De o Paulusu de o Silasa yosoboka manga dodagioka de ihira yoiki o Derebe ma kapongika de ipahaino ahao yogila-gila o Lisitira ma kapongika. De genangoka naga womatengo wingaku-ngaku abe ngoi meme o Yahudi ma nyawa abe munangoo mingakuoka o Yesusika, masara ai baba una gea o Yunanioka ma nyawa. De to una ai romanga o Timotiusu.
2 Timotiusu 1:2 - Ma Jou ai Demo-demo o Totobelohoka2 De naa ngona o Timotiusu tonihurata ngonaika, abe ngona ahi ngofaka ma titi o ngongakuoka de duru tonidora ngonaika. De naa tonigahoko nanga Baba Ma Jou de nanga Baluhu idodutu o Yesusu Kristusika. De gea tonigahoko la Una ahao wonihiowa ngonaika, de woniao de ai hininga de ma dora ngonaika, de ahao wonihidoakoo to Una ai hininga ma miriidi. အခန်းကိုကြည့်ပါ။ |
2 Timotiusu 1:2
10 ပူးပေါင်းရင်းမြစ်များ
Ho igoungu ngini naa Ma Jou duru winidora nginika, de Unangoo winiahoko Unangino, de hiadono nginioo nidadioka to Una ma hirete ai nyawa! Ho naa ahi hurata ma goronaka de ngohi ahi tabea tohidingoto ngini ahi gogianongoru mata-mataika o Roma ma kotaka. De ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.
De ahi gogianongoru abe duru tinidora nginika, ngaro o nyawa inihikangela nginika masara ufa nimahibalaha onangika, ma koaho niwihidoaka Ma Jouika la Una dika ai hohowono o ngamoino itagi onangika. Angamoi ma dodihiraino de naga ihitulihukuoka Ma Jou ai demo abe Una wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” Hokogea to ngone nanga Baluhu idodutu wotemo.
Ho gea ma titi hiadono nanga gianongoru o Timotiusu tihidingoto nginika, angamoi una to ngohi ahi ngofaka nanga Baluhoka abe duru tidora de abe una duru wingaku o Kristusika. Una gea tihidingoto la tato winihihohininga nginika hokokia ngohi ahi wowango imakiniiki hoka o Kristusoli ai hininga. De ahi wowango ma datoro o Kristusoka gea duru imaketero abe hoka todoto-dotoko o gareja homoi-homoiika.
Ho, ahi gogianongoru o Yesusoka abe duru tinidora, ahi behehongo ma ngoe abe tinihibehehongoka naa, ho ahi behehongo naa kiani niongano-nganono la duru nimatongohono nanga Baluhoka. Ngini naa duru tinidora de duru toigo la ngini de ngohi homakamakeoli, abe ma titi ngini ho togarago. De ngini tinihiromangoli tato nidadioka ahi karajaangino ma hofoko.
Ho naa ahi ngofaka, ngohi duru toigo la ngona ufa nomaaduru abe hoka onangoli yorehe-rehenoka gea, masara kiani nomaaduru abe hoka ngomioli abe ko mirehe-rehenua ma gou-goungino. De gea kiani ani hininga ma buturungu namake ka nanga Baluhino dika la wonihiputurungu hiadono inimagawe nileleani Unangika. De gea ai buturungu ka wonahidoaka dika ngoneino ma titi nanga gogere o Yesusu Kristusoka.
Ho naa ahi hurata tohidingoto ngona o Titusika, abe ngona nodadioka hoka ahi ngofaka idodutu ma titi ngona de ngohi nanga ngongaku ka moi. De naa tonigahoko Ma Jou nanga Babaiye de nanga Duduhunika o Yesusu Kristusu nanga Koano abe Ma Jou wonahibehehongoka. De tonigahoko la Una ahao wonihidoaka ngonaika to Una ai hininga ma owa de ai hininga ma miriidi.
De gea kiani nanga wowango itotiai mangale ma titi ma oraha naa ngone hidodamaa o Yesusu Kristusu ai gahe abe wato womahimatokoli. Angamoi nako ai gahe ma wange gea adonoka, de ahao idadioka abe ma dihirainohi de hongano-nganono abe Una womahimatoko de ai medebini ma dararono. De ma wange gea ahao o nyawa mata-mataika duru iwihioriki o Yesusu abe Una gea nanga Jou de ko ai buturungu, de Una gea nanga Duduhunu, de Una gea nanga Koano abe Ma Jou wonahibehehongoka. Ho ma oraha naa kiani imakiniiki to ngone nanga hininga de to Una ai hininga ka hiadono dokengika abe nanga sosanangi ma wange gea adonoka Una woboa.
De nako o hingahu mata-mataika abe ngohi toihenino, gea ka nenangohi duru ihihigarago, la nako toihene ahi ngofa-ngofaka o ngongakuoka abe ona ma gou-goungu yatobaniiki manga wowangoka. Ho mangale ma titi ngonaoo ani wowango hokogea, ho hiadono ngohi naa duru togaragoholi ma titi ngona ani wowangoka.
ကြော်ငြာတွေ