2 Tawari 11:16 - Ma Jou ai Demo-demo o Totobelohoka

¹⁶ Ho o nyawa abe de manga hininga ma gou-goungu ato yomahuba o Isiraele manga Jouika dika, Una Ma Jou o Yawe, ona gea yaniiki o Lewi ma nyawa abe yomaturuuruoka daku o Yerusaleeme ma kotaiye. De genangoka ka idadi manga huhuba yahihuba Ma Jou o Yaweika imaketero hoka ma dihira manga totofora yomahuba-huba manga Jouika.

2 Tawari 11:16 ပူးပေါင်းရင်းမြစ်များ

1 Tawari 22:1

De ipaha o Isiraele ma nyawa manga koano o Dautu womaputuhu ma ngi o Yerusaleeme ma kota ma goronaka abe genangoka ahao ona ihigoko Ma Jou ai Tau. De o ngioka gea wahingahu ai nyawaika wato, “Nenanga ma ngi abe ahao hohigoko nanga Baluhu Ma Jou o Yawe ai Tau. Abe nenangoka ahao naga o huhuba iharo-harongo ma ngi la ngone o Isiraele ma nyawa ahao hapake la homahihuba nanga huhuba iharo-harongo.” Hokogea o Dautu womaputuhu ma ngi abe genangoka wohiaturu ona abe ihigoko Ma Jou ai Tau.

1 Tawari 22:19

Ho gea ma titi Ma Jou o Yawe womalega ngoneino de ai hiokoo de ai dora hiadono duru wonaduhunu kohangoe. Ho ngini o Isiraele ma nyawa manga dimo-dimono kiani duru de nia hininga ma gahumu de nia jiwa ma gahumu niapaliara nia gogao ti ngini nia Jouika. De naa ko itedekanokaua de nimulaenge nihigoko Ma Jou o Yawe ai gogere ma ngi ma debi-debini. De ma oraha niabootoka de ahao ka idadi Ma Jou o Yawe ai Behehongo ma Peti nihingohama ai ngi duru ma debi-debinika. De genangoka niakelenga de ma kiahonanga abe Una ma hirete womadingakoka la ona abe iwileleani Ma Jou o Yawe ka idadi yapake la hiadono ngini mata-mata to Una ai romanga niagorakiye.” Hokogea o Dautu ai behehongo o Saloomoika de ai popareta ma dimo-dimonika onangoo yoihene.

2 Tawari 11:17

De o Isiraele ma nyawa manga ngoe yomaturuuru o Yehuda ma tonakiye hiadono utuohi yowoe abe yomahikoano o Rehabeamika, ho to una ai kuaha ma buturungu idogo ilamoko. De o taongo hange ma dekanino manga hininga isanangi o Saloomo ai ngofakika abe manga koano o Rehabeamika. De duru ai kokawaaha yoigo iwihingounu Ma Jou o Yaweika abe hoka ma dihirali manga gogianongoru Ma Jou iwiniiki ma oraha o Dautu de o Saloomo yahikoano.

2 Tawari 20:3

Ka de o Yosafata manga hingahu gea woihene de ai hawana ipuda de womaputuhu abe duru ihira wodiai kiani womaniata Ma Jou o Yaweika la wamake to Una ai ngekomo. De kiani ai kokawaaha to onangoo manga hininga ma dumutu moi dika de gea la ona mata-mataika iwiniiki yomagahoko Ma Jouika. Ho o Yosafata wahibehehongo la ona o Yehuda ma tonakoka mata-mataika ufa yolomo ka hiadono yamake Ma Jou ai hininga onangika.

2 Tawari 20:4

De ahao o Yehuda ma nyawa duru ko manga ngoe yoboa o Yerusaleemino. De igoungu, ona ka hiadono naga manga kota mata-mataino yoboa yomatoomuino manga koanoino la iwiniiki yomagahoko o duduhunu abe Ma Jou o Yaweino.

Huhupu 9:21

Masara ona utu ko yopusingua Ma Jou o Yawe ai demoika gea ho hiadono manga nyawa abe manga huhuloko de manga aewani o dofo yanoaika manga redioka de ko ihingohamua.

Hidingoto 11:23

De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.

Higalioli 32:46

“Abe ma behehongo ma demo mata-mata tinidofanga nginika o wange naa, ngini kiani ka ihikaika nimahihohininga de nianiiki enangika. De kiani niadotoko ma demo mata-mata gea nia ngofa-ngofakika la onangoo ka idadi yatobaniiki enangika.