2 Yohanese 1:3 - Ma Jou ai Demo-demo o Totobelohoka

³ De naa ngohi tonaniata Unangiye de duru tohioriki de tonganono abe ahao Ma Jou o Baba de o Yesusu Kristusu, abe Ma Jou o Baba ai Ngofaka, Una ahao wopaluhu ahi niniata ma demo hiadono wonahiowa ngoneino, de Una wonaao de ai hininga ma dora ngoneino, de wonahidoakoo to Una ai hininga ma miriidi. De tonganono abe ma owa gea mata-mata ahao wonahidoaka ngoneino, de gea ma titi abe ma dodotoko ma gou-goungu haniikoka de abe homakodora ngone de nanga gogianongoru.

2 Yohanese 1:3 ပူးပေါင်းရင်းမြစ်များ

Roma 1:7

Ho igoungu ngini naa Ma Jou duru winidora nginika, de Unangoo winiahoko Unangino, de hiadono nginioo nidadioka to Una ma hirete ai nyawa! Ho naa ahi hurata ma goronaka de ngohi ahi tabea tohidingoto ngini ahi gogianongoru mata-mataika o Roma ma kotaka. De ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.

Galatia 5:6

De gea nako ngone nagau o Yesusu Kristusoka, ngaro homahunaka eko ko homahunauahi, ma gea duru ko kia-kiaua Ma Jou ai himangoka. Masara abe duru iperelu, gea kiani naga nanga ngongaku Unangika. De nanga ngongaku gea ahao hahimatoko o nyawaika abe ma oraha ngone homakodora.

1 Timotiusu 1:14

De ahao nanga Baluhu idodutu ai owa duru kohagiria wohigopoa ngohiuku hiadono ngohi ka idadi tingaku Unangika de tidora Unangika de hiadono o nyawaikaoo tadora. De ahi ngongaku de ahi dora gea tamake ma titi ahi gogao o Yesusu Kristusika.

2 Timotiusu 1:13

De naa tonihibehehongo ngonaika abe ma titi ahi dodotoko ma gou-goungu abe nengokadau tonidotokoka. Tonihibehehongo tato kiani nomaaduru abe hoka ngohioli. Abe imaketero hoka ma dihira de tonidotokoka ngonaika ma dodotoko gea abe duru igoungu de itiai, ho naa ngonali kiani nadoto-dotoko o nyawaika ma dodotoko gea abe namakeoka ngohino. De kiani ka ihikaika ningaku Ma Jouika de ani doraoo kiani itagi Unangika de o nyawaikaoo mangale ma titi wonahiketerimoioka o Yesusu Kristusoka.

1 Yohanese 4:10

De nako o dora, tanu ko idadiua ngone hohiromanga hato to ngone nanga dora Ma Jouika gea o dora iree-ree dika. Masara nako to Una ai dora abe itagi ngoneino abe ma oraha wihidoaka ai Ngofaka la Una womahidadi nanga howono ma bobangu, de gea ena dika duru o dora iree-ree dika.

2 Yohanese 1:1

Ahi gogianongoru o Yesusu Kristusoka. Ngohi naa ti ngini nia dimono nanga ngongakuoka. De naa ahi hurata tohidingoto abe ngona ahi dodiawoika de to ngona ani ngofa-ngofakikaoo. De igoungu abe ngona Ma Jou woniirikoka la wonihidadi to Una ai ngofaka. De ngini mata-mata duru tagoungu tinidora nginika, masara ka ngohiua dika tinidora, ma naga utu nanga gogianongoru manga ngoe abe onangoo ihiorikoka ma dodotoko ma gou-goungu, de onangoo mata-mata duru inidora nginika.