2 Samuele 7:18 - Ma Jou ai Demo-demo o Totobelohoka

¹⁸ De Ma Jou ai hingahu mata-mata gea woihenoka de ahao o Dautu woiki Ma Jou ai Tau o Ngoerino de wogogeruku Ma Jou o Yawe ai himangoka. De womaniata Ma Jouiye wato, “Ngona Ma Jou o Yawe abe mata-mataika igogere ani kuaha ma goronaka! De ngaro ngohi naa ko kia-kiaua ihidaene abe naga ngohioka masara Ngona nomalega ngohino de nohiduhunoka de nohihiowaka. De ona ahi tauoka onangoo ko kia-kiaua abe naga onangoka masara Ngona ma dihira de ka hiadono ma oraha naa nomiduhunoka ma ngoe.

2 Samuele 7:18 ပူးပေါင်းရင်းမြစ်များ

Dodadi 32:10

De igoungu ngohi tanu ko kiaua ihidaene to Ngona ani himangoka masara Ngona Ma Jou nato ka ihikaika nohipaliara ngohino de ani kuaha. De ani dora nohihimatoko ani gilaongo ngohino naa duru ko itoa-toakua abe Ngona nohihibehehongo ngohino hokogea. Ngohi ka de ahi tauoka tosobo de gea ka ahi tutukunu dika naga ahi giamoka ma oraha o Yorodani ma akere naa totobongino. Masara abeika hokokia nohihiowa naa hiadono ahi doomu ma ago-agomo o gahumu hinooto!

Dodadi 32:11

O ahi Jou o Yawe, duru tomagahoko la nohiduhunu ahi riaka o Esau ai giamino. Ngohi tohawana tato bote ai hiningaka ai hidee la wohitoma ngohi de marai ngohi feka-fekata de ahi ngofa-ngofaka onangoo ka ma moi womihidotoma.

2 Samuele 23:5

De to ngohi ahi tau Ma Jou wahiowa ma ngoe, De angamoi Una wohihibehehongo abe ahi tau wairikoka, De ai behehongo ngohino ka ihikaika ilaku ka hiado-adonika, Abe Una wohiaturu la idadi imakiniiki de ai behehongo gea, De ena gea igogere Unangoka ho gea ko idadiua wawohanga. De ngaro ahi howono naga masara ahi hohowono waofioka. De wohiduhunu la naga o lolaku ahi wowangoka, Ho o duduhunu mata-mata abe ngohi tonganono ahao idadi, Abe Una de ai hininga ma igoka de aino wohingodumu ai behehongo.

2 Samuele 7:17

Hokogea Ma Jou o Yawe ai uru ma dodofanga o Natana mata-mata wihingahu o Dautika abe Ma Jou wihingahuoka unangika.

1 Tawari 29:14

Abe ma kiahonanga nenanga miatoomuino o wange naa, Ena gea ngomi miato mata-mata to ngomi mia hidoakino, Masara ena gea mata-mata ka Ngonaka dika de aino, Ho naa mihigilio Ngonaikali, abe Ngona ihira nomihidoaka ngomino.

Higiriiri 8:4

De abe ma oraha ngohi tomamatagaiye la tomalega ma dihangika, de to Ngona ani hagaraara ma hasili tamake, abe tapulono o mede de o muru-murumiye abe Ngona nohigogere daku o dihangoka. Ho ka de tamake ani dulaada ma hohailoa gea de kiani tomaleha,

Huhupu 3:11

Masara o Musa womademo Ma Jouika wato, “Ahi Baluhu, mode ngohi naa onaguna ho hiadono ka idadi tihimanga o Firaunu de ka idadi tahihupu o Isiraele ma nyawa o Mesiiri ma tonakino?”

Efesusu 3:8

De gea ngohi duru toheranga abe ma tagongo ma hohailoa gea wohihidoaka ngohino, angamoi nako ngohi de o nyawa utu mata-mata iwingaku-ngakuoka, ma ka ngohiohi tanu duru ko kia-kiaua ihidaene. Masara ngaro hokogea ngohi, ma Una wohihitagongo de ma karajaanga ma hohailoa gea la wato ngohi tahingahu-ngahu abe ko o Yahudi ma nyawaikaua ma titi to Kristusu ai owa abe ngone ai nyawaino. De gea ai owa duru ma amoko de duru ka irahaiholi hiadono ko hakunua ngone hatuga, de nanga hiningaka enangoo ko aboaikaua genangika.

Hihira 6:15

De o Gideono wopaluhu wato, “Masara ahi Baluhu done sarakia ngohi naa tapoa o Isiraele ma nyawa mata-mataika tahihupu manga kangelaino? Ngohi naa o Manase ma dutuino de nako o Manase ma nyawa manga dutu ma doomuino o fam mata-mataika gea ka to ngohiohi ahi fam ko yoputurungua. De ngaro ahi baba ai tauoka ma ka ngohiohi ko toputurungua.” Hokogea o Gideono womaademo.

Ruutu 2:10

Ka de ai demo gea moihene de o ngo Ruutu momaponuku ai himangoka hiadono ami pea itiki o tonakuku de motemo mato, “Ahi baluhu, adodoa ho ngona nohilegaika ngohino de ani dora ngaro ngohi o homoaino ma nyawa dika?”

1 Samuele 15:17

De o Samuele wihiree-reeika wato, “Ngaro ma dihiraino ngona nomahitipokouku, masara ka enangua dika hiadono Ma Jou woniiriki ngona. Sarakia, ngona ko nomangaratiiua abe nodadioka o Isiraele ma nyawa manga dutu mata-mataika manga hihira? Ma Jou o Yawe woniiriki de wonihitunguuoka abe wonihidadioka o Isiraele ma nyawa manga koano.

1 Samuele 18:18

Masara o Dautu womahilooa unangika, wato, “Ngohi naa onaguna la hiadono ihigoraka la todadi o koano ai toroa? De abeika ngomi ahi baba ai tauoka! Nako naga imihidotelega de o Isiraele ma nyawa utu de ngomi ko kia-kiaua.” Hokogea o Dautu ai hilooa ma demo o koanoika.

1 Samuele 9:21

De ahao o Saulu wopaluhu wato, “Masara, ahi baluhu, ngohi naa o Benyamini ma dutuino abe nako o Isiraele ma nyawa manga dutu ngimoi de hinootoino ka ngomiohi mia dutu mihutulu. De ngaro to ngohi ahi fam ma ka ngomiohi mia famoka mihutulu o Benyamini ma dutuino. Ho ngomi ko kia-kiaua o Isiraele ma nyawa manga himangoka, ho adodoa ho ngona nohihingahu hokonaa?” Hokogea o Saulu duru wopusingi o Samuele ai demoika.