2 Tawari 17:3 - Ma Jou ai Demo-demo o Totobelohoka

³ De Ma Jou o Yawe ka ihikaika wihiowa o Yosafata angamoi ai wowango ma datoro hoka ai tofora o Dautoli. De una duru ko womahuba-hubaua o pangao o Baalika.

2 Tawari 17:3 ပူးပေါင်းရင်းမြစ်များ

Dodadi 39:21

Masara Ma Jou o Yawe winiiki o Yusupu ngaro una doka o bui ma tau ma goronaka gea. Ma titi ai wowangoka gea Ma Jou widuhunu de ai dora ho hiadono o Yusupu ai wowangoka ma datoro itiai dika. De hokogea to una ai datoro ngaro o bui ma tauoka ho hiadono o bui ma tau ma hidimono duru wisanangi o Yusupika.

2 Samuele 5:10

De ma oraha gea o Dautu ai kuaha enangoo idogo-dogo ilamoko angamoi Ma Jou o Yawe abe duru Wokokurutiye Una ka ihikaika naga o Dautoka.

2 Samuele 8:15

De ma oraha gea o Dautu wahikoano o Isiraele ma tonaka mata-mataika, de wahipareta duru irahai hiadono ona mata-mata yomakao irahai.

1 Kokoano 11:6

Hokogea o Saloomo duru wodiai itorou Ma Jou o Yawe ai himangoka. Abe to una ai hininga ihirehene manga popangaoika hiadono Ma Jou o Yawe ai mau ko waniikokaua hoka ai babali o Dautu ai hininga. Abe ai baba o Dautu duru winiiki Ma Jou o Yaweika dika.

1 Kokoano 22:43

De o Yosafata una o koano irahai abe ai wowango ma datoro hoka to una ai babali o Asa ai datoro. Abe una wodiai iwihisanangi Ma Jou o Yawe ai himangoka.

1 Kokoano 3:3

De o Saloomo una witobanii-niiki Ma Jouika abe ka ihikaika waniiki ai baba o Dautu ai hitiari de ai demo abe ma dihiraino ai baba widotoko unangika. Masara naga moi dika ai datoro abe ko itiaiua, de gea o Saloomo ka ihikaika wodoaiye o loku-lokuiye gea la womahihuba ai huhuba Ma Jouiye.

2 Kokoano 22:2

De o Yosia ai wowango duru itiai hiadono Ma Jou o Yawe wisanangi ai datorika. De o Yosia ai datoro imaketero hoka ai tofora o Dautoli ai datoro, abe o Yosiaoo ko worehenua o totiai ma ngekomino masara ka ihikaika waniiki ma totiai dika.

1 Tawari 22:18

De waleha onangika wato, “Sarakia, nginioka ko iwiwa ti ngini nia Jou, Ma Jou o Yawe? Una winikokiniiki e? De sarakia, Una ko winihikokadameua de ona abe ko o Isiraele ma nyawaua abe ona yogogere o tonakoka abe inahigilolitino? Igoungu, Una duru wonahiriidoka ngone de ona. De ngini o Isiraele ma nyawa ma dimo-dimono, hokogea abe ahao idadi onangokaoo abe yogogere o tonaka mata-mata abe imakadateke de to ngone nanga tonaka, angamoi nanga Jou wahikokidoakoka ahi giamino o nyawa mata-mata gea. Ho ona mata-mata ka ma moi de manga tonaka yogogere Ma Jou o Yawe ai kuahaka. Ho ona gea to ngoneoo nanga kuahaka ma goronaka yogogere angamoi Ma Jou wonahidadi ngone o Isiraele ma nyawa to Una ai nyawa.

2 Tawari 17:2

Ho ai tentara wahitagongo la yogoa-goana o Yehuda ma nyawa manga kota mata-mataika abe yakurungaka de o dadaduhu. De o tentara ma dodoomu utu o Yosafata wahiaturu la o kota homoi-homoiika o Efaraimi ma tonakoka naga o tentara ma doomu genangoka la ka ihikaika yogoa-goana. Abe o Efaraimi ma nyawa manga kota mata-mata gea abe ma dihira o Yosafata ai baba o Asa wahikalaka hiadono o kota-kota gea idadi o Yehuda ma nyawa manga koano to unangoli ai kuahaka.

2 Tawari 17:4

De una duru wolingiri Ma Jou ai hininga hoka ai babali de waniiki Ma Jou ai behehongo de woluku waniiki o Isiraele ma nyawa manga biaha ma oraha gea.

2 Tawari 20:32

De o Yosafata ai wowangoka waniiki hoka o Asa ai babali ai datoro de ko worehe-rehenua. Una wodiai Ma Jou o Yawe ai himangoka abe Una wamake itiai.

Huhupu 3:12

De Ma Jou wipaluhu o Musaika wato, “Ngohi naa tonihidingoto de duru toniniiki de toniduhunu. De ahao naga ma dodunguu Ngohioka de aino tonihidoaka la duru nohioriki abe Ngohi tagou-goungu tonihidingoto. De ma dodunguu gea, ahao ngona noboali nenangino. Abe ka de o Isiraele ma nyawa nahikokihupuoka o Mesiirino de ahao ngini mata-mata niboaino nenangoka la nimahuba Ngohiye o lokuoka naa.” Hokogea Ma Jou wihiputurungu o Musaika de ai behehongo.

Huhupu 4:12

Ho naa ngona tonihulokoli, kiani ngona noiki de ahao ngohi toniduhunu, la ma oraha notemo-temo de ani uru gea ahao Ngohi tohipareta de Ngohi ahao tonidotoko o kia notemo onangika.” Hokogea Ma Jou wihigaro.

Matiusu 1:23

“Abeika, naga momatengo o moholehe abe muna ko ma iwahi yomakitigi de o nauru. De ngaro hokogea masara muna gea naga de ami badangoka. De muna ahao momagerewoto de ami ngofaka o nauru, De Una gea iwihiromanga o Imanuele.” Hokogea ma dodihiraka Ma Jou ai uru ma dodofanga wohitulihuku. De ma romanga o Imanuele gea nako o Isiraele ma nyawa manga demo ma titi, “Ma Jou ka ihikaika naga de de ngone.”

Matiusu 18:20

Angamoi o kiaka dika naga abe inihinooto eko inifoloi abe nimatoomuinoka la niato to Ngohi ahi hininga nianii-niiki, de genangoka Ngohioo naga ti ngini nia hidogoronaka ho ka idadi tiniduhunu.”

Matiusu 25:16

“De ka de una wosobo de ai duduhunu wohira-hira abe wamake o popoje motoa ai dutuino, una gea womulaenge wapake ma tiwi gea hokokia la ahao ka idadi wamake ma hasili genangino hiadono ahao ma tiwi idogoli abe ahao wohigilio ai dutuika. De igoungu ko itedekanuahi de ma popoje motoa gea idadi o popoje ngimoi!”

Matiusu 28:20

De nihidodiai niadotoko onangika abe ihinii-niiki la o huhuloko mata-mataika abe tinihulokoka nginika, gea mata-mata niadotoko la hiadono onangoo naga manga hingounu ahi huhuloko ma demoika. De abeika nitotoihene ahi demoino naa de ufa niawohanga, abe naa tinihingahu abe Ngohi ka ihikaika tininiiki nginioka. De ngaro ka hiadono o dunia ma bobahaika ma Ngohi ko tininoaikaua ma ka nagahi nginioka.” De hokogea o Yesusu ai behehongo iwinii-niikika. Hokogea dika aika ahi buku. Ngohi o Matiusu.

2 Timotiusu 4:22

De naa ngona o Timotiusu tonigahoko la nanga Baluhu idodutu ahao naga ani datekoka wonidodiawo de woniduhunu. De ngini genangoka o doomu moi ngohi tinigahoko la to Una ai owa winihidoaka ngini mata-mataika.

Yosua 1:5

Ho, Yosua, imulaenge ma oraha naa de ka hiadono ngona nohonenge de ngaro onagona dika abe inilawana masara ona de ahao ko yolakua. Abe imaketero hoka ma dihiraino Ngohi ka ihikaika tiniiki o Musa, hokogenangoo ma oraha naa de ngonali toniniiki. Ho ngona ngaro ufa nohawana abe Ngohi ahao toninoaika angamoi ko iwa moi ma oraha Ngohi ko ihiwa ngonaka de ko iwa ma oraha abe ko toniduhunua.” Hokogea Ma Jou ai behehongo o Yosuaika.

Yosua 1:9

“Ho naa ahi demo ngonaika tohigalioli tonihuloko, tato ‘Ngona, Yosua kiani nomaputuhu abe ngona de ani buturungoka de ani domoroinoka!’ Ho ngaro o kiaika dika nohimanga ma, ufa de o hawana inihifafara de ufa ani hininga ihuha angamoi Ngohi, Ma Jou o Yawe, to ngona ani Jou, naga toniniiki ka ihikaika ho ngaro o kiaika dika ngona ahao noiki ma Ngohi toniduhunu.” Hokogea Ma Jou o Yawe ai behehongo ma demo la wihiputurungu o Yosuaika.

Hihira 2:11

Hokogea iwiwohanga hiadono o Isiraele ma nyawa yodiai abe duru itotorou Ma Jou o Yawe ai himangoka. De Una wamake ona iwiporetika de yomahuba o pangaoika abe ihiromanga o Baala de waetongo manga datoro yodiai itorou.

Hihira 2:18

De nako adonokali Ma Jou o Yawe wahidailakokali manga hihira de duru wahiakunu la yolaku manga musuika. Abe o Isiraele ma nyawa manga hihira gea Ma Jou iwiniiki ka hiadono manga hihira gea manga wowango ma bahaika. De Ma Jou ai dora ma hiokoo itagi ai nyawaika hiadono ona abe wahiakunu yahihira ka idadi wapake la o Isiraele ma nyawa wahihupu manga musu manga giamino.

Hihira 6:12

De Ma Jou ai malaekata gea womahimatoko o Gideonika de wotemo unangika, wato, “Ngona tonihiromanga notobamoroini noparangi, de Ma Jou o Yawe naga ngonaka!”

Hihira 8:33

De o Gideono wohonengoka de ahao o Isiraele ma nyawa ko yomahihohiningakaua Ma Jou ai buturungu abe ma dodihiraino waduhunu de ko yomahijouokaua Ma Jouika. De ona yomahuba o Baalika abe ihiromanga o Behehongo ma Baala de yomahijouoli o pangaoika gea.

1 Samuele 18:12

De hokogea ka idadi itodokanino o Saulu ai dohata itagi o Dautika angamoi wimodongo unangika. De angamoi ihititi ai daleanoka de aino abe ma oraha naa Ma Jou o Yawe ko winiikokaua o Saulika mangale o Dautikali winiiki.

1 Samuele 18:14

De o Dautu ngaro o kia dika wodiai masara ka ihikaika mata-mata de ma hasili ma rorahai wamake angamoi Ma Jou o Yawe naga unangoka.

1 Samuele 18:5

Ho o Dautu duru wileleani ai koano itiai de o kia dika o Saulu wihikarajaanga o Dautika de ai karajaangino gea wamake ma hasili duru irahai. Ho o Saulu o Dautu wigoraka la wihidadi ai tentara ma hidimono moi. De o Isiraele ma nyawa mata-mata de manga tentara ma dimo-dimono ona duru yosanangi ma titi o Dautu unangoo wodadioka manga tentara ma hidimono.