2 Tawari 7:1 - Ma Jou ai Demo-demo o Totobelohoka

¹ Ka de o Saloomo ai niniata ma demo gea wabooto de itodokanino naga o uku itoimi o dihangoka de auku manga huhuba iharo-harongo ma goronauku de manga huhuba muruono naga akokitufuku ka hiadono ikokitinoka. De Ma Jou o Yawe ai Tau ka itodokanino de duru aomangoka de Ma Jou o Yawe ai medebini ma dararono.

2 Tawari 7:1 ပူးပေါင်းရင်းမြစ်များ

Dodadi 15:17

De ipaha o wange itumunoka de yofutuoka de ahao o Abaraama wamake iboaino o uku ma ngi hoka o haharongo. De ma ngi ma goronaka naga ma uku ho de ma nofoka. De daku ma ngi ma lokuino naga ma hapongo, de genangino o uku ma dokara ihupu hoka o oboro idadi. De o uku ma ngi gea ena dika ma hirete ahao itagi o aewani ma bela-belaka ma hidogoronaino.

1 Kokoano 18:24

De ahao ngini abe o Baala nioleleani ahao ngini nimagahoko o uku ti ngini nia jouika la ena ma hirete nia huhuba iharo-harongo yatufuku. De gea ngohioo ahao tomagahoko Ma Jou o Yaweika o uku la ahi huhuba iharo-harongo watufuku. Hokogea ngone ahao mata-mata hamake de nanga lako abe nako Ma Jou o Yawe eko nia jou o Baala abe nanga gogahoko yapaluhu de o uku. Hokogea kiani hodiai la de ahao hamake nako Ma Jou eko o Baala abe yapaluhu de o uku. De nako Ma Jou dika wakunu wopaluhu de o uku gea Una Ma Jou dika nanga Jou ma gou-goungu.” De o Isiraele ma nyawa mata-mata abe yomatoomuino genangoka ka ma moi o Elia iwipaluhu, ato, “Ani demo gea duru irahai!”

1 Kokoano 18:38

De ahao ka itodokanino Ma Jou o Yawe ai uku wohiguti o Elia ai huhubauku gea kohahauku de yatufuku ma huhuba gea mata-mata. Ho o hapi ma roehe abe yomahihuba, de o huhuba ma gota, de ma hakaru, de hiadono naga ma tonakoo abe naga o huhuba ma ngi ma timiuku, gea ena mata-mata ka ma moi youkuoka ka hiadono duru itinoka. De Ma Jou ai uku ma dokara yoguti o akere ma baituku hiadono yodudungoka.

1 Kokoano 9:1

De ipahaino de o Saloomo wohigoko ibooto Ma Jou o Yawe ai Tau, de to una ma hirete ai tau, de ma tau utuoli mata-mata abe ma dihiraino de wohideeoka wato wodiai.

Huhupu 19:18

De o Sinai ma loku gea duru atamunoka de ma nofo angamoi Ma Jou o Yawe wouti de womahiduguti de o uku ma goronaka Una. De ma uku kohaamokika ho hiadono ma nofo kohaamoko ihaotiye, de ma loku gea ihikelu duru kohabuturungu.

Maleaki 3:4

De gea ahao o Yerusaleeme de o Yudea ma nyawa manga hidoaka Ngohino ka idadi tolegaika de todafongo abe imaketero hoka ma dodihirainoli tosanangi enangika.”

Hidingoto 4:31

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

Himatoko 21:23

De ma kota gea ko imahinganonua o wange de o medeika la ato to ena ma dararono ihitararono ma kotauku. Hokogenangua, angamoi to Ma Jou ma hirete ai medebini ma dararono gea ihitararono ma kota ma amokika, de nagali abe imaketero hoka to ma kota ma hilo gea o Domba ma Ngofakoka de aino wohitararono.

Hihira 6:21

De Ma Jou o Yawe ai malaekata naga moi o tutukunu ai giamoka de gea wapake watopokika ma inomika. Ka de ai tutukunu adaene enangika de itodokanino de o hakaruino naga o uku ka itodokaniye itokara de o Gideono ai huhuba ngaro duru ma beha-behaka masara yatufuku ka hiadono itinoka. Ka de youku ibooto de Ma Jou o Yawe ai malaekata unangoo ka aiaho ho ko wimakeokaua genangoka.