2 Tawari 6:40 - Ma Jou ai Demo-demo o Totobelohoka

⁴⁰ De ahao o Saloomo womagahokohi Ma Jou o Yaweika, wato, “De naa, ahi Jou duru togahoko la ka ihikaika nomilega-lega ngomiuku de nomigihene ma oraha ngomi naga ani tau naa ma goronaka de mimaniata Ngonaiye.”

2 Tawari 6:40 ပူးပေါင်းရင်းမြစ်များ

1 Kokoano 9:3

Ho Una witemo ma koanoika wato, “Ngohi naa togihenoka ani gogahoko ma demo abe ma dihiraino nomagahoko ahi duduhunu. Abe Ngohi tomadingakoka ahi Tau gea abe nohigoko ibooto la idadi to Ngohi ahi Tau de tomanoa genangoka ma oraha naa de ka hiado-adonika. De to Ngohi ahi Womaha ka ihikaika naga ma Tauoka gea.

2 Tawari 7:15

Ngohi ahao toihene ahi nyawa manga niniata mata-mata abe ma oraha yomaniata o tau ma goronaka naa.

Nehemia 1:11

Ahi Baluhu, ngaro Ngona nototoihene ani gilaongo naa ahi niniata ma demo! De naga ani gogilaongo utu abe de manga garago ani romanga yagorakiye ma oraha yomaniata, ho ngohi tonganono to onangoo manga niniata nohigihene. De ngohi ani gilaongo tomagahoko la o wange naa nohiduhunu ngohi la ma oraha tileleani o koano nenangoka de una duru wohisanangi ngohino.” Hokogea ngohi o Nehemia ahi niniata ma demo Ma Jouiye. De ngohi ma oraha gea tomaniata de naga to ngohi ahi tagongo abe totobaleleani o koano o Ata-saasta ai akere.

Nehemia 1:6

Ho naa ngohi duru tomagahoko la ahi niniata naa Ngona nohigihene, de duru nomalega ngohiuku ma oraha ngohi ani gilaongo naa tomagahoko Ngonaika. O wange de o futu abe Ngona nohigihene abe ahi gogahoko ma titi ahi gogianongoru o Isiraele ma nyawa. De ahi gogianongoru gea onangoo inileleani Ngonaika abe onangoo hiadono yodadioka to Ngona ani gogilaongo. Ngohi tomangaku abe to ngomi mia howono ma ngoe abe ngohi de ahi gogianongoru miahowonoka Ngonaika.

Higiriiri 34:15

Ona gea abe manga datoro itiai Ma Jou o Yawe duru wagoana onangika, Womalega onangika de wahigihene nako o duduhunu yomagahoko.