2 Tawari 9:7 - Ma Jou ai Demo-demo o Totobelohoka

⁷ De abeika ani duduhunu manga ngoe de ona gea abe initobaleleani ani tauoka, abe ona duru youtumu de yamake ma hiowa ma amoko angamoi ona o wange-wangeiye naga ngonaka de ka ihikaika yoihene ani sosawaro ma demo.

2 Tawari 9:7 ပူးပေါင်းရင်းမြစ်များ

1 Kokoano 10:8

De abeika ani duduhunu manga ngoe de ona gea abe initobaleleani ani tauoka, abe ona duru youtumu de yamake ma hiowa ma amoko angamoi ona o wange-wangeiye naga ngonaka de ka ihikaika yoihene ani sosawaro ma demo.

2 Tawari 9:6

Masara tomangaku ma dihira ngohi ko tongakuahi o nyawaino ma abari ma titi ngona, ma ka de ngohi toboaino de ahi lako hinooto tamake de duru igoungu mata-mata. Abeika ngaro ani sosawaro de ani karajaanga ma hasili ma hononga dika de o nyawa ko yangodumuahi yoade-ade. Utuohi to ngona natilakurika ma rorahai abe ona ihihingahu ngohino.

2 Tawari 9:8

De Ma Jou o Yawe, abe to ngona ani Jou, Una igoungu duru wopoputurungu! Una duru wonisanangi ngonaika de wonihigogere o koano ma kaderaka la ngona wonipake ai nyawa nahipareta. De angamoi Ma Jou duru wadora o Isiraele ma nyawaika hiadono Una wahiaturu la manga kokoano ka ihikaika ani baba de to una ai totoforauku. Una wonihidadi manga koano la ngona nahikoano de o totiai de abe naurusu enangoo duru itiai.” Hokogea o ngo koano o Siebaino ami horomati de ami higiriiri ma demo o Saloomoika.

Sosawaro 10:21

Ona abe yaniiki ma totiai gea o nyawa manga ngoeika yahitofo de manga demo ma totiaiino. Masara o bodo ma nyawa ona ma hirete manga wowango yomatoma angamoi ko yomahitoonangua o sosawaro ma gou-goungu ma demo ho ona yomangiriki ko itaanua de yomaputuhu ko itiaiua.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 3:14

Angamoi ahi ngofaka, nako o sosawaro gea hohidotelega de o tiwi, abe ngaro duru ma amoko ngona namakeoka ma tiwi gea, masara ka Ma Jou ai sosawaroinohi ma utumu ilamoko namake. De gea ngaro ngona nokarajaanga de inihihewa de o gurasi masara ani utumu o sosawaroino ka enangohi inihiutumu.

Sosawaro 3:3

De o dora abe naga ani wowangoka kiani ka ihikaika napake imaketero hoka ani rante moi abe duru noigo la ka ihikaika naga ani tomaroka. De o kia dika nahibehehongo o nyawaika gea kiani mata-mata de ma ngodumoka la ani behehongo ma demo ma gou-goungu hiadono moioo de ko nanoaikaua abe naga ani hiningaka. Ho imaketero hoka ko noigoua la ani rante ihihanga abe naga ani tomaroka, hokogenangoo de ani dora abe ka ihikaika itagi o nyawaika, enangoo ko noigoua ihihanga. Hokogea ani datoro la nomahitaana ahi dodotoko nohitulihukuoka ani hiningaka.

Sosawaro 8:34

“O nyawa abe ka ihikaika ihihigihene ngohi o sosawaro ahi demoino, ona gea abe yamake ma hiowa to ona manga wowangoka. Ho ona abe ka ihikaika ihihigihene gea imaketero hoka o wange-wangeiye yoboa ahi tau ma ngoranino la ka ihikaika yoihene to ngohi ahi demo onangika angamoi ona duru yoigo de manga gimonoka o sosawaro ma demoika. De ko iwa ma oraha la ahi ngorana tatatoko la ko ihimakeokaua ho ka ihikaika ihidamaa genangoka angamoi ona yoigo la onangoo yososawaro!

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Higalioli 33:9

De o Lewi ma nyawa gea naga manga hingounu to Ngona ani Demo-demoika, de ona ka ihikaika yodemo ani behehongo ma demo de ani Pareta. De nako to ona ma hirete manga ngofa-ngofaka de manga dimo-dimono de manga gogianongoru utuoli, gea hatoli yaporetika dika onangika. Masara nako Ngonaika, ona gea duru yagou-goungu initobaniiki ani hiningaika.