De o Uria wopaluhu wato, “Ngaro Ma Jou o Yawe ai Behehongo ma Peti, de ngaro o Isiraele ma tentara, eko o Yehuda ma tentara, ona mata-mata yomatau o ngoerino dika. De ngaro nanga tentara ma hidimono o Yoaba, de abe utu nanga hidimono iwiduhunu, masara to onangoo manga ngidu ikangela ma hoanoka dika. Ho gea duru ko itiaiua nako tomahiaini tososanangi dika ahi tauoka la tolomo, de tokere, de tomaidu de ngohi fekata! Ahi koano, ngohi naa duru tagoungu tonihibehehongo, ngohi duru toluku hokogea todiai abe ko itiaiua!” Hokogea o Uria ai demo duru de ma buturungoka o koanoika.
2 Samuele 7:6 - Ma Jou ai Demo-demo o Totobelohoka6 Masara Ngohi hokonaa. Ngaro abe ma dihira o Isiraele ma nyawa tahihupu o Mesiiri ma tonakino de ka hiadono o wange naa masara Ngohi ma ngoe tomaturuuru ho ko ma moiuahi tomanoa o tau ma gou-goungu ma goronaka. Hokogea ma dekana Ngohi o tau o ngoerino dika ma goronaka abe togogere ti ngini nia hidogoronaka. အခန်းကိုကြည့်ပါ။ |
2 Samuele 7:6
15 ပူးပေါင်းရင်းမြစ်များ
De o Setefanusu wogila-gila wotemo wato, “De igoungu abe ma oraha nanga totofora yomanoa o tonaka ma kakaahaka de naga onangoka Ma Jou ai Tau o Ngoerino abe doka ma goronaka de naga to Una ai Pareta abe wahibehehongo onangika. De ma oraha yodiai ai Tau o ngoerino gea de duru yaniiki itiai Ma Jou ai hidumutu ma demo abe wihimatokoka o Musaika la ihioriki hokokia ma tau gea ihigoko.
De done sarakia Ma Jou ai Tau de o popangao ma tau imakiniiki? Duru imakohowono! De abeika ma titi ena gea homafikirohi, angamoi ngone naa homaketero abe hoka Ma Jou ai Tau abe Una gea duru wotobawango ka hiado-adonika. Abe Ma Jou Una ma hirete ma dodihiraino de wotemo wato, “Ngohi ahao tomanoa onangoka de totagi-tagi to ona manga hidogoronaka. De Ngohi todadi to ona manga Jou ho ona to Ngohi ahi nyawa.”
De ahao Una gea wohihuloko wato, “Naa ngona nohitulihuku ahi demo naa abe o Efesusu ma gareja manga malaekatika, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ma murumu tumidi tasoino ahi giama ma nirakoka, de Ngohi totagi-tagi abe ma posi ma liate tumidi o gurasino ma hidogoronaka.’” Hokogea Una womahingahu.
ကြော်ငြာတွေ