2 Tawari 5:6 - Ma Jou ai Demo-demo o Totobelohoka

⁶ De ahao o Saloomo de o Isiraele ma nyawa mata-mata abe duru ko manga ngoe yomatoomuino genangoka, ahao yahihuba o huhuba iharo-harongo o domba de o hapi o Behehongo ma Peti ma himangoka. De o domba de o hapi abe yahihuba hokogea kohangoe hiadono duru ko moiua abe genangoka yakunu yaetongo!

2 Tawari 5:6 ပူးပေါင်းရင်းမြစ်များ

2 Samuele 6:13

De o Dautu wohiaturu la ona o nauru yaiata abe Ma Jou o Yawe ai Peti ihidomoku yotagi manga aguru butaangaika dika de genangoka kiani yomatogumukuohi. De genangoka una womahihubahi o hapi ma nauru ma baluhu moi de o hapi ma ngofaka moi abe o nyawa yatofo la ena duru de ma hakioka. Ho ma hapi hinooto gea womahihuba Ma Jouika ibooto de ahao yogila-gilali.

1 Tawari 29:21

De ma dawangeino manga huhuba duru iwoe abe yomahihuba Ma Jou o Yaweika de naga manga huhuba iharo-harongo kohangoe. Abe ma aewani yahihuba iharo-harongo o hapi ma nauru ibaluhoka o dutu o sana moi, de o domba ma nauru ibaluhoka enangoo o dutu o sana moi, de nagali o domba ma nauru ma goohi enangoo o dutu o sana moi. De naga manga huhuba o ngokerino, de o huhuba utu duru ma ngoe. De o Isiraele ma nyawa manga huhuba mata-mata gea yahihuba manga Jouika.

2 Tawari 5:5

De utu naga abe yaoino to ena ma tau o ngoerino, de abe ma kiahonanga enangoo yodingakoka o leleani ma karajaangika. Ho mata-mata abe yao Ma Jou ai Tauino gea o Lewi ma nyawa dika yaso, abe to ona manga leleani yahidemo o Isiraele ma nyawa Ma Jouika.

2 Tawari 5:7

De ahao ona manga hohidemo Ma Jouika Ma Jou o Yawe ai Behehongo ma Peti yagorakoli de ihidomoku de yao la ihingohama Ma Jou ai Tau ma goronaika. Ho yowohama de yogila-gila to ena ma ngi ma goronaika abe ihiromanga o Ngi Duru Kohamedebini abe o dadatoko o ngoere ma biri-birini doka ma honongaka, de genangoka yakelengauku. De daku o peti ma lokuino naga ma rupa abe hoka o malaekata hinooto abe ma romanga o kerubu de ma hapa gea de ma gafuufuoka.