2 Samuele 6:18 - Ma Jou ai Demo-demo o Totobelohoka

¹⁸ Ka de ai huhuba mata-mata gea womahihuba ibooto de ahao o Dautu ai nyawa mata-mataika genangoka wahiowa onangika de o demo abe ihititi Ma Jou o Yawe Wokokurutiye ai romangoka.

2 Samuele 6:18 ပူးပေါင်းရင်းမြစ်များ

Dodadi 14:19

De ahao o Abaraama o Mekisedeke wigahoko Ma Jouika wato, “Ma Jou Nokokurutiye ngohi tigahoko o Abaraama naa la nihiowa, Ngona abe o Horoga de o dunia natulaada de togahoko la nihiowa.

2 Samuele 6:19

De ahao o Dautu nagaoo ai hidoaka o nyawa mata-mataika ngaro o nauru eko ngaro o ngofekaoo ma wahikokidoaka ona homoi-homoiika o roti iharo-harongo amomoi, de o roehe o luiti amomoi homoi-homoiika wahidoaka, de o angguru ma hofoko abe ma doolenge o belaka homoi-homoiika wahidoaka. Hokogea o Dautu wodiai de ahao ona abe yomatoomuino yokokilio homoi-homoi manga tauika.

2 Tawari 6:3

De ahao o Saloomo womadogilioro onangika gea abe wahikoano la wahimanga o Isiraele ma nyawa manga doomu ma amokika abe yomakokiokoino de ona wahiowa de ai demo hokonaa, wato,

Huhupu 39:43

De ahao o Musa watailako manga karajaanga mata-mata gea de duru itaana yodiai itiai abe duru ona yomahidodiai yokarajaanga yaniiki Ma Jou ai behehongo abe wihingahu o Musaika. Ho ka de watailako ibooto de o Musa duru wosanangi hiadono wahikokiowa onangika abe yokokarajaanga.

Hidingoto 3:26

De gea duru igoungu angamoi ma oraha Ma Jou wigoraka ai Huhuloko o Yesusu, gea wihidingoto ihira ngini o Isiraele ma nyawaika. De abe ma owa ngini niamake, gea winihiowa abe winihigilio la ufa nigila-gila nianiiki nia howo-howonika masara la nimangali Ma Jouika.” Hokogea o Peturusu wahitararono Ma Jou ai Demo-demo ona yowoe-woeika.