Dodadi 1:27 - Ma Jou ai Demo-demo o Totobelohoka

²⁷ Hokogea ma titi Ma Jou watulaada o nyawa la ona ngade-ngade hoka Unangoli, de ona gea watulaada moi o nauru de moi o ngofeka.

Dodadi 1:27 ပူးပေါင်းရင်းမြစ်များ

Dodadi 2:18

Gea ibooto de ahao Ma Jou o Yawe womatemo wato, “Koaho o nauru naa ko womatengokaua, ho ngohi todiai ai dodiawo hoka unangoli la naga ai duduhunu.”

Dodadi 2:7

De ahao o wange ma butaanga de ipaha Ma Jou o Yawe o tonakino wihidadi o nyawa moi o nauru. De Ma Jou o nauru gea ai ngunungiye widuwuwu la gea wihiwango de to Una ai womaha, ho o nauru gea ka idadi wowomaha hiadono wowango.

Dodadi 9:6

Onagona dika abe o nyawa utu manga awunu yakopoa, To onangoo manga awunu kiani ahao o nyawa utuoli yakopoa, Mangale o nyawa ngade-ngade hoka Ngohi Ma Jouoli, De angamoi hokogea Ma Jou wahidadi o nyawa, Ho hiadono ko idadiua o nyawa niatoma.

Higiriiri 139:14

Ho tonihigiriiri angamoi nohidodiai nohitulaada ngohi, la gea Ngona nohihidadi irahai. Mata-mata gea Ngona nodiai, gea tohioriki duru irorahai mata-mataika.

Maleaki 2:15

De naa tinileha, ngini bote niato ko Ma Jouua abe winihidadi moi de nia fekata? Koua, duru Una gea abe winihidadi moi, abe nia badanginoo de nia womahinoo ma nidadi to Una. De gea to Una ai mau sarakia abe nginioka de aino? Gea woigo wamake o ngofa-ngofaka abe iwiniiki Unangika. Ho mangale ma titi gea hiadono ngini kiani nimagoana nia gogao nia fekatika abe ngini ka o goohi de niilaka munangika.

Matiusu 19:4

De o Yesusu wopaluhu wato, “Ho mode ngini ko niabasauahi Ma Jou ai Demo-demoino ma titi gea? Angamoi genangoka de ihitulihukuoka abe Una wotobatulaada ma dodihiraka de watulaada moi o nauru de moi o ngofeka.

Maruku 10:6

Abeika Ma Jou ai Demo-demo abe inahitararono hokokia duru ma dodihiraka abe ma oraha de watulaada o nyawa. Abe itemo ato, ‘Ma Jou watulaada moi o nauru de moi o ngofeka.’

Efesusu 2:10

Angamoi ngone naa to Ma Jou ai giama ma hasili, abe Una gea wonatulaada de gea wonahidoaka o wowango ma hungioli o Yesusu Kristusoka. De abe wonahihungi, hokogea wonadiai ngoneino angamoi to Una ai hininga la wato ka idadi ngone o datoro ma rorahai hodiai nanga wowangoka. Ho gea ma dodihirainohi de Una wonahideeoka wato kiani nanga wowango ma hungi gea hapake la ma datoro ma rorahai ngone hotobadiai.

Efesusu 4:24

De kiani o hininga ma hungioli nimahinoaukuoka la nia wowango ma datoro gea iwihisanangi Ma Jouika. Angamoi ngone wonatulaada la to ngone nanga hininga de to Una ai hininga ka homaketehiningamoi nanga hininga. Ho ngone kiani howango itiai la to Una ai himangoka ngone duru hotebini.

Higalioli 4:32

De ahao o Musa wahigaro ai gogianongoruika wato, “Abeika nitotoihene ahi higaro ma demoino naa. Angamoi ko ma moiuahi idadi ma datoro ma hohailoa de ma heheranga abe hoka idadi to ngone naa nanga hidogoronaka. Abe ngaro duru ma dodihiraka ma oraha Ma Jou watulaada o nyawa o duniaka naa ka hiadono ma oraha naa naga masara ko iwa ma ade-ade abe imakadaene de to ngone nanga ade-ade. De ngaro o kiaika dika holingiri o dunia ma amokika masara o nyawa utu ko yamakeua ma heheranga abe hoka ngone hamakeoka!

Kolose 1:15

De abe ma titi Ma Jou ai Ngofaka o Kristusu, Una gea ai rupa duru hoimoi de Ma Jou o Baba ai rupa. Ho ngaro Ma Jou duru ko idadiua de ngone himake de nanga lako, ma, o Kristusu wonahimatoko ngoneino Ma Jou ai rupa. De nako Ma Jou ai dulaada mata-mataika de ai dulaada gea hohidotelega de o Kristusu, ka o Kristusohi wokurutiye angamoi duru Una gea hoka Ma Jou ai dulaada ma riaka, abe ma titi Una nagau de ahao ma dulaada mata-mataika itoturuino wotulaada.

Kolose 1:26

Masara duru ma deka-dekanuku naa naga moi o dogogono abe Ma Jou wagogono o nyawaino la ufa ihioriki. Masara ma oraha naa de ahao Una wato ma dogogono gea wahimatoko to Una ai nyawaika.

Kolose 3:10

De nia hininga ma hirahi gea inihikatingaka ipaha de ahao o hininga ma hungioli Ma Jou winihinoaukuoka. De nia hininga ma hungi gea Una ka ihikaika waturuuru la hiadono utuohi imakiniiki de to Unangoli ai hininga abe winihidoaka nginika. De gea hiadono utuohi itararono niwihioriki to Una ai hininga.