2 Samuele 7:17 - Ma Jou ai Demo-demo o Totobelohoka17 Hokogea Ma Jou o Yawe ai uru ma dodofanga o Natana mata-mata wihingahu o Dautika abe Ma Jou wihingahuoka unangika. အခန်းကိုကြည့်ပါ။ |
De Ma Jou ai hingahu mata-mata gea woihenoka de ahao o Dautu woiki Ma Jou ai Tau o Ngoerino de wogogeruku Ma Jou o Yawe ai himangoka. De womaniata Ma Jouiye wato, “Ngona Ma Jou o Yawe abe mata-mataika igogere ani kuaha ma goronaka! De ngaro ngohi naa ko kia-kiaua ihidaene abe naga ngohioka masara Ngona nomalega ngohino de nohiduhunoka de nohihiowaka. De ona ahi tauoka onangoo ko kia-kiaua abe naga onangoka masara Ngona ma dihira de ka hiadono ma oraha naa nomiduhunoka ma ngoe.
De o wange moiuku Ma Jou ai uru ma dodofanga o Natana una naga o Dautu ai datekoka de o Dautu witemo o Natanika, wato, “Abeika, ngohi naa togogere o tau duru ma rorahaioka naa. De ahi tau yodiai o gota o semaraino abe ka enangohi duru iumuru de duru irahai masara abe Ma Jou o Yawe ai Behehongo ma Peti, ena ka igogerohi o tau ma goronaka abe ka o ngoerino dika.” Hokogea o Dautu ai hininga womahingahu.
Angamoi nengokadau ngohi tinihikodokuoka nginika ma dodotoko abe ma titi o Yesusu Kristusu. De abe nako ma dodotoko eko ma hingahu mata-mataika, ma ka enangohi ikurutiye. De ma dodotoko gea ma dihira ngohioo tamake imaketero hoka nginioli niamake. De hokonaa ma dodotoko gea, itemo ato, “O Kristusu Una wohonenge ma titi to ngone nanga howono, de ai hohonenge gea idadi imaketero hoka ma dihira Ma Jou ai Demo-demoka ihitulihukuoka.