2 Tawari 20:34 - Ma Jou ai Demo-demo o Totobelohoka

³⁴ De mata-mata utu abe o Yosafata wodiai abe ka de ma oraha womulaenge wohikoano hiadono ma bahaika, gea mata-mata ihitulihuku. Abe naga womatengo ai romanga o Yehu abe ai baba o Hanani, de una gea abe wohitulihuku ma ade-ade gea mata-mata o buku moioka ma romanga, “O Kokoano abe Yahikoano o Isiraele ma Nyawaika manga Ade-ade.”

2 Tawari 20:34 ပူးပေါင်းရင်းမြစ်များ

1 Kokoano 14:19

De ma oraha o Yerobeama wahikoano o Isiraele ma nyawa de naga ma ngoe abe ma titi hokokia ai hiaturu ai kokawaahaika de hokokia una de ai tentara yaparangi o nyawa utuika. De ai ade-ade mata-mata gea ihitulihukuoka o buku moioka ma romanga, “O Kokoano abe Ihikoano o Isiraele ma Tonakoka Manga Ade-ade.”

1 Kokoano 16:1

De naga Ma Jou o Yawe ai uru ma dodofanga womatengo ai romanga o Yehu abe ai baba o Hanani. De Ma Jou wihidoaka o Yehuika ai behehongo ma demo abe kiani wadofanga manga koano o Baesaika, wato,

1 Kokoano 16:12

Ho o Simiri gea ai dohata adaene o Baesa ai tau ma doomu mata-mataika hiadono wahikokibinaahaka! Ho naa idadioka duru imaketero abe hoka ma dihira o Yehu, Ma Jou o Yawe ai uru ma dodofanga wadofanga Ma Jou ai hohowono ma behehongo onangika abe manga dutu adaene o Baesa ai tauoka.

1 Kokoano 16:7

De naga Ma Jou o Yawe ai demo utuohi abe wihingahu to Una ai uru ma dodofangika, o Yehu. De Ma Jou ai hingahu gea enangoo ma dumutu o Baesaika de onangikaoo abe to una ai tauoka. De ai hingahu ma higila-gila gea enangoo ma titi o Baesa ai howono kohangoe abe duru itorou Ma Jou o Yawe ai himangoka. De gea hiadono Ma Jou ai ngamo duru ihauku unangika ma titi duru ai datoro itotorou. Abe to una ai tau manga wowango ma datoro duru imaketero dika de o Yerobeama de to una ai tau manga wowango ma datoro, ho hiadono ona mata-mata Ma Jou wahikokibinaahaka.

1 Kokoano 22:45

De o Yosafata wahikadame de o Isiraele ma nyawa manga koano o Ahaba.

2 Tawari 12:15

De mata-mata utu abe idadi ma oraha o Rehabeama wahikoano o Yehuda ma tonakoka, abe ma oraha ahao womulaenge wahikoano ka hiadono ma bahaika, de ma ade-ade gea mata-mata o Semaya wohitulihukuoka ai bukuoka. De naga ma buku moioli abe o Ido wohitulihuku de gea ma titi hokokia manga totofora yolape-lapeuku de gea wohitulihi o bukuoka, de genangokaoo naga utu ma ade-ade abe hokokia idadi ma oraha o Rehabeama wahikoano o Yehuda ma tonakoka. De o Ido gea una abe Ma Jou wihiakunu la wotobahioriki abe ngaro moi ko idadiuahi masara una wohiorikokau abe ahao idadi.