2 Tawari 12:5 - Ma Jou ai Demo-demo o Totobelohoka

⁵ De o Yehuda ma nyawa manga dimo-dimono duru yohawana hiadono yokokiloara o Yerusaleeme ma kotaika de yomadatoko genangoka done o Sisaka wahohonenge. De ahao Ma Jou ai uru ma dodofanga womatengo ai romanga o Semaya woboa o Rehabeamino de naga o Yehuda ma nyawa manga hohidimono onangoo yatoomuino manga koano o Rehabeamoka o Yerusaleeme ma kotaka. De o Semaya wahingahu onangika gea wato, “Hokonaa Ma Jou o Yawe ai demo nginika, wato, ‘Ngini nihinoaikaka Ngohi ti ngini nia Jou ho naa Ngohioo tininoaikaka de tinihidoaka ma koano o Sisaka ai kuahaika.’” Hokogea Ma Jou ai hohowono ma demo abe o Semaya wadofanga o Yehuda ma nyawa manga dimo-dimonika.

2 Tawari 12:5 ပူးပေါင်းရင်းမြစ်များ

1 Kokoano 12:22

Masara Ma Jou witemo ai uru ma dodofangika abe ai romanga o Semaya, wato,

1 Tawari 28:9

De ahao nagali ai demo ma dumutu o Saloomoika wato, “De naa ahi behehongo ngonaika ahi ngofaka o Saloomo, tonihibehehongo la ani baba ai Jou to Una ai hininga kiani nohitihira abe mata-mata nodiai. De nileleani Ma Jou de to ngona ani hininga ma gahumu de ka ihikaika nomahidiaioka nodafongo mata-mata abe Una wonihidumutu ngonaika. De angamoi Ma Jou o Yawe watailako mata-mata o nyawa manga kokihiningaika de ngaro manga hininga ma dumutu ma genangoo mata-mata wohiorikoka. De ufa hafikiri abe ngone ka idadi Ma Jou hibudi. De nako duru de nanga hininga ma gahumu de nanga jiwa ma gahumu hilingiri to ngone nanga Jou de ahao ai mau hamake ngoneino. Masara nako hinoaika de hiadono hiolukoka de igoungu, Una ahao wonaoluku ngone ka hiado-adonika.

2 Tawari 12:15

De mata-mata utu abe idadi ma oraha o Rehabeama wahikoano o Yehuda ma tonakoka, abe ma oraha ahao womulaenge wahikoano ka hiadono ma bahaika, de ma ade-ade gea mata-mata o Semaya wohitulihukuoka ai bukuoka. De naga ma buku moioli abe o Ido wohitulihuku de gea ma titi hokokia manga totofora yolape-lapeuku de gea wohitulihi o bukuoka, de genangokaoo naga utu ma ade-ade abe hokokia idadi ma oraha o Rehabeama wahikoano o Yehuda ma tonakoka. De o Ido gea una abe Ma Jou wihiakunu la wotobahioriki abe ngaro moi ko idadiuahi masara una wohiorikokau abe ahao idadi.

Higiriiri 37:33

Masara Ma Jou o Yawe ko wahigunoaua la manga hidee gea idadi, De wohiaturu la una abe wotobaurusu nako igoungu yahowonoka, Una wato o totiai ma nyawa gea ko yahowonua, Ho gea manga hohowono enangoo ko yadaenua.