2 Tawari 5:7 - Ma Jou ai Demo-demo o Totobelohoka

⁷ De ahao ona manga hohidemo Ma Jouika Ma Jou o Yawe ai Behehongo ma Peti yagorakoli de ihidomoku de yao la ihingohama Ma Jou ai Tau ma goronaika. Ho yowohama de yogila-gila to ena ma ngi ma goronaika abe ihiromanga o Ngi Duru Kohamedebini abe o dadatoko o ngoere ma biri-birini doka ma honongaka, de genangoka yakelengauku. De daku o peti ma lokuino naga ma rupa abe hoka o malaekata hinooto abe ma romanga o kerubu de ma hapa gea de ma gafuufuoka.

2 Tawari 5:7 ပူးပေါင်းရင်းမြစ်များ

1 Tawari 22:19

Ho gea ma titi Ma Jou o Yawe womalega ngoneino de ai hiokoo de ai dora hiadono duru wonaduhunu kohangoe. Ho ngini o Isiraele ma nyawa manga dimo-dimono kiani duru de nia hininga ma gahumu de nia jiwa ma gahumu niapaliara nia gogao ti ngini nia Jouika. De naa ko itedekanokaua de nimulaenge nihigoko Ma Jou o Yawe ai gogere ma ngi ma debi-debini. De ma oraha niabootoka de ahao ka idadi Ma Jou o Yawe ai Behehongo ma Peti nihingohama ai ngi duru ma debi-debinika. De genangoka niakelenga de ma kiahonanga abe Una ma hirete womadingakoka la ona abe iwileleani Ma Jou o Yawe ka idadi yapake la hiadono ngini mata-mata to Una ai romanga niagorakiye.” Hokogea o Dautu ai behehongo o Saloomoika de ai popareta ma dimo-dimonika onangoo yoihene.

2 Tawari 5:4

De ma oraha o Isiraele ma nyawa manga hidimono yoboa Ma Jou ai Tau ma hungino de naga o Lewi ma nyawa yomakiniiki de ona utu Ma Jou o Yawe ai Behehongo ma Peti ihidomoku.

2 Tawari 5:6

De ahao o Saloomo de o Isiraele ma nyawa mata-mata abe duru ko manga ngoe yomatoomuino genangoka, ahao yahihuba o huhuba iharo-harongo o domba de o hapi o Behehongo ma Peti ma himangoka. De o domba de o hapi abe yahihuba hokogea kohangoe hiadono duru ko moiua abe genangoka yakunu yaetongo!

2 Tawari 5:8

De o kerubu gea ma rupa imarihimangino de imaboriponuku la ma gafuufu ihiboridoakika hiadono ngade-ngade imakadono ma gafuufu ma dekara. Ho ma peti de to ena ma momoku ka ma moi ihidatamunu de o malaekata o kerubu ma gafuufu gea.

2 Tawari 6:11

De genangoka to Una ai tau ma goronaka tohiaturu la Ma Jou ai Behehongo ma Peti ihingohamoka. De o Behehongo ma Peti ma goronaka naga Ma Jou o Yawe ai behehongo ma hakaru hinooto abe gea ena ma titi Una de o Isiraele ma nyawa ma dihira de yomahiketehibehehongokau.” Hokogea o Saloomo ai hiowa ma demo o Isiraele ma nyawa manga doomu ma amokika gea.