2 Timotiusu 4:21 - Ma Jou ai Demo-demo o Totobelohoka

²¹ De naa tonihibehehongo ngonaika tato kiani duru nohitaili la ko adonuahi ma mede muruono gea miato ma maata de ngona nomahiadonokau ngohino. De nanga gogianongoru nenangoka ona manga tabea ihidingoto ngonaika. Abe ona gea o Ebulusu de o Pudese de o Linusu de o ngo Kalaudia, de nanga gogianongoru utu mata-mata nenangoka, ona gea mata-mata manga tabea ihidingoto ngonaika.

2 Timotiusu 4:21 ပူးပေါင်းရင်းမြစ်များ

Lukasa 12:58

Angamoi ngini nimaketero de o nyawa abe yataeoka onangika ato yahowonoka ho ona yoiki o hiurusu ma ngiika. De manga dodagi ma goronaka de yomakamake de o nyawa abe yatae onangika. Ho koaho ona ko yomahiadonuahi o tobauru-urusu ma nyawaika de yomakadameohi. Angamoi nako yomahiadonoka de una wotobauru-urusu o nyawa ai putuhu wato ona yahowonoka, gea yahidoaka o gogoana ma nyawaika abe ahao yahingohama o bui ma tau ma goronaika.

1 Korintusu 16:20

De nanga gogianongoru mata-mata nenangoka o Efesusoka, onangoo ma manga tabea ihidingoto nginika. De ngini o Korintusoka, ma oraha nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka.

2 Korintusu 13:13

De naa tinigahoko ngini la nanga Baluhu idodutu o Yesusu Kristusu ai owa winihidoaka. De tinigahoko la niamake Ma Jou ai dora Unangino. De abe o rimoi abe Ma Jou o Womahoka de aino, genangoo tinigahoko la Una ahao winihikodoku ngini mata-mataika.

Filiipi 4:22

De abe iti Ma Jou ai nyawa mata-mataika abe naga nenangoka, ma onangoo manga tabea ihidingoto, de hongoli ona gea abe o Roma ma nyawa manga koano ai tauoka yogogere.

2 Timotiusu 1:4

De ma oraha ahi gogiriaka tomaniata de totarimakase Unangika ma titi ngona, de gea ma ngoe tohininga abe ma wange gea ngona de ngohi homakitingaka de gea ngona ani koongo itifa. Ho gea ma titi hiadono ngohi duru toigo la ngone ka idadi homakamakeoli, de gea de ahao ahi hiningaka duru igarago.

2 Timotiusu 4:13

De naa moioli togahoko la ma oraha noboa ngohino de ahi baju ma gogurutuku naoino de ahi buku gea abe ihipali-palino. De gea ahi baju nengokadau tanoaika o Karpus ai tauoka abe una wogogere o Toroasa ma kotaka. Ho togahoko la ngona ahao noiki de nodulu ai tauoka de ahi baju ma gogurutuku gea nale de nao ngohino. De abe ahi buku genangoo kiani nao ngohino, masara gea abe duru toperelu, ma buku gea ihipali-palino abe o aewani ma kaiino yodiai.

2 Timotiusu 4:9

De naa ngona o Timotiusu, ngohi duru tonibehehongo ngonaika la nomataiti noboa nohitutumu nenangino.

Titusu 3:12

Ahi gianongoru o Titusu, marai naa tonihingahu ngonaika abe ahi hidee la tato ahao ka idadi ngona de ngohi homakamakeoli. De gea ngohi tato nanga gianongoru womatengo ahao tihidingoto ngonaiha la una gea ahao ka idadi ngona wonituruuru ani karajaangoka. De gea nanga gianongoru onaguna, gea ko tomaputuhuahi nako o Aratemasa tihidingoto ekola o Tikiku ahao tihidingoto ngonaiha. De yahinooto gea masara onaguna ahao taputuhu de tahidingoto, gea nako hiadono una womahiadonoka ngonaiha de duru togahoko la ngaro o kia dika naga ma gea ngona nanoaikahi o Kereta ma nuuhu gea de noboa nohitutumu ngohi o Nikopoli ma kotaka. Angamoi ngohi tomaputuhoka tato ahao tosobo toiki o Nikopoli ma kotaika de genangoka tomagoo-gogerohi abe o mede muruono gea abe nanga himangoka ngone hato ma oraha o maata. De ma oraha o maata ipahakahi de ahao marai o ngi moiikali toiki. Ho ngohi duru togahoko la ngonaoo noboa genangino la ahao ngone ka idadi homakamakeoli genangoka.

2 Yohanese 1:13

De naa ani gianongoru nenangoka ami ngofa-ngofaka, abe onangoo Ma Jou wairikoka de wahidadioka to Una ai ngofa-ngofaka, ona gea ihidingoto manga tabea nginika.

3 Yohanese 1:14

De gea ngohi tonganono abe duru ko itedekanokaua de ahao ka idadi homakamakeoli ngona de ngohi, de gea ahao ka idadi homarihimanga de homakoketemo.