Dodadi 1:12 - Ma Jou ai Demo-demo o Totobelohoka

¹² Ho gea naga o tonakino iwangoiye ma rupa ma ngoe hoka o pine abe de ma hofokoka de nagali o joro, de o lubengana, de o gota irupa-rupa. De ena gea mata-mataika naga ma hofoko de ma muioka la ka idadi iwangoiyeoli de ma rupa imakadaene hoka ma ayoli. De mata-mata gea Ma Jou wamake duru irahai de wosanangi enangika.

Dodadi 1:12 ပူးပေါင်းရင်းမြစ်များ

Dodadi 1:11

De ahao Ma Jou womatemoli wato, “Ngohi toigo la iwangoiye o tonakino irupa-rupa abe naga ma hoka de enangoo de ma hofokoka. Ho iwangoiye o tonakino o joro, de o lubengana, de o gota irupa-rupa, de enangoo ikokihofoko abe de ma muioka la ka idadi iwangoiyeoli de ma rupa imakadaene hoka ma ayoli.” Hokogea Ma Jou wotemo de hokogea idadi.

Dodadi 1:13

Hokogenangohi aika wotulaada ho ahao naga o futu de ahao iboali o dawange de gea o wange ma hange ipahaika.

Higiriiri 104:14

De Ngona Ma Jou o ruruubu nohiwango la o hapi ka idadi yaolomo. De naga nohiwangoiye o tonakino abe o nyawa ka idadi yopaliara, De manga datomino gea manga inomo yamake o dunia ma tonakino.

Maruku 4:28

Abe tanu ma tonaka ma hirete ihiwangoiye ma datomo la hiadono ikokihofoko. Ho ikokiwangoiyeoka, ipaha de ahao ikokilamokiye, de ipaha ahao ikokihofoko. Ikokihofoko ipaha de ahao ikokilomukoka.

Lukasa 6:44

Angamoi ngone hohioriki nako o gota, gea ka idadi homalega to ena ma hofokika de hohiorikoka gea ma gota ma rupa hokokia. Abe nako ngini nioigo niatofi o angguru ma hofoko, gea ko o take ma datominoua niamake. De nako nioigo o lukama ma hofoko, gea ufa o ngabau ma datomika niloiki.”

2 Korintusu 9:10

De naa moi tinileha nginika. Abe nako wotobaredi abe ai gihiihi wodatomuku de genangino ahao idadi o nyawa manga inomo, gea ma gihiihi o kiaka de aino iboa? De gea iboa Ma Jouoka dika de aino wonahidoaka. De Unangoo abe wonahidoaka o gihiihi de wohiwangoiye de wohilomuku hiadono idadi o inomo, Una gea abe winihidailako nginika. Ho imaketero abe hoka Ma Jou ka idadi wohilamoko ma gihiihi hiadono idadi iwoe la winihidailako nia perelu, hokogenangoo Una ka idadi wohilamoko ti ngini nia datoro ma rorahai gea. Abe ma titi ti ngini nia dora ma hidoaka abe niato niahidoaka o nyawaika, enangoo Una ka idadi wohilamoko hiadono ma hasili duru kohaamoko.

Galatia 6:7

De ufa hiadono ngone homaabudi la hato nanga datoro ka idadi hagogono la ufa wamake Ma Jou, angamoi Una gea duru ko idadiua iwibudi-budi. De abe nako nanga bibiti o kia dika hodatomo, ahao ena gea ma hofoko hamake, de ko utuinoua ma hofoko hamake.

Ibarani 6:7

De gea ka idadi tohiketero de o redi ma tonaka abe ena gea imatobamake o awana ma rorahai ho ma akere yahiihi ma tonakuku. Abe nako ma tonaka gea ka ihikaika ihiferoiye hiadono ihofoko ma joro ma rorahai abe ma tonaka ma dutu wosanangi wamake, de gea ma tonaka ahao Ma Jou wohiowa enangika.