2 Tawari 9:12 - Ma Jou ai Demo-demo o Totobelohoka

¹² De naa ma oraha o ngo koano o Siebaino naga o Saloomo ai tauoka de o kia dika momagahoko una womihidoaka. De nako to una ai hadia munangika de ami hadia abe mihidoaka unangika hohikohowono de o Saloomo to unangohi ai hadia munangika abe ilamoko de ihali. De ipaha muna de ami kokawaaha yokokilio to ona manga tonakika.

2 Tawari 9:12 ပူးပေါင်းရင်းမြစ်များ

1 Kokoano 10:13

De naa ma oraha o ngo koano o Siebaino naga o Saloomo ai tauoka de o kia dika momagahoko una womihidoaka. De nagali to una ai hadia utuoli abe una dika ai hininga wato womihidoaka munangika. De ipaha muna de ami kokawaaha yokokilio to ona manga tonakika.

2 Tawari 9:11

De o Saloomo una ahao o sendana ma gota gea wapake ma nguteoka abe to una ai tauoka de abe Ma Jou o Yawe ai Tau ma himangoka. De ma gota gea utu wapake la yodiai o totabua biaha de o totabua ma amoko abe ma tali kohangoeoko de adingakoka o musikika. De ngaro ma dihiraino ka hiadono ma oraha gea masara ko ma moiuahi naga o totabua ma rorahai hokogea o Yehuda ma tonakoka.

2 Tawari 9:13

De o tao-taongiye o Saloomo wamake o gurasi ma dutu hiadono ma biaha o kilo o sana monaoko de hange o gurasi ma dubuho abe wamake o taongo amomoiino.

Efesusu 3:20

Ho naa koaho ngone hihigiriiri Ma Jouiye! Angamoi Una gea ka wakunu wodiai mata-mataika abe ngone homagahoko eko hafikiri. De gea ngaro o kia dika abe ngone ko homagahokuahi eko nanga hininga ko akunua afikiri genangika, masara Una ka wakunu mata-mataika wodiai. De gea wodiai de wapake de to Una ai kuaha abe itobakarajaanga to ngone nanga hiningaka.