulaada mata-mataika de gea nomihidoaka la idadi to ngomi dika mia kuahaka mata-mataika, de nomihitagongo la gea mata-mata to ngomi mia giamoka.

1 Timotiusu 4:3

De ona gea yadotoko o nyawaika ato ko idadiua o nyawa yoilaka de ko idadiua o inomo utu yaolomo. Masara ngone hingaku-ngakuoka Unangika de abe to Una ai gou-goungu hataoko itiai, ngone ka idadi ma inomo gea hohitarimakase Ma Jouika de haolomo dika. Angamoi ma inomo mata-mata Ma Jou watulaadauku.