De ma dihiraino abe ma oraha Ma Jou o Yawe ai Tau ko ihigokuahi de ma koano o Hurama ai huhuloko ma nyawa manga kapa ahidete. De manga kapa gea yapake la Ma Jou ai Tau ma hidiai ma kiahonanga ona ihibarene de yaoino o Ofiri ma tonakoka de aino, de gea yaoino o gurasi ma dutu. De utuoli abe yaoino o hakaru ma leto-letongo de o gota duru ma rorahai.
2 Tawari 9:10 - Ma Jou ai Demo-demo o Totobelohoka10 De ma dihiraino abe ma oraha Ma Jou o Yawe ai Tau ko ihigokuahi de ma koano o Hurama de o Saloomo manga huhuloko ma nyawa manga kapa ahidete. De manga kapa gea yapake la Ma Jou ai Tau ma hidiai ma kiahonanga ona ihibarene de yaoino o Ofiri ma tonakoka de aino, de gea yaoino o gurasi ma dutu. De utuoli abe yaoino o hakaru ma leto-letongo de o sendana ma gota. အခန်းကိုကြည့်ပါ။ |
2 Tawari 9:10
8 ပူးပေါင်းရင်းမြစ်များ
De o Saloomo naga ai kapa yahidete o duduono moi abe homoi-homoiika naga o nau-nauru yatobaao de ai kapa gea imakokiniiki de o Huramoli ai kapa o duduono moi. De ona yohidete ihidulu-dulu moduku o nuu-nuuhika la yomaketeturuuru o kiahonanga, de o taongo hange ma moi yolio o Isiraele ma tonakino. De manga kiahonanga ihibare-barene ma hali-hali dika, abe o gurasi, o haaka, o gaja ma hihipata, o mia ma amoko abe yotobapaliara, de o totaleo duru ma rorahai abe ona yokaya-kaya dika yotobapaliara abe ma ija kohahali, de ena gea mata-mata idadi o Saloomo ai kiahonanga.
“De o koano, nako nosanangi de ahi gogahoko ma duduhunu de o semara ma gota abe iwango to ngona ani tonakoka o Libanono de igoungu ngohi toperelu o gota utuohi iwoe abe o semara, o gofiri, de o sendana ma gota. Ngohi tahioriki abe naga to ngona ani nyawa abe ka onangohi yososawaro o gota yotolanga de ihihupu o loku-lokuino. De to ngohi ahi nyawa, abe onangoo yotobatolanga o gota, ona tahidingoto ngonaika la ka idadi yomakuduhunu de to ngona ani nyawa to ngona ani tonakoka.
De o Saloomo una ahao o sendana ma gota gea wapake ma nguteoka abe to una ai tauoka de abe Ma Jou o Yawe ai Tau ma himangoka. De ma gota gea utu wapake la yodiai o totabua biaha de o totabua ma amoko abe ma tali kohangoeoko de adingakoka o musikika. De ngaro ma dihiraino ka hiadono ma oraha gea masara ko ma moiuahi naga o totabua ma rorahai hokogea o Yehuda ma tonakoka.
De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika.
ကြော်ငြာတွေ