2 Samuele 9:7 - Ma Jou ai Demo-demo o Totobelohoka

⁷ De o Dautu witemo unangika wato, “Ngona ngaro ufa nohawana abe ngohi toniahokino ma titi ani baba o Yonatana. Una de ngohi duru mimaketedodiawo de mia dora ma gou-goungu de ngohi naa ahi dora ma hiokoo itagi ngonaika. De ngohi naa ahao ani ete o Saulu ai tonaka mata-mata tohigilioli ngonaika la idadi to ngonali ani tonaka. De ngona ahao ka ihikaika nolomo to ngohi ahi mejaka abe ahi tauoka naa.”

2 Samuele 9:7 ပူးပေါင်းရင်းမြစ်များ

Dodadi 43:18

Ho gea o Yusupu ai ria-dodoto ka de yamake manga dumutu ahao genangika wao de duru yohawanoka. De yomakoketemo ato, “Naa adonoka inataoko! Marai ma titi ma tiwi gea ihigilio nanga karongika hiadono inataoko hokonaa. Marai wonahideeoka wonahidadi to una ai gogilaongo angamoi wato ngone hidohiki ho naa ka idadi wonahohowono de marai wonahikarajaanga kohadubuho. De marai nanga keledai mata-mata womahitouna.” Hokogea ipuda manga hiningaka.

Dodadi 43:23

De ahao una wohiatu-aturu gea wapaluhu onangika wato, “Ngini naa ngaro ufa nihawana de ufa nia hininga ihuha ma titi ma tiwi gea abe o inomo ma bobangu. De angamoi ma inomo ma tiwi gea ena ngohi tamakeokau. Ho marai ti ngini nia Jou, abe nia totofora manga Jou, gea Una wohiaturoka la nia tiwi naga genangoka nia karongo ma goronaka.” Hokogea wahingahu onangika ibooto de ahao manga ria-dodoto o Simeono wihihupu de wingotaka onangika.

2 Samuele 12:8

De ma oraha naa to una ai tau tonihidoakoka ngonaika la idadi to ngonali ani tau. De ngaro to una ngoi feka-fekata ma onangoo tonihidoaka ngonaika. De o Isiraele ma nyawa mata-mataika tahidoaka to ngona ani kuahaika la ona nahikoano ngaro dau o Isiraele ma tonakoka de onangoo daku o Yehuda ma tonakoka. De nako hokogea ko iniwedonuahi Ngohi tosanangi tonihidogo ngonaika ahi hidoaka hokogenangoli ma amoko.

2 Samuele 9:1

De o wange moiuku duru o Dautu womahohininga abe ai behehongo ma dihira wihibehehongo o Saulu ai ngofaka o Yonatanika abe duru widodiawo. Ho waleha ai duduhunika, wato, “Sarakia, naga o nyawa o Saulu ai tauoka abe nagahi la ka idadi ahi dora ma hiokoo tahimatoko onangika? Ma dihira ngohi de ai ngofaka o Yonatana duru mimaketedodiawo irahai de ma titi gea ho duru toigo la ona taduhunu nako nagahi.”

2 Samuele 9:10

De ngona de ani ngofa-ngofaka de ani gogilaongo o Mefibosetikali niwileleani. Abe ngohi tinihikarajaanga la ai oara ma tonaka de ma redi-redi ngini kiani niapaliara irahai. De o joro niodatomo de ahao ma hasili genangino idadi o Mefibosete ai utumu de idadi manga inomo abe yogogere to una ai tauoka. Masara nako o Mefibosete una ka idadi wogogere to ngohi ahi tauoka.” Hokogea o Dautu ai hiaturu de ai dora ma hiokoo itagi o Mefibosetika. De o Siba to una ai ngofaka o nau-nauru yangimoi de yamotoa de ai gogilaongo ona yamonaoko de naa una wipaluhu o Dautika, wato,

2 Samuele 9:11

“Ahi baluhu, ngohi duru tosanangi dika taniiki mata-mata abe nohihulokoka.” De ma oraha gea o Mefibosete womaturuuru ma koano ai tauika de unangoo wodadi imaketero hoka o Dautu ai ngofaka abe ai biaha una de o Dautu yomakutuono yolomo o Dautu ai mejaka.

2 Samuele 9:13

Hokogea o Mefibosete ai ade-ade abe una duru wosuga ai lou arihononga de wogogere o Yerusaleeme ma kotaka abe duru o koano ai tau ma goronaka.

2 Samuele 9:3

Ho o Dautu wilehali o Sibaika wato, “Ho sarakia nagahi o nyawa abe o Saulu ai tauino ma nyawa abe ka idadi ngohi tahimatoko onangika Ma Jou ai dora ma hiokoo?” De o Siba wato, “Ahi koano, naga womatengo o Yonatana ai ngofaka o Mefibosete. De una gea wosuga arihononga.”

1 Kokoano 2:7

“De nagali ahi demo ngonaika ma titi o Gileada ma nyawa o Barasilai ai ngofa-ngofaka. Abe ona gea ma dihiraino de ihiduhunu de ihigoana ma oraha ani riaka o Abasalomo wohikiniiki ngohi wato wohitoma ho ngohi toara. Ho mangale ma titi manga datoro gea ho ngohi tagahoko la ngona nahoko ona gea ani tauino de ka idadi ona de ngona nimakutuono niolomo ani tauoka ka ihikaika.”

Higiriiri 41:9

Abeika ahi dodiawo abe duru tidodiawo itiai unangika, Una o dodiawo abe duru tingaku unangika, De ngaro ngohi ahi roti tihikodoku unangika, Masara una ma oraha naa wohiolukoka ngohi.

Matiusu 6:11

De ngomi mimagahoko la Ngona o wange naa nomihidailako to ngomi mia inomo abe ka idadi imiwedono.

Lukasa 22:30

De hongoli tinihidoaka la ahao dokengika gea de ngone ka idadi homakokutuono holomo ahi mejaka. De nagali abe ngini ahao niborigogeruku abe o kadera ma hohailoauku la niatailako de niatobauru-urusu o Isiraele ma nyawa manga doomu ngimoi de hinooto gea.”

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”

1 Samuele 12:24

Masara nginioo kiani de nia horomati ma modongo ma gou-goungu, de nia hininga ma gahumu, nimahuba-huba Ma Jou o Yaweika dika. De ka ihikaika nimahihohininga mata-mata abe winiduhunoka la nia hiningaka ka ihikaika naga nia higiriiri itagi Unangika.

1 Samuele 20:15

Ho togahoko la ngona ka ihikaika naduhunu ona abe naga ahi tauoka, la ani dora duru ko itoa-toakua ka hiado-adonika. De ahao ma oraha adonoka to ngona ani musu Ma Jou o Yawe wakokihohonengoka de ona ahi tauoka kiani naduhunohi.

1 Samuele 22:23

Ho ngona o Abiatara, ngona ka idadi nomanoa ngohioka dika de ko kia-kiaua idadi ngonaika. Abe ngohi tonihibehehongo ngonaika tato duru tonigoana la ufa ngonaoo nohonenge. Angamoi una gea abe wonihidee ngonaika, unangoo wohihidee itorou ngohino wato wohitoma. Masara ngohi duru ko tihigunoaua, ho ibootohi nimodongo unangika gea.” Hokogea o Dautu wilaru o Abiatarika.