2 Samuele 7:14 - Ma Jou ai Demo-demo o Totobelohoka

¹⁴ De Ngohi Ma Jou todadi ai baba de una wodadi ahi ngofaka. De ma oraha una naga ai howono Ngohi ahao utu o nyawa tapake la iwihohowono abe ona ahao yodadi to Ngohi ahi boboha.

2 Samuele 7:14 ပူးပေါင်းရင်းမြစ်များ

1 Kokoano 11:34

Hokogea Ma Jou ai hininga ka hiadono Una wotemo wato, “‘Ngaro o Saloomo wahowono ma ngoeika masara, Ngohi ka tihigunoahi ahi nyawa wahikoano ka hiadono wohonenge. Hokogea todiai angamoi duru tihininga ahi gilaongo o Dautu abe una tiirikoka de mata-mata duru waniiki itiai ahi behehongo de ahi pareta. Ngohi ko tagorakua ahi nyawa o Saloomo ai kuahaino angamoi una o Dautu ai ngofaka ho una ka idadi ona mata-mataika wahikoano ka hiadono ai wowango ma bahaika.

1 Kokoano 9:6

“Masara nako hoka ngona eko womatengo ani totoforaukuino gea ahao nirehene de nihiporete Ngohi abe ahi pareta de ahi huhuloko ma demo nioluku nianiiki de hiadono o jou-jou ma homoali nimahijou enangika, gea ahao Ngohi naa kiani tinihohowono nginika.

1 Tawari 22:10

De una gea wohigoko ahi tau abe genangoka ahi romanga o nyawa ka ihikaika yagorakiye. Una wodadi to Ngohi ahi ngofaka de Ngohi todadi to una ai baba. De una o koano abe to una ai kuaha Ngohi tohidagi ka ihikaika ahi nyawaika. Abe tonihibehehongo tato to una ai kadera ma kuaha naga o Isiraele ma nyawaka ka hiado-adonika.’”

1 Tawari 28:6

Abe Ma Jou wohihingahu ngohino, wato, ‘Ani ngofaka o Saloomo una ahao wodiai to Ngohi ahi tau de naga de ma loa-loaka. De mangale ma titi una gea tiirikoka la wodadi to Ngohi ahi ngofaka de Ngohi todadi to una ai baba.

Higiriiri 2:7

De ahao ma Koano gea wohidogo to ai Baba ai hingahu, wato, “Ngohi naa Ma Jou ai koano abe womahitounangoka, Ho ma titi Ngohi, hiadono Ma Jou o Yawe ai demo hokogea, Abe Una ma dihiraino wohihingahuokau Ngohino wato, ‘Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.

Matiusu 3:17

De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”

1 Korintusu 11:32

Masara nako hiadono kiani Ma Jou wonahohowono abe wonadotoko ngoneino, gea wonadotoko de wonaduhunu la wato wonahigilioli ma totiaiino. De hokogea Ma Jou wonadotoko la ahao ngone o hohowono ko hamakeua abe imaketero hoka o dunia ma nyawali manga hohowono ahao yamake.

2 Korintusu 6:18

“De ahao Ngohi todadi ti ngini nia Baba ho ngini ahi ngofa-ngofaka o nau-nauru de o ngo-ngofeka.” Hokogea ma dodihiraino ihitulihukuoka to Ma Jou Wokokurutiye ai demo abe wotemoka. Ho to ngohioo ahi demo imakiniiki de to Unangoli, abe duru tinihitiari tato ufa nimahidiliko onangika abe ko iwingaku-ngakua.

Ibarani 1:5

De gea hohioriki duru itaana, angamoi abeika, duru ko ma iwa abe Ma Jou wihiromanga ai malaekatika wato, “Ahi ngofaka.” O malaekata moioo de ko iwa abe hokogea wahiromanga. Masara abeika Ma Jou ai demo ma dodihiraino abe ai Ngofakika, abe Una wato, “Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.” De naga moioli abe ma dodihiraino de ihitulihukuoka to Una ai Demo-demoka abe ma titi ai Ngofaka wato, “Ngohi ahao todadi to Una ai Baba, ho Una gea ahao to Ngohi ahi Ngofaka.” Masara duru ko ma moiuahi Ma Jou wotemo hokogea ma titi ai momalaekatika.

Himatoko 21:7

De onagona dika yolaku ho ma dorou ko yahikalaua onangika, ona gea ahao yamake ma hiowa mata-mata gea Ngohioka, de Ngohi todadi to ona manga Jou, ho ona gea yodadi to Ngohi ahi ngofaka.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.