2 Tawari 3:1 - Ma Jou ai Demo-demo o Totobelohoka

¹ De ma dihiraino de o Dautu, abe o Saloomo ai baba, Ma Jou ai Tau ma ngi wairikoka de wohidiaioka. Ma ngi gea naga o Yerusaleeme ma kota ma goronaka abe o loku ma tubuoka de gea ma romanga o Moria ma loku. Abe duru genangoka Ma Jou o Yawe womahimatoko o Dautika. De duru ma oraha gea naga o Yebusi ma nyawa ai romanga o Arauna wapake ma ngi gea la genangoka ai gandumu warero.

2 Tawari 3:1 ပူးပေါင်းရင်းမြစ်များ

Dodadi 22:14

De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Dodadi 22:2

De Ma Jou wihibehehongo wato, “Abarahaama, Ngohi togahoko la ngona nile ani ngofaka o Isaka, ani ngofaka o goduuru ka womatengo dika, abe ngona duru nidora. De ahao ngona dika niao o Moria ma tonakika, de naga o loku moi genangoka ahao tonihidumutu. De o lokuoka gea niaika de ahao ma tubuoka ani ngofaka nihihuba Ngohiye iharo-harongo.” Hokogea Ma Jou ai behehongo o Abarahaamika.

1 Tawari 22:1

De ipaha o Isiraele ma nyawa manga koano o Dautu womaputuhu ma ngi o Yerusaleeme ma kota ma goronaka abe genangoka ahao ona ihigoko Ma Jou ai Tau. De o ngioka gea wahingahu ai nyawaika wato, “Nenanga ma ngi abe ahao hohigoko nanga Baluhu Ma Jou o Yawe ai Tau. Abe nenangoka ahao naga o huhuba iharo-harongo ma ngi la ngone o Isiraele ma nyawa ahao hapake la homahihuba nanga huhuba iharo-harongo.” Hokogea o Dautu womaputuhu ma ngi abe genangoka wohiaturu ona abe ihigoko Ma Jou ai Tau.

2 Tawari 3:2

Ho naa o Saloomo wodadioka o koano ai taongo iata ibooto de ai mede moi ibooto ho o mede ituru de womulaenge wohigoko Ma Jou ai Tau genangoka o Moria ma loku ma tubuoka.

Hidingoto 7:47

Masara tanu gea ai ngofaka o Saloomo abe wodiai Ma Jou ai Tau gea.