2 Samuele 7:1 - Ma Jou ai Demo-demo o Totobelohoka

¹ De Ma Jou o Yawe ka ihikaika o Dautu widatoko o kangela manga musu mata-mataino ho wososanangi dika o koano ma tauoka abe duru ma rorahai genangoka wogogere.

2 Samuele 7:1 ပူးပေါင်းရင်းမြစ်များ

2 Samuele 5:11

De ma oraha o Dautu wodadioka o koano de ahao o Tirusu ma nyawa manga koano o Hurama una wahidingoto ai nyawa yamuruono naga o Dautika. De nagali o Hurama ai nyawa abe yososawaro ihigoko o tau wahidingoto unangika. Abe naga utu yososawaro yopelaka o gota, de utuoli yososawaro yokarajaanga de o papaawa o hakaruoka. De wohidingotoo o semara ma gota ma ago-agomo de ma gogurutiye abe atolangoka. Ho ona mata-mata abe wahidingoto o Dautika ona yomahikarajaanga moi la ihigoko o Dautu ai tau moi duru ma rorahai.

2 Samuele 6:23

Hokogea o ngo Mikala ami hininga, ho muna gea ami ngofaka moioo de duru ko mamakeua ka hiadono ami wowango ma bahaika.

2 Samuele 7:11

Abe ngaro ma dihira abe Ngohi ma oraha tomulaenge tahidoaka onangika manga hihira, abe yototuruuru yahihira-hira o Isiraele ma nyawa, de naga manga musu ka ihikaika yahikangela. Masara ngona o Dautu ani musu ahao ko hokogenangokaua inihihuha hoka ma dihira de ma dubuho inihihuha.”’ ‘“De nenangoo Ngohi, Ma Jou o Yawe tonihibehehongo abe ma titi to ngona ani tauika. Ngohi ahao tohiaturu la to ngona ani ngofakoka de imahikauku naga o nauru manga ngoe abe tahidadi o koano abe inituruuruoli.

1 Kokoano 5:4

Ho ipahaino abe ma oraha naa de ahi Jou o Yawe wohihidoakoka ma hilaku gea ho ma parangi mata-mata ibootoka de ko iwa ahi musu ma oraha naa. De ngomi nenangoka miwango misosanangi dika de ma dameoka.

1 Tawari 22:6

De ahao o Dautu ai ngofaka o Saloomo wiahokino de wihibehehongo unangika la wohigoko o tau moi abe Ma Jou o Yawe, o Isiraele ma nyawa manga Jou, ka idadi wogogere ma goronaka.

1 Tawari 22:7

De wihingahu unangika wato, “Ahi ngofaka, tomahingahu ngonaika ma titi Ma Jou ai Tau. Naa ma dekanoka ahi hininga ma hidee la o tau moi todiai duru irahai abe idadi to Una Ma Jou o Yawe ai Tau la hokogea ahi horomati ahi Jouika tohitunguu Unangika.

1 Tawari 28:2

De ahao manga koano o Dautu una womaokoiye de wahingahu ona mata-mataika, wato, “Ahi popareta de ahi gogianongoru, naa ngohi togahoko la ngini mata-mata nitotoihene. Naa ma dekanoka ahi hininga ma hidee la o tau moi todiai duru ma rorahai abe ka idadi Ma Jou o Yawe ai Behehongo ma Peti igogere doka ma goronaka. Abe ena gea imaketero hoka Ma Jou ai lou ma dederu doka ai tau ma goronaka, de gea ma titi ka ihikaika Una wosanangi wogogere ai ngioka gea. Ho ngohi ma dekanino naa ahi hidiai ma ngoe la ngone ka idadi hodiai Ma Jou ai Tau gea.

2 Tawari 20:30

De hokogea Ma Jou wihidoaka o Yosafatika de ai kokawaahaika manga hiaini o parangino abe ngaro o tonaka mata-mataika ma ko iwaka abe yoboaino yaparangi ho o dame duru ilaku o Yehuda ma tonakoka.

Higiriiri 18:1

O Dautu ai nyanyianga ma demo Ma Jouika hokonaa, wato, “Ahi Jou o Yawe, duru tonidora Ngonaika! Angamoi Ngona dika ahi buturungu ma titi!

Matiusu 25:16

“De ka de una wosobo de ai duduhunu wohira-hira abe wamake o popoje motoa ai dutuino, una gea womulaenge wapake ma tiwi gea hokokia la ahao ka idadi wamake ma hasili genangino hiadono ahao ma tiwi idogoli abe ahao wohigilio ai dutuika. De igoungu ko itedekanuahi de ma popoje motoa gea idadi o popoje ngimoi!”

Hidingoto 7:46

“De Ma Jou wisanangi nanga tofora o Dautika. De ipahaino de naga o Dautu ai hininga moi ipuda, ho una wogahoko Ma Jouika wato, ‘Ahi Jou, ka idadi ngohi todiai o tau moi abe ahao idadi to Ngona ani gogere? De tohigoko ipaha de ahao genangoka o Isiraele ma nyawa mata-mata ka idadi yomahuba-huba Ngonaiye.’ Hokogea o Dautu ai gogahoko Ma Jouika.

Yosua 23:1

De o taongo muruono ipahaika abe Ma Jou o Yawe duru o Isiraele ma nyawa waduhunu hiadono ko yomaketeparangiokaua de manga musu abe yogogere o Kanani ma tonakoka gea. Ho naa adonoka ma oraha o Yosua iwiperekioka.