2 Tawari 20:6 - Ma Jou ai Demo-demo o Totobelohoka

⁶ De una womulaenge womaniata la ona mata-mata ka idadi yoihene ai niniata ma demo, wato, “Ma Jou o Yawe, Ngona abe mia totofora yomahijou Ngonaika, Ngona ma Jou abe nogogere daku o Horogaka. Ngona nopoputurungu hiadono o nyawa mata-mataika nahipareta de ani kuaha hiadono o tonaka homoi-homoiika o dunia ma lokuoka to Ngona ani kuahaka. Ho ngaro ona naga de manga koanoka eko manga popareta utu abe yahihira-hira masara ona mata-mata to Ngona ani giamoka! Ho ko moiua naga o nyawa abe ka idadi inilawana de hiadono yolaku.

2 Tawari 20:6 ပူးပေါင်းရင်းမြစ်များ

1 Tawari 29:18

Ma Jou o Yawe abe to ngomi mia totofora yomahijou Ngonaika, O Abarahaama, de o Isaka, de o Yakubu to ona manga Jou, Ngonaika tagahoko la ani nyawa naduhunu manga hiningaka, La ona homoi-homoiika ka ihikaika yoigo inileleani ka Ngonaika dika. Ngona nodiai la ka ihikaika naga manga igo la inihingounu Ngonaika.

2 Tawari 20:5

De abe Ma Jou o Yawe ai Tauoka naga to ena ma loa ma hungi, de genangoka yomatoomuino de ahao o Yosafata womaokoino manga doomu ma himangoka.

2 Tawari 5:14

De manga hohidemo Ma Jouika ko idadiua manga leleani ka yahikarajaangohi angamoi ma lobi de to Una ai medebini ma dararono duru aomangoka ai tau ma goronaka.

Huhupu 3:6

De Ngohi naa Ma Jou abe ani baba womahijou Ngohino. De to ngona ani tofora o Abarahaama, de o Isaka, de o Yakubu, onangoo yomatobahuba-huba Ngohino.” Ka de o Musa hokogea woihene Ma Jou wotemo unangika de ka womatatoko ai himanga angamoi wimodongo womalega Ma Jouika.

Matiusu 6:13

De ngomi mimagahoko la ma oraha imihitaili de o dorou de Ngona ufa nohigunoa la miruba o howonuku, masara duru mioigo la nomiduhunu de nomihirehene abe ena o Tobadorou ma kuahaino la done imihikala ngomino. [De ngomi mimaniata ka Ngonaika dika angamoi Ngona dika naga de ani kuahaka la mata-mataika nohipareta. De ma titi ani medebini ma dararono ikokurutiye, ho duru itiai abe ka Ngona dika namake nanga higiriiri naa de ka hiado-adonika. Amin.]’” De ahao o Yesusu wotemo wato, “Hokogea ma demo abe ngini ka idadi nianiiki abe ma oraha nimaniata nia Babaiye.”

Matiusu 6:9

“Ho ngini abe ma oraha nimaniata de nia demo niapake hokonaa, niato, ‘Mia Baba o Horogaka, ngomi duru miagorakiye to Ngona ani romanga ma titi Ngona dika nokokurutiye.

Hidingoto 11:17

Ho duru itararono abe Ma Jou wahidoakoka ona ko o Yahudi ma nyawaikaua ai hidoaka abe ma titi Ma Jou o Womaha wihidoakoka. De gea duru imaketero abe hoka ma dihiraino de ai hidoaka ena gea wonahidoakoka ngoneino ma oraha hingaku nanga Baluhu o Yesusu Kristusika. Ho mangale ma titi gea ho ngohi naa duru ko idadiua taoluku eko talawana onangika gea angamoi itararonoka Ma Jou ai hininga ma sanangi itagi onangika.”

Roma 9:19

De marai naga utu abe nia hiningaka nihileha ngohino niato, “De nako Ma Jou ai hininga hokogea, gea done sarakia de ngone hakunu halawana to Una ai mauika? Angamoi nako ngone o nyawa, ko moiua ka idadi hohikala to Una ai mau abe ngoneino.” Marai hokogea nimatemo nia hiningaka.

Higalioli 4:39

“Ho o wange naa ngini kiani niongano-nganono de ufa niawohangika abe nanga Jou o Yawe ka Una dika Ma Jou o Horogaka de o duniauku naa. Duru ko iwa utu nanga Jou!

Yosua 2:11

De nia ade-ade gea ka de ngomi mata-mataino miihene de mia hawana imihifafara ka hiadono mia domoroinoo ma, ko iwaka. De gea ngohi tohioriki idadi mangale ti ngini nia Jou gea Una Ma Jou abe wohipareta o Horogaka daku o dunia ma dihangoka de hiadono dau o duniaukuoo ma, Una wohipareta mata-mataika.