2 Timotiusu 3:9 - Ma Jou ai Demo-demo o Totobelohoka

⁹ Masara ona gea abe ma gou-goungika yalawana, ona gea ko yometedekanuahi de manga hidee iwederoka, angamoi o nyawa yowoe-woe duru itararono yamake abe ona yatobadotoko manga bodo. Ho gea ma titi manga bodo hiadono ngohi tato ahao ani dodiawo genangoka ko yahigihenokaua ona yatobadoto-dotokika gea, de gea ona duru yomaketero hoka ma dodihiraka o Yanese de o Yamberesika onangika gea o nyawa ko yahigihenokaua.

2 Timotiusu 3:9 ပူးပေါင်းရင်းမြစ်များ

1 Kokoano 22:25

De o Mika wipaluhu de ai demo ma doto unangika wato, “Gea ma babaluhu ahao nataoko itiai abe ma oraha ani kangela naohana, ho noara nomagogono o tau ma gogoronaka.”

Huhupu 7:11

Ka de gea wamake de o Firaunu wahokino yotobamai-maihi, de onangoo abe iwiduhunu o tobahioriki. De onangoo yoboa abe ka idadi o heheranga yodiai de o fufutuino ma heheranga.

Huhupu 7:12

De ahao onangoo yodiai imaketero hoka o Harunoli abe ka de manga tutukunu homoi-homoiika yakokiumo de enangoo ikokidadi o dodiha. Masara o dodiha abe imadadi to Harunu ai tutukunino ahao yalahiri o dodiha hinooto abe imadadi to ona manga tutukunino.

Huhupu 9:11

De ngaro o Firaunu ai duduhunu yososawaro yotobadiai la yabalaha de o fufutu ma kuahaino masara ko yakunua iwihimanga o Musa angamoi onangoo yaboroho de o bara ho igoungu yadaene o Mesiiri ma nyawa mata-mataika.

Lukasa 6:11

De abe iwilawa-lawana o Yesusika ona yamake ai datoro gea de manga hiningaka duru ifaeiye manga ngamo Unangika. Ho ona gea yomakoketemo abe hokokia ma ngekomo irahai la ka idadi o Yesusu iwitaoko.

Hidingoto 13:11

Ho mangale ma titi ani hininga ma dorou gea ho naa nanga Baluhu idodutu wonihohowono ngonauku. Abe gea wonihirafi ho naa hatoli ma dekana de ngona ko nomahiorikokaua.” Ka de o Paulusu wotemo hokogea de o Elimasa gea wamao hoka o hauramo abe duru yofufutuoka iutiuku unanguku ho duru ko womahiorikokaua. De una ka wohohabalanga waika waino de womagaho-gahoko o duduhunu o nyawaino la iwituda-tuda abe ai dumutika.

2 Timotiusu 3:8

De ona gea abe o rerehene ma dodotoko yatobadotoko o nyawaika, ona gea manga hininga itagi ka ma dorouika dika. De ona gea Ma Jou waolukoka angamoi manga ngongaku ma dumutu gea ko Unangikaua. De ona gea duru yalawana nanga dodotoko ma gou-goungika abe imaketero hoka ma dodihiraka abe ma oraha Ma Jou ai uru ma dodofanga o Musa. Abe naga ma oraha gea ona yahinooto o Yanese de o Yamberese, de ona gea iwilawana o Musaika.