2 Tawari 9:19 - Ma Jou ai Demo-demo o Totobelohoka

¹⁹ Abe ma rupa o singa gea naga ma gahumu ngimoi de hinootohi abe o kadera ma ngute ma dodoko ihietongo abe amomoiiye o dodoko arihonongaka naga o singa ma rupa moi imaokoino. Ho ngaro o dunia ma amokika ko iwa o kadera utu ma rahai hoka o Saloomo ai kadera ma hohailoa.

2 Tawari 9:19 ပူးပေါင်းရင်းမြစ်များ

2 Tawari 9:18

De ai kadera gea naga o ngute ma dodoko butaangaiye de daku ma bareniye naga ai lou ma dederu abe ka ihidatahumika de ma kadera. De o kadera arihonongaka naga ai giama ma dederu de naga imaokoino o kadera arihononga ma rupa o boki o singa.

2 Tawari 9:20

De o Saloomo ai mangko mata-mataika yodiai o gurasino de to una ai dodai mata-mata abe yapake o koano ai tau ma goronaka ma romanga o Libanono ma fongana ma tau, enangoo yokokidiai o gurasino. De abeika ngaro o haaka ena ihali masara ma oraha o Saloomo de ngade-ngade o haaka ko iwa ma ija angamoi iwoeholi o Yerusaleeme ma kotaka.

Matiusu 19:28

De o Yesusu wahingahu wato, “Naa duru tagou-goungu tinihingahu nginika, abe dokena nanga himangika ma oraha Ngohi o Nyawa ma Ngofaka tahikoano ahi nyawa de togogerukuoka ahi pareta ma kadera ma hohailoaka abe ma debi-debini, de ma oraha gea ahao nginioo naga de de Ngohi. Abe ngini nihitobanii-niiki niborigogeruku o kadera ma hohailoaka abe naga ngimoi de hinooto homoi-homoiika. Abe ahao ngini nia kaderaka gea la genangoka de niatobauru-urusu o Isiraele ma nyawa mata-mataika, abe ona manga doomu ngimoi de hinooto angamoi yomahidutu o Isiraele ai ngofaka abe yangimoi de yahinootoino.”

Himatoko 21:12

De ma kota gea ihigilolitino de ma dadaduhu abe duru ma ngoatika de duru kohagurutiye. De ma dadaduhoka gea naga ma ngorana ngimoi de hinooto, de ma ngorana amomoiika naga o malaekata womatengo la woogoana de nagali o romanga homoi-homoiika ihitulihika ma ngoranoka. De ma roma-romanga gea o Isiraele ai ngofa-ngofaka yangimoi de yahinootoino manga romanga abe ona yodadioka o dutu homoi-homoiika.