2 Tawari 7:16 - Ma Jou ai Demo-demo o Totobelohoka

¹⁶ De angamoi Ngohi ahi tau nenanga tomangirikoka de tomadingakoka Ngohino la idadi ahi gogere ma tau ho Ngohi ka ihikaika tagoana ka hiado-adonika.”

2 Tawari 7:16 ပူးပေါင်းရင်းမြစ်များ

1 Kokoano 9:3

Ho Una witemo ma koanoika wato, “Ngohi naa togihenoka ani gogahoko ma demo abe ma dihiraino nomagahoko ahi duduhunu. Abe Ngohi tomadingakoka ahi Tau gea abe nohigoko ibooto la idadi to Ngohi ahi Tau de tomanoa genangoka ma oraha naa de ka hiado-adonika. De to Ngohi ahi Womaha ka ihikaika naga ma Tauoka gea.

2 Kokoano 21:4

De o Manase una gea wodiaioo o popangao ma huhuba ma ngi duru Ma Jou o Yawe ai Tau ma goronaka. De hokogea wodiai ngaro Ma Jou o Yawe duru ma dodihiraka wohibehehongo abe ma titi ai tau, wato, “O Yerusaleeme ma kota tomadingakoka la ahi romanga o nyawa ka ihikaika yagorakiye ma oraha yomahuba-huba Ngohino genangoka.”

2 Tawari 7:12

De o futu moiuku Ma Jou o Yawe womahimatoko o Saloomoika de wihingahu, wato, “Ngohi tonigihene abe ani gogahoko ma titi o tau nenanga de naa ka idadi tonihingahu abe igoungu tairikoka ma huhuba ma tau naa la tato itiai abe nenangoka ahi nyawa manga huhuba yahihuba Ngohino.

2 Tawari 7:15

Ngohi ahao toihene ahi nyawa manga niniata mata-mata abe ma oraha yomaniata o tau ma goronaka naa.

Sakaria 3:2

Masara Ma Jou o Yawe wotemo o Ibilihi ma haekika wato, “Ngohi naa Ma Jou o Yawe de Ngohi duru toluku ani dadae ma demo! Abe Ngohi naa Ma Jou o Yawe abe tairikoka o Yerusaleeme ma kota la idadi to Ngohi ahi kota, ho naa tohigalioli abe duru toluku to ngona ani dadae ma demo abe notemoka ma titi ahi nyawa o Yosua! De ahi nyawa naa tihiketero tato una gea ngade-ngade hoka o gota ma jaga moi abe youku / yotokara o uku ma goronaka, masara ko yotinouahi de agorakoka.”

Matiusu 3:17

De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”

Kolose 2:9

Ho done ma titi o kia hiadono nihigihene manga demoika gea? Angamoi ngone naa o Kristusokau! De o Kristusu ai badangoka dika naga imanoa Ma Jou ai hininga ma gahumu de ai kuaha ma gahumu. Abe o kia-kia dika naga Ma Jouoka, gea mata-mata naga ingodumoka o Kristusu ai badangokaoo angamoi Una de Ma Jou o Baba duru hoimoi.