2 Timotiusu 4:13 - Ma Jou ai Demo-demo o Totobelohoka

¹³ De naa moioli togahoko la ma oraha noboa ngohino de ahi baju ma gogurutuku naoino de ahi buku gea abe ihipali-palino. De gea ahi baju nengokadau tanoaika o Karpus ai tauoka abe una wogogere o Toroasa ma kotaka. Ho togahoko la ngona ahao noiki de nodulu ai tauoka de ahi baju ma gogurutuku gea nale de nao ngohino. De abe ahi buku genangoo kiani nao ngohino, masara gea abe duru toperelu, ma buku gea ihipali-palino abe o aewani ma kaiino yodiai.

2 Timotiusu 4:13 ပူးပေါင်းရင်းမြစ်များ

Matiusu 5:40

“Eko nako idadi abe o nyawa initaere nginika angamoi bari niahowonoka. Ho ona initaere de yomagahoko o baju moi la idadi ti ngini nia bobangu ma demo ma dodaere. De gea Ngohi tato nia baju ko moiua dika masara irahai nihifoloi de niahidoakoo nia baju ma biri-birini onangika.”

Hidingoto 16:11

De ngomi mimaputuhoka abe o Makedonia ma tonakika miloiki ho o Toroasa ma kapongoka de ngomi mifarene o kapa moi la mihidotobiki o Samotarake ma nuuhika. De mia futu moi dika genangoka de ahao ma dawangeino de migila-gila o kapaka abe miloiki o Neapolisi ma kapongika ho miuti ma dudungiha genangoka.

Hidingoto 16:8

Ho genangoka de yogila-gila yowohama o Misia ma tonakika de gea ma tonaka yatilakuru ka hiadono o Toroasa ma kotaika yomahiadonika.

Hidingoto 20:38

De ona manga hininga duru ihuha ma titi ai demo onangika abe wato ahao ko yomakamakeokaua. De ipahaino de yomakiniiki de de una dai ma kapaoko la genangoka de wanoaka una wosobo.

1 Korintusu 4:11

De ka hiadono ma oraha naa naga ngomi duru imihafini de mia ngomaha yodudungu de mia baju ikuranga. De ngomi naga imipoha-poha, de midadioka hoka mipoparadidu.

2 Korintusu 11:27

De ngohi tomamaoka ahi karajaanga ma dubuho hiadono ahi badanga ma buturungu ko iwaka, de ma ngoe ihihidetebiniye hiadono o giooko ko tamakeua. De ma ngoe duru ihihafini de ahi ngomaha yodudungu, abe ahi inomo ko ihiwedonua ho ka tomatongohono dika ahi hafini ma goronaka. De nagali abe duru ihimaata angamoi ahi baju de ahi ngoere ko iwa la tomakorobitino.