2 Samuele 9:6 - Ma Jou ai Demo-demo o Totobelohoka

⁶ Ho ona yoiki o Mefibosetika de gea iwiaoino de una duru womaponuku o Dautu ai himangoka hiadono ai himanga itikiuku ka hiadono o meheluku. De o Dautu wato, “Mefibosete!” De o Mefibosete wopaluhu, wato, “Iya, ngohi naa ani gilaongo.”

2 Samuele 9:6 ပူးပေါင်းရင်းမြစ်များ

Dodadi 18:2

De o Abarahaama womaboaiye de iwitodokana abe naga ko yokurutikaua Ma Jou o Yawe de o malaekata yahinooto masara manga rupa duru hoka o nyawa o nauru yahange yomaokoino genangoka. Ka de yahange gea wamake de o Abarahaama ai ngoranoka wosoboka la womataiti wabuhuku. De gea wabuhuku de ai horomati ho manga himangoka de womaponuku hiadono ai pea itiki ma tonakuku.

Dodadi 33:3

Hokogea watatoro ibooto de ahao o Yakubu una wohira-hira womabole-bole wotagi ai riakika wibuhuku. Ka de ma oraha wotigioka unangika de o Yakubu duru de ai horomatioka womaponuku ma tumidino hiadono ai pea itiki o tonakuku o Esau ai himangoka.

2 Samuele 1:7

De o Saulu womadogilioro de wohimake de wohiahoko ngohi la toboa. De ngohi topaluhu, tato, ‘Ngohi naga nenangoka ahi baluhu!’”

2 Samuele 9:5

De gea o Dautu woihene de wahuloko ai duduhunika wato, “Ngini niloiki o Lodebarika de niwile o Yonatana ai ngofaka o Mefibosete. Una wogogere o Makiri ai tauoka de o Makiri gea una abe ai baba o Amiele.”

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.

1 Samuele 25:23

Ka de o ngo Abi mimake o Dautu de momataiti mouti ami keledaioka de mauku ma tonakuku. De ahao muna duru momaponuku ai himangoka.