3 Yohanese 1:7 - Ma Jou ai Demo-demo o Totobelohoka

⁷ De ona gea yotagi-tagi ma titi o Kristusu ai romanga de ai ade-adeoo yahingahu-ngahu o nyawaika, ho duru ko iwa manga nganganono abe ahao yamake o duduhunu onangino abe ko iwahi manga ngongaku Unangika.

3 Yohanese 1:7 ပူးပေါင်းရင်းမြစ်များ

Yohanese 15:21

Hokogea yodiai nginika angamoi nihingakuoka ho ahi romanga niapake. De ona gea inahikangela ma titi ko iwihiorikua Ma Jou o Baba abe gea Una wohihidingoto Ngohi naa.”

Hidingoto 20:33

De o Paulusu wohibobaha ai demo onangika abe wato, “De ngohi naa ma dihirainohi de duru ko tohafinua o nyawa manga tiwi eko manga baju ma rorahaiika.

Hidingoto 20:35

De ngohi ka ihikaika ahi wowangoino de tinihimatoko nginika abe hokokia ka idadi o hu-huha ma nyawa haduhunu ma titi nanga karajaangino, la ngini ka idadi nimaaduru hoka ngohioli ahi karajaanga ma dubuho. De irahai ngini nimahihohininga abe ma titi nanga Baluhu idodutu o Yesusu ai demo. Abe Una ma dihiraino wato, ‘Nako o nyawa abe yahidoa-doaka de abe yodafo-dafongo, ka onagonahi de manga hininga duru isosanangi? De gea o nyawa yahidoa-doaka yososanangi, angamoi ona gea ahao manga hiowa ilamoko yamake Ma Jouino!’ Hokogea nanga Baluhu ai demo abe ngone kiani ka ihikaika hanii-niiki enangika!” De hokogea o Paulusu wohibobaha ai demo o Efesusu ma gareja ma hihiraika.

Hidingoto 5:41

Ho o hidingoto ma nyawa yosobo ma hihira manga doomuoka de aino de manga hininga duru aomangoka de o garago, angamoi yomatemo ato, “Ngomi naa imihikangela ma titi o Yesusu ai romanga mianii-niiki, ho bote gea imipoha-poha ma titi Ma Jou duru womisanangi ngomino!” Hokogea manga garago ma titi abe manga hiningaka.

Hidingoto 8:4

De ona iwingaku-ngakuoka abe yomahikabarihika ona yotagi-tagi de yahingahu-ngahu o Abari ma Rorahai o nyawaika.

Hidingoto 9:16

De Ngohi ahao tihimatoko abe hokokia kiani iwihikangela unangika abe ma titi wohinii-niiki Ngohi.”

1 Korintusu 9:18

Ho ma utumu done o kia tamake ahi karajaangino? Ma oraha ngohi tahingahu-ngahu o nyawaika ma gea o Abari ma Rorahai tahidoaka dika onangika ngaro ona ko kia-kiaua ihihidoaka ngohino, de gea ena abe taetongo ahi utumu ahi karajaangino. Ho ngaro ufa de ngohi tomagahoko ahi hewa ahi karajaangino, angamoi ahi utumu naga tamakeokau. De hokogea tomaputuhoka tato ahi kuaha ko tapakeua abe tanu ka idadi ahi hewa gea tomagahoko nginino, ma hokogenangua todiai. Ho ngohi naa ahi hiningaka de duru tamao abe kiani o Abari ma Rorahai tahingahu-ngahu o nyawaika.

2 Korintusu 12:13

De ahi datoro nginioka ka imakadaene dika de ahi datoro abe todiai o gareja ma doomu utuokali manga hidogoronaka, ho done niato ahi howono o kia naga abe tahowono nginika? Masara igoungu, marai naga moi dika ma kuranga abe ko todiaiua nginioka. De gea ko tinihitubuhoua abe ma titi ahi wowango ma perelu ko togahokua nginika. Ho nako ena gea ngini nihiromanga niato ahi howono nginika, ma oraha naa dika de tomahilooa la ngini nihiapongo ma titi ahi howono gea.

Filiipi 2:9

De mangale ma titi Una duru womahitipokouku hokogea ho hiadono Ma Jou duru wigorakiye, abe wihidadi o Yesusu la ngaro mata-mataika, ma, ka o Yesusohi duru wokokurutiye.

Kolose 1:24

De naa ngohi togarago angamoi ngaro ngohioka o kangela kiani tomamao, gea ko kia-kiaua, iti ngini ka idadi niamake ma utumu ahi kangelaino gea. Abe o kokangela ma oraha naa tamao ahi roehoka, gea tohioriki o Kristusu wohideeoka la o kangela ma ngoe ngohi taohana la genangino o gareja ma nyawa yamake ma utumu. Masara abe ma titi ahi kokangela naa, gea tohioriki ko ibootuahi, masara nagahi abe o Kristusu wohideeoka la ngohi tamao ahi badangoka. Ho ma kangela naa abe kiani tangodumokahi la o Kristusu ai badanga abe ai nyawa, ona gea ka taduhunohi.

3 Yohanese 1:8

Ho gea ngohi tato ngone abe hingaku-ngakuoka kiani ngone haduhunu onangika gea yoiki yahingahu-ngahu, la hiadono ngone mata-mata homakokuduhunu hiadono ma dodotoko ma gou-goungu utuohi ihikabarihi o nyawa yowoe-woeika.

Himatoko 2:3

De Ngohi tinihioriki abe ngini naga de nia dongohonoka, angamoi inihikangela nginika ma titi Ngohi, masara ngini ko nirehenua nia ngongakuino.