2 Samuele 6:14 - Ma Jou ai Demo-demo o Totobelohoka

¹⁴ De naga o Dautu ai pakeanga ai baju o efodo imaketero hoka ona yomahinoauku abe yahidemo o Isiraele ma nyawa Ma Jouika. De ai baju o efodo gea o Dautu womahinoauku de una gea duru woselo-selo Ma Jou o Yawe ai himangoka de ai buturungu ma gahumu.

2 Samuele 6:14 ပူးပေါင်းရင်းမြစ်များ

2 Samuele 6:15

Hokogea una de o Isiraele ma nyawa manga dutu-dutu homoi-homoiino naga manga ngoe yomakiniiki ma oraha Ma Jou o Yawe ai Peti yao o Dautu ai kotaika. De ona mata-mata duru de manga gogarago ihiboa-boaka de naga manga guguli o domba ma tatadukino ma ngoe abe yawuwu ka ihikaika manga dodagi ma goronaka.

2 Samuele 6:20

De ahao o Dautu wolio ai tauika una wato onangoo wahiowa abe ai tauoka masara ngoi fekata o ngo Mikala, abe o Saulu ngoi ora, muna mohupu manga tauino mibuhuku ami rokata. De mitaere, mato, “Abeika o Isiraele ma nyawa manga koano! Done sarakia o nyawa ka idadiohi yomalega ngonaika de manga horomati? De o wange naa ngona nohirusaka o koano ma horomati! De ani popareta manga gogilaongo, abe utu o ngo-ngofeka, ngona duru manga himangoka de ani pakeanga nahuputu imaketero hoka o nauru ma dorou abe una womahekono o ngo-ngofeka manga himangoka. Hokogea ngona naa nodiai. De ngona o koano! Ho ko iwa ani maleke?” Hokogea o ngo Mikala mitaere ami rokatika.

Huhupu 15:20

Ho ka de yamake gea Ma Jou wodiaioka de o Harunu de o Musa manga biranga idodutu o ngo Miriama munangoo mihigiriiri Ma Jouika abe Una womihiakunu la muna modadi ai uru ma dodofanga. De manga gogereenge o ngo Miriama magoraka de momulaenge mohiboha-boha ami giamika de mahihira-hira o ngo-ngofeka de manga sanangi ihiboha-boha manga gogereenge de ihiselo-selo la iwihigiriiri Ma Jouika.

Huhupu 15:21

De o ngo Miriama monyanyi manga nyanyianga naa: “Ngohi naa tonyanyi - tihigiriiri Ma Jou o Yaweiye, Duru wokokurutiye ho ka Unangohi duru tigorakiye. O kuda de ona o kudaka yokokifarenuku, Ka ma moi Ma Jou wahidotumoka o gahioko.”

Huhupu 19:6

De ngini o Isiraele to una ai totoforauku tomadingakino la nihileleani Ngohi abe ahao tinihidadi o hohidemo la ngini o dunia ma nyawa niahidemo Ngohino. De ngini tomadingakino abe duru tinihidadi o doomu moi ma debi-debini kohaamoko o duniaka.’ Hokogea o Musa, ahi demo abe kiani nahingahu o Isiraele ma nyawaika.”

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Lukasa 15:25

“Masara ma oraha yomulaenge ihirame-rame de ai ngofaka ma riaka ko iwiwa ma tauoka angamoi una ka wokarajaangohi ma hoanoka. De ipaha abe wolioino ma tauino de naga woihene to ona manga hagaaga ma titi ihirame-rame de yoselo-selo.

Higalioli 6:5

De ngini kiani niwidora nia Jou o Yaweikahi de ti ngini nia hininga ma gahumu, de kiani niwidora de nia wowango ma gahumu, de kiani niwidora Unangika de o kia dika mata-mata abe naga nginioka!”

Kolose 3:23

Ho ngaro nia karajaanga o kia dika naga, ma, gea kiani nikarajaanga de nia magawe ma gahumu. Abe gea kiani nikarajaanga imaketero hoka nanga Baluhu idodutu ma hirete Una winihikarajaanga nginika, ho Unangika niwileleani de ko o nyawaikaua dika.

Hihira 11:34

De ahao Yefata wolio de ma oraha woboa ai tauino o Misapoka de abe yohira yohupu ai tauino gea ka to una ngoi ora mibuhuku. De o Yefata ai ngofaka gea ka muna momatengo dika de naa ami baba mibuhuku de mao ami gogereenge mohiboha-boha de mohiselo-selo de ami garago ilamoko.

1 Samuele 2:18

De ma oraha gea o Samuele, ngaro una ka o ngofakohi masara ka ihikaika wileleani Ma Jou o Yawe ai Tauoka. De una wapake o baju yodiai o lawe ma alu-aluhino abe enangoo yomadingakoka Ma Jouika. De o baju gea ma romanga o efodo abe ma rupa imaketero hoka ona o hidemo Ma Jouika yapake.

1 Samuele 2:28

De ani totoforaino Ngohi tiiriki o Harunu la una gea wodadi o Isiraele ma nyawa manga hidemo Ngohino abe nihiromanga o hidemo abe ai leleani winihidemo Ngohiye. Ho ai karajaanga waleleani ahi nyawa abe manga huhuba Ngohino wahihuba o huhuba iharo-harongo ma ngioka de wotobatufu-tufuku o manyanyi Ngohiye. De to una ai pakeanga gea abe tomadingakoka la ena dika wapake ma oraha wohileleani abe winihidemo Ngohino. De naga tahitagongo o hidemo ma nyawa mata-mata abe ihileleani hoka o Harunoli. De to ona manga inomo Ngohi tahidailako ona mata-mataika. Manga inomo gea o Isiraele ma nyawa manga huhuba o aewani ma roehe abe tahigunoa yomale ma oraha o huhuba gea yatufuku ahi huhuba iharo-harongo ma ngioka. Hokogea ngini o Isiraele ma nyawa manga hidemo Ngohino ka ihikaika tinihidailako nia inomo.

1 Samuele 22:18

De ipaha de ma koano wihuloko o Doegikali wato, “Ho, ngona dika nodiai!” De una gea womasikaa wabaata onangika de watoma o hidemo ma nyawa yamoritufange de yamotoa ma wange gea dika. De ma oraha watoma de ona ka yapakeohi manga hidemo ma nyawa manga baju ma rorahai.