2 Tawari 6:1 - Ma Jou ai Demo-demo o Totobelohoka

¹ De ahao o Saloomo womaniata, wato, “Ngona Ma Jou o Yawe, abe nomangiriki la nomanoa daku o lobi-lobioka ngaro o fufutu ma goronaka.

2 Tawari 6:1 ပူးပေါင်းရင်းမြစ်များ

2 Tawari 6:2

De naa ngohi tonihidiai to Ngona ani tau abe duru ma rorahaiholi, ho ngohi tonganono idadi to Ngona ani ngi abe ka hiado-adonika ka idadi nomanoa ma goronaka.”

Huhupu 20:21

Masara ona ko yomahitiginokaua ho ko manga gurutika yomatingaka. De o Musa una dika womahitigika o loku ma nofoika abe yahawoka gea duru idadioka o fufutu. De Ma Jou naga o fufutu ma goronaka gea.

Gogao 16:2

De ipaha Ma Jou o Yawe witemo o Musaika wato, “Musa, done o Harunoo wohonenge ho kiani nihitiari la ufa unangoo wahowono womahitigi Ngohino. Abe done ai hiningaino dika ipuda de wowoha-wohama o Debi-debini ma Ngiika abe Ngohi tomadingakino doka o dadatoko o ngoerino ma honongaka abe ahi Tau ma goronaka. Abe ma dadatoko o ngoerino ikokorona gea mangale doka ma hononga naga ahi Behehongo ma Peti. De ahi Behehongo ma Peti ma dadamunu ena gea o Hikadame ma Ngi abe genangoka o nyawa manga howono ihitamunu la ahi nyawa manga howono Ngohino ka idadi tahiapongo. De Ngohi tomahimatoko genangoka abe tomahihawo de o lobi abe imanoa ahi Behehongo ma Peti ma lokuiye. Ho kiani nihingahu ani riaka o Harunika abe una kiani womahidodiai wowohama ahi ngiika gea.”

Higalioli 4:11

De ahao nikokiboaino de nimaokoino duru o loku gea ma timiuku, de niamake abe ma lokuoka naga ma uku ihololomiye daku ma dihangiye. Masara nagali niamake abe duru ifufutu daku ma lokuoka angamoi ihihawo de hoka o lobi ma biri-birini.

Ibarani 12:18

Ho ahi gogianongoru, ufa ngone naa homaaduru abe hoka o Esauoli ai hininga de haoluku Ma Jou ai behehongo ma owa ngoneino, masara kiani ngone ka ihikaika hohidodiai haniiki enangika la hataana de Ma Jou ai mau. Angamoi ngone naa haniiki Ma Jou ai behehongo ma hungi abe ka enangohi duru ikurutiye nako de o behehongo utu mata-mataika. Abe Ma Jou ai behehongo naa ngoneino ko imakadaenua de ai behehongo ihira-hiraika abe ma oraha nanga gogianongoru o Yahudi ma nyawaika wahibehehongo onangika. Angamoi ma dodihiraino gea abe Ma Jou wahibehehongo onangika de ona duru yohawana, de hongoli ona ko idadiua yomahitigi Unangino masara kiani ma gurutika yomahikitingaka. Ho abeika hafikirohi hokokia idadi ma dodihiraino gea. Abe nako ma oraha gea de o Yahudi ma nyawa yoboa o Sinai ma lokuino abe genangoka naga ma ngoe yamake de manga lako de yoihene de manga ngauku. Abe ma oraha gea ona yamake o uku duru kohaamoko itoka-tokara, de nagali yamake o fufutu abe duru ifufutuholi hiadono yaporohono onangika, de nagali o rato moi yamao abe ma oraha yawuwu onangika.