Ho ma bahaika manga baba, o Isiraele, wihigunoa wato, “Nako duru ko iwa ma ngekomo utu marai naa ka idadi o Benyamini tihigunoa la ngini nikokiloiki masara kiani niwihidiaiohi nia hidoaka o Mesiiroka manga hidimonika la niwihisanangi. Ho nialeinohi nanga tonaka ma hasilino abe duru o nyawa ihigiriiri enangika hoka o balama ma hilo, de o ofungu ma gula, de o rampa-rampa, de o muuru, de o kemiri ma hofoko, de o badama ma hofoko. De nia karo-karongo niakokiomangiye de ma hasili gea la mata-mata idadi nia hidoaka unangika.
2 Tawari 9:9 - Ma Jou ai Demo-demo o Totobelohoka9 De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika. အခန်းကိုကြည့်ပါ။ |
2 Tawari 9:9
10 ပူးပေါင်းရင်းမြစ်များ
De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika.
De naga momatengo o koano abe o Sieba ma nyawa manga tonakoka mahikoano de muna moihene o Saloomo ai ade-ade abe duru o nyawa yahiheranga de itagi o tonaka mata-mataika ai ade-ade. De ma oraha muna gea moihene o Saloomo ai ade-ade de muna momaputuhu mato kiani mitutumu. Ho muna ahao moboa o Yerusaleeme ma kotaino de muna mato o Saloomo mitaili de ami leleha ma ngoe abe duru ihuha o nyawa yapaluhu. De ami nyawa duru ko manga ngoe iminiiki ami dodagioka de naga manga unta ma ngoe abe to ena ma gina o rampa-rampa, de o gurasi ma dutu kohaamoko, de o hakaru kohangoe ma hohailoa abe o fara ma ngoe naga ma leto-letongo ena gea abe duru ihali ma ija. De o ngo koano gea de o Saloomo ma oraha yomarihimanga de mihingahu unangika abe naga ami hininga momahidiaioka ami leleha unangika.
De ma dihiraino abe ma oraha Ma Jou o Yawe ai Tau ko ihigokuahi de ma koano o Hurama de o Saloomo manga huhuloko ma nyawa manga kapa ahidete. De manga kapa gea yapake la Ma Jou ai Tau ma hidiai ma kiahonanga ona ihibarene de yaoino o Ofiri ma tonakoka de aino, de gea yaoino o gurasi ma dutu. De utuoli abe yaoino o hakaru ma leto-letongo de o sendana ma gota.
De o tao-taongiye ka ihikaika naga o nyawa yoboaino la iwitutumu o Saloomoika. De ngaro onagona dika naga yoboa iwitutumu ma kiani de manga hadia abe yoigo iwihidoaka unangika. Ho manga hidoaka hoka o haaka, de o gurasi, de o pakeanga duru ma rorahai, de o parangi ma dae, de o rampa-rampa, de o kuda, de o keledai, ho gea ena mata-mata naga abe iwihihadia o Saloomoika.
De Ma Jou o Yawe, abe to ngona ani Jou, Una igoungu duru wopoputurungu! Una duru wonisanangi ngonaika de wonihigogere o koano ma kaderaka la ngona wonipake ai nyawa nahipareta. De angamoi Ma Jou duru wadora o Isiraele ma nyawaika hiadono Una wahiaturu la manga kokoano ka ihikaika ani baba de to una ai totoforauku. Una wonihidadi manga koano la ngona nahikoano de o totiai de abe naurusu enangoo duru itiai.” Hokogea o ngo koano o Siebaino ami horomati de ami higiriiri ma demo o Saloomoika.
De Ma Jou o Yawe wihingahuohi o Musaika wato, “De o manyanyi abe niapake o Debi-debini ma Tau ma goronaka hokonaa nidiai de kiani ma hisapuru iata nenanga: o molefaono ma hilo, de o bianga o lokana ma kai ma dofae, de o bokuwini, de o manyanyi ma gota ma tigono. De imaketero ma ngoe ma hisapuru amomoiika.
ကြော်ငြာတွေ