2 Tawari 2:18 - Ma Jou ai Demo-demo o Totobelohoka

¹⁸ De ona o nau-nauru yasana moritumidi abe wahikarajaanga ma kiahonanga ma dodubuho yotobatoraka. De ona yasana moritufange abe wahikarajaanga o loku-lokuoka abe genangoka o hakaru yopawa ihidiai ma popahagi. De naga yasana hange de yaratuhu butaanga wahidadi o hidimono abe yahiaturu ona mata-mataika abe yotobakarajaanga.

2 Tawari 2:18 ပူးပေါင်းရင်းမြစ်များ

1 Kokoano 5:15

De nagali o nyawa yasana moritufange abe o Saloomo wahitagongo la o hakaru yopawa o loku-lokuoka de ma hakaru gea ahao yapake la ihigoko Ma Jou ai Tau. De naga o nyawa utu yasana moritumidi abe yatobatotaka ma hakaru gea de o kiahonanga utuoli o Yerusaleeme ma kotaino.

2 Tawari 2:2

De ona abe yokarajaanga ihigoko Ma Jou ai Tau de o koano ma tau kiani o Saloomo wohiaturu manga karajaanga. De ona abe yokokarajaanga o kia dika naga manga hidimono abe yahiaturu manga karajaanga. De manga ngoe yasana moritumidi, de ona abe yososawaro o hakaru yopawa ihidiai, ona yasana moritufange abe wahikarajaanga o loku-lokuoka. De ona abe yahiatu-aturu ona yotobakarajaangika, ona manga ngoe yasana hange de yaratuhu butaanga.

Yosua 9:21

De ahao ma hihira gea ka yotemohi ato, “Ho abeika kiani hahigunoa la yowango dika.” De gea o Isiraele ma nyawa manga balu-baluhu yomatoomuino de yomakoketemo ma titi ona gea, ho ipahaino de manga putuhu naga la o Hewi ma nyawa gea yahikarajaanga. Ho ona gea yodadi o Isiraele ma nyawa mata-mata manga duduhunu, abe ma titi yatobaono-onoko manga akere de yatobaoto-oto manga hidaulu ma gota.